1~Reyes 21:4 - CHUYA QELLQA La Biblia en Quechua de Ayacucho 2012

⁴ Hinaptinmi rey Acabqa llakisqa hinas-pa piñasqa palacionman kutikurqa, Jezreel llaqtayuq Nabotpa “ñawpaq taytaykunapa qowasqan herencia allpataqa manam qoykimanchu” nisqanwan. Palacionman chayaruspanmi camanman wischukuykurqa, hinaspam perqa lawman muyuriruspan mikuytapas mana munarqachu.

Quechua Ayacucho Bible 1987

⁴ Chaymi Rey Acabqa Jezreel llaqtayoq Nabotpa nisqanwan palacionman kutikurqa llakisqa hinaspa piñasqa, Nabotmá nimurqa: —Abueloykunapa qowasqan herencia allpataqa manam qoykimanchu —nispa. Palacionman chayaruspanmi camanman ustururqa, perqa lawman muyuriruspanmi mana mikuyta munarqachu.

Chuya Qellqa 1992

⁴ Hinaptinmi rey Acabqa llakisqa hinaspa piñasqa palacionman kutikurqa, Jezreel llaqtayuq Nabotpa “ñawpaq taytaykunapa qowasqan herencia allpataqa manam qoykimanchu” nisqanwan. Palacionman chayaruspanmi camanman wischukuykurqa, hinaspam perqa lawman muyuriruspan mikuytapas mana munarqachu.

1~Reyes 21:4 Iomraidhean Croise

2~Samuel 13:2

Amonmi panin Tamarmanta enamorakuruspam llakimanta onqorurqa. Tamarqa manaraq qari reqsiq kasqanraykum Amnonqa mana ima ruwaruytapas atirqachu.

2~Samuel 13:4

Paymi Amnonta nirqa: Reypa churin, ¿imanasqataq puncha-punchaw kaynatañaqa hukmanyachkanki? ¿Manachu willaykuwankiman? nispa. Chaymi Amnón nirqa: Wawqey Absalonpa panin Tamarmantam llumpayta enamorakuruni, nispa.

1~Reyes 20:43

Hinaptinmi Israel nacionpa reyninqa llakisqa hinaspa piñasqallaña Samaria llaqtapi palacionman kutikurqa.

1~Reyes 21:1

Jezreel llaqtayuq Nabotpam uvas huertan kapurqa. Chay huertaqa karqa Samaria llaqtapi rey Acabpa palacionpa waqtanpim.

1~Reyes 21:3

Chaymi rey Acabta Nabot nirqa: Amayá Tayta Diospas munachunchu ñawpaq taytaykunapa qowasqan tupaqniy allpata qanman qoykunaytaqa, nispa.

1~Reyes 21:5

Chaymi warmin Jezabel hamuruspan nirqa: ¿Imanasqataq llakisqa kachkanki hinaspa mikuytapas wischupakuchkanki? nispa.

Ester 5:13

Chaywanpas judío Mardoqueota reypa palacionpa punkunpi tiyachkaqta sapa punchaw rikuptiyqa, manam imapaqpas serviwanchu, nispa.

Jobwan Sutichasqa Libro 5:2

Cheqaptapunipas mana yachayniyuqtaqa piñakuyninmi wañuchin, hukpa kapuqninta munapayaq runataqa envidiakuyllanmi wañuchin.

Eclesiastés 6:9

Mana rikuy atina kaqmantaqa rikuy atina kaqmi aswan allinqa. Chaypas yanqallam, wayrata hapirunapaq qatikachay hinallam.

Jonás 4:1

Jonastam ichaqa Diospa imam ruwasqan mana gustarqachu, chaymi pay anchata piñakururqa.

Jonás 4:4

Hinaptinmi Tayta Dios nirqa: ¿Allintachu ruwachkanki chaynata piñakuspayki? nispa.

Jonás 4:8

Inti lloqsiramuptinmi, intipa qespimunan lawmanta rupaq wayrata Dios hatarirachimuptin, Jonaspa umanta inti rupaptin wañunayarqa; chaymi wañuyta munaspan nirqa: Kawsanaymantaqa amalaya wañu-ruymanña, nispa.

Jonás 4:9

Tayta Diosñataqmi nirqa: ¿Higuerilla planta chakirusqanmantachu llumpayta piñakurunki? nispa. Jonasñataqmi nirqa: ¡Arí, razonmantam rabiawanpas wañu-ruyman! nispa.

Efesios 4:27

Huchaman diablo urmachisunaykichiktaqa amayá saqekuy-chikchu.

Santiago 1:14

Runaqa sonqonpa munasqankunawan apachikuspanmi tentachikunanpaq aysachikun.

1~Samuel 28:23

Saulñataqmi mana munaspan nirqa: Manam mikuymanchu, nispa. Ichaqa serviqninkunawan chay warmi hikutaptinkum, pampamanta hatariykuspan camapi tiyaykurqa.