1~Reyes 2:6 - CHUYA QELLQA La Biblia en Quechua de Ayacucho 2012

⁶ Chaynaqa, yachaywanyá ruway, amayá machuyanankamaqa saqeychu, wañuchinkipunim.

Quechua Ayacucho Bible 1987

⁶ Chaynaqa yuyaywanyá ruray, paytaqa wañuchinkimá.

Chuya Qellqa 1992

⁶ Chaynaqa, yachaywanyá ruway, amayá machuyanankamaqa saqeychu, wañuchinkipunim.

1~Reyes 2:6 Iomraidhean Croise

Génesis 42:38

Jacobñataqmi nirqa: Qamkunawanqa manañam churiyqa rinmanchu, wawqen wañuruptinmi sapallanña qeparqa, chay risqaykichikpi imapas pasaruptinqa, qamkunapa hawaykichikpim llakimanta kay yuyaq taytaykichik wañurusaq, nispa.

Génesis 9:5

Qamkuna wañuchiqtaqa, runa kaptinpas otaq animal kaptinpas cuentatam mañasaq.

Génesis 9:6

Pipas runamasin wañuchiqtaqa paytapas runamasintaqmi wañuchinqa, runaqa Diosman rikchakuq ruwasqa kasqanrayku.

2~Samuel 3:39

Chaymi Diospa sapaqchasqan rey kachkaspaypas mana ima ruwayta atinichu Sarviapa wawankuna rumi sonqo munaysapa kasqankurayku. Tayta Diosyá mana allin ruwaqmanqa imam ruwasqanman hina pagapuchun, nispa.

1~Reyes 2:7

Galaad lawmanta kaq Barzilaipa mirayninkunatam ichaqa kuyapayarinki, paykunaqa palacioykipim qanwan kuska mikunqaku, wawqeki Absalonmanta lluptiptiymi paykunaqa yanapaykuwarqaku.

1~Reyes 2:9

Chaywanpas qamqa amam pampachankichu; yuyayniyuq runam kanki, tanteasqaykiman hina ruwaspa wañuchiypuni, nispa.

1~Reyes 3:12

chaynaqa mañakusqaykiman hinam yachaytawan yuyayta qoyki. Ñawpaqtaqa manam pipas qam hina yachayniyuqqa karqachu, nitaqmi qepatapas kanqachu.

2~Reyes 22:20

Chayraykum ñawpaq taytaykikuna hina wañukuspaqa hawkayaypim pampasqa kanki. Kay llaqtapa contranpi castigo apachimusqaytaqa manam rikunkichu, nispa. Chaymi kutirispanku chaynata reyman willamurqaku.

Proverbios 20:26

Yachayniyuq reyqa mana allin runakunata cheqerachispam ruedawan ñitirachin.

Proverbios 28:17

Runamasinta wañurachiq runaqa mana pipa harkasqanmi wañuyman chayanankama ayqenqa.

Eclesiastés 8:11

Runata mana allin ruwasqanmanta mana chaylla castigaruptinkuqa, wakin runakunapas chayllam mana allin ruwayman qokurunqaku.

Isaías 48:22

Mana allin ruwaqkunapaqmi ichaqa mana hawkayay kanchu. Tayta Diosmi chaynata nin.

Isaías 57:2

Paykunaqa hawka kaymanmi yaykurunku, sepulturankupim hawkaña samarunku.

Isaías 57:21

Mana allin runakunapaqqa manam haykapipas hawkayay kanchu. Ñoqa Tayta Diosmi chaynata nini.

Isaías 65:20

Chayllaraq naceq wawakunapas chaypiqa manañam wañunqakuchu, yuyaqkunapas unaytam kawsakunqaku; pachak watayuq kachkaspa wañukuyqa warmallanpiraq wañukuy hinam kanqa; pachak watanman manaraq chayachkaspa wañukuyñataqmi ñakasqapaq hapisqa kanqa.

Números 35:33

Yachasqaykichik allpataqa runa wañuchiykunawanqa amam millakuypaqtaqa ruwankichikchu, runa wañuchiyqa allpatam millakuypaqta ruwan. Chay allpaqa chuyanchasqa kanqa runa wañuchiqta wañurachiptillankum.