1~Reyes 2:5 - CHUYA QELLQA La Biblia en Quechua de Ayacucho 2012

⁵ Qamqa yachankiñam Sarviapa wawan Joabpa imam ruwawasqantapas, paymi Israelpa tropankunapa kamachiqninkunata wañurachirqa: Nerpa churin Abnertawan Jeterpa churin Amasata. Paykunataqa manam guerra tiempopichu wañurachirqa, paykunapa yawarninwanmi weqaw watakunaytawan usutaytapas yawarcharurqa.

Quechua Ayacucho Bible 1987

⁵ Qamqa ñam yachankiña paniy Sarviapa wawan Joab imam rurawasqantaqa, payqariki Israel nacionpim llapallan tropakuna kamachiq iskay runakunata wañurachirqa, payqa wañurachirqa Nerpa churin Abnertawan Jeterpa churin Amasatam. Paykunataqa wañurachirqa manam guerra tiempopichu, chay runakunapa yawarninwanmi yawarcharurqa weqawniy watakunaytapas chaynataq sandaliaytapas.

Chuya Qellqa 1992

⁵ Qamqa yachankiñam Sarviapa wawan Joabpa imam ruwawasqantapas, paymi Israelpa tropankunapa kamachiqninkunata wañurachirqa: Nerpa churin Abnertawan Jeterpa churin Amasata. Paykunataqa manam guerra tiempopichu wañurachirqa, paykunapa yawarninwanmi weqaw watakunaytawan usutaytapas yawarcharurqa.

1~Reyes 2:5 Iomraidhean Croise

2~Samuel 17:25

Absalonmi tropankunapa kamachiqnin Joabpa rantinpi Amasata churarurqa. Amasaqa karqa Ismael casta Itrapa churinmi, mamanñataqmi karqa Nahaspa wawan Abigail. Nahasqa karqa Joabpa maman Sarviapa ñañanmi.

2~Samuel 18:12

Chaymi Joabta chay runa nirqa: Waranqa gramo qollqetaña qowaptikipas reypa churintaqa manam imanaymanchu karqa. Reymi kamachisurqankichik qamta, Abisaita hinaspa Itaitapas, “churin Absalontaqa amam imanankichikchu nispa”, chaytam uyarirqaniku.

2~Samuel 18:14

Joabñataqmi nirqa: Yanqañam qanwanqa tiempoyta usu-chini, nispa. Hinaspanmi kimsa lanzawan Absalonta qasqonpi clavarurqa encina sachapi warkurayachkaqta.

2~Samuel 18:5

Reymi Joabta, Abisaita hinaspa Itaita kaynata kamachirqa: Ñoqaraykum churiy Absalonta ama imanankichikchu, nispa. Absalonmanta capitankunaman reypa kamachisqantam llapa tropakunapas uyarirqaku.

2~Samuel 2:13

Sarviapa wawan Joabpas, Davidpa tropankunawanmi Hebrón llaqtamanta lloqsirqa. Iskaynin tropakunam Gabaón estanquepa waqtanpi tupanakururqaku, hinaspam chimpa-chimpa churakururqaku.

2~Samuel 2:18

Chaypim Sarviapa kimsa qari wawankuna kachkarqaku: Joab, Abisai hinaspa Asael. Asaelmi karqa purunpi luwichu hina kallpaq.

2~Samuel 20:10

Amasaqa manam musyarqachu Joabpa makinpi espada kasqanta. Qonqaymantam Amasata wiksanpi Joab tuksirurqa chunchulninkunapas pampaman tallikunankama. Chaylla wañurusqanraykum huktawanqa manaña tuksirqañachu. Chaymantañam Joabqa wawqen Abisai-piwan Bicripa churin Sebata qatirqaku.

2~Samuel 3:27

Hebrón llaqtaman Abner kutiramuptinmi llaqtapa punkunpa huklawninman Joab pusarurqa mana pipa uyarisqanta rimanankupaq, ichaqa espadawan wiksanpi tuksiruspanmi wañurachirqa, wawqen Asael wañurachisqanmanta vengakuspa.

2~Samuel 3:39

Chaymi Diospa sapaqchasqan rey kachkaspaypas mana ima ruwayta atinichu Sarviapa wawankuna rumi sonqo munaysapa kasqankurayku. Tayta Diosyá mana allin ruwaqmanqa imam ruwasqanman hina pagapuchun, nispa.

1~Reyes 1:7

Adoniasmi Sarviapa wawan Joabwan chaynataq sacerdote Abiatarwan hukllawakururqa, hinaptinmi paykuna yanaparqaku.

1~Reyes 2:32

Tayta Diosmi runakuna wañuchisqanmanta castiganqa, Joabqa taytay Davidpa mana yachasqantam allin sonqoyuq runakunata, Israelpa tropankuna kamachiq Nerpa churin Abnertawan Judapa tropankuna kamachiq Jeterpa churin Amasatapas wañurachirqa.

Jeremías 2:34

Wakchakunapa, inocente runakunapa yawarninwanmi pachaykita qanracharunki, huchankuta mana tarichkaspam wañurachinki, chaywanpas ninkiraqmi:

Jeremías 6:15

Millakusqay kaqkunata ruwachkaspankupas manam paykunaqa penqakunkuchu, manañam penqakuyninkupas kanñachu. Chayraykum castigasqay punchawpi castigasqaykunawan kuska wichinqaku. Ñoqa Tayta Diosmi chaynata nini.

Mateo 3:4

Juanpa pachanqa karqa camellopa pelonmantam, weqaw watanpas qaramantam karqa, mikunanñataqmi karqa aqaruway urukunawan purun abejapa miskin.

Deuteronomio 27:24

¡Runamasinta mana pipa rikusqanta wañurachiq runaqa ñakasqayá kachun! nispanku. Hinaptinmi llapa runakunañataq ninqaku: ¡Amén! nispanku.