1~Reyes 2:7 - CHUYA QELLQA La Biblia en Quechua de Ayacucho 2012

⁷ Galaad lawmanta kaq Barzilaipa mirayninkunatam ichaqa kuyapayarinki, paykunaqa palacioykipim qanwan kuska mikunqaku, wawqeki Absalonmanta lluptiptiymi paykunaqa yanapaykuwarqaku.

Quechua Ayacucho Bible 1987

⁷ Galaad lawmanta Barzilaipa mirayninkunatam ichaqa kuyapayarinki, palacioykipim qanwan kuska paykunaqa mikunqa, paykunaqariki yanapaykuwarqakum wawqeki Absalonmanta lluptichkaptiy.

Chuya Qellqa 1992

⁷ Galaad lawmanta kaq Barzilaipa mirayninkunatam ichaqa kuyapayarinki, paykunaqa palacioykipim qanwan kuska mikunqaku, wawqeki Absalonmanta lluptiptiymi paykunaqa yanapaykuwarqaku.

1~Reyes 2:7 Iomraidhean Croise

Génesis 40:14

Chayna allinña kaspaykiqa amamá qonqaruwankichu, ama hina kaspaykim rey Faraonta niykapuwanki kay carcelmanta hurqowananpaq.

2~Samuel 19:28

Taytaypa llapallan ayllunkuna qampa qayllaykipi wañunaykupaq kachkaptiykupas, qanmi kay serviqnikita qanwan kuska mikunaypaq convidawarqanki. Chaynaqa, reynilláy, ¿imataraqtaq masta reclamaykiman? nispa.

2~Samuel 9:10

Qanmi churikikunapiwan hinaspa serviqnikikunapiwan allpanta llamkapunki, cosechanta hoqarispaykim patronnikipa ayllunkuna mikunankupaq waqaychanki. Patronnikipa willkan Mefi-bosetmi ichaqa ñoqawan kuska tukuy tiempo mikunqa, nispa. Sibapa churinkunam karqa chunka pichqayuq, serviqninkunañataqmi karqa iskay chunka.

2~Samuel 9:7

Chaymi David nirqa: Ama manchakuychu. Ñoqam taytayki Jonatanrayku yanapaspay abueloyki Saulpa llapa allpanta kutichipusqayki, qamñataqmi ñoqawan kuska tukuy tiempo mikunki, nispa.

2~Reyes 25:29

Carcelpi kasqan pachankunatapas mudarachiptinmi rey Joaquinqa wañukunan punchawkama Babiloniapa reynin Evil-merodacwan kuska mikurqa.

2~Reyes 25:30

Sapa punchawmi Babiloniapa reyninqa Joaquinman wañukunan punchawkama mikuchirqa.

Esdras 2:61

Sacerdotekunapa mirayninmanta kutimuqkunam karqaku: Habaiapa mirayninkuna, Cospa mirayninkuna hinaspa Barzilaipa mirayninkuna. Barzilaimi Galaad lawpi kaq Barzilaipa warmi churinwan casarakurqa, chayraykum suegronpa sutinwan sutichakurqa.

Proverbios 27:10

Amigoykitawan taytaykipa amigontaqa amayá saqeychu. Sasachakuy chayamusuptikiqa amayá wawqekipa wasinmanqa kallpaychu, karupi yachaq wawqekimantaqa vecinoykim aswan allinqa.

Jeremías 52:33

Carcelpi kasqan pachankunatapas mudarachirqam, chaynapim rey Joaquinqa wañukunan punchawkama Babiloniapa reyninwan kuska mikurqa.

Lucas 12:37

Mayna kusisqam kanqaku patronnin kutimuspa rikchachkaqta tariykamusqan sirvientekunaqa. Cheqaptapunim nikichik, patronninkuqa allichakuykuspanmi paykunata mesapi tiyaykachispan kikinpuni serviykunqa.