1~Reyes 2:4 - CHUYA QELLQA La Biblia en Quechua de Ayacucho 2012

⁴ Tayta Diosmi prometewasqanta cumplinqa, paymi kaynata niwarqa: “Sichum miraynikikuna ñoqamanta mana rakikuspa nisqaykunata tukuy sonqonwan hinaspa tukuy almanwan kasukuspa kawsaptinkuqa, manam faltanqachu qampa miraynikikunamanta Israel nacionpi munaychakuq”, nispa.

Quechua Ayacucho Bible 1987

⁴ Tayta Diosmi prometewasqanta cumplinqa, paymi niwarqa kaynata: “Qampa miraynikikuna ñoqamanta mana rakikuspa nisqaykunata tukuy sonqonwan hinaspa tukuy vidanwan kasukuspa kawsaptinkuqa mana tukuytam qampa miraynikikunamanta Israel nacionpi gobiernaq qari kanqa” nispa.

Chuya Qellqa 1992

⁴ Tayta Diosmi prometewasqanta cumplinqa, paymi kaynata niwarqa: “Sichum miraynikikuna ñoqamanta mana rakikuspa nisqaykunata tukuy sonqonwan hinaspa tukuy almanwan kasukuspa kawsaptinkuqa, manam faltanqachu qampa miraynikikunamanta Israel nacionpi munaychakuq”, nispa.

1~Reyes 2:4 Iomraidhean Croise

Génesis 17:1

Abramqa isqon chunka isqonniyuq watanpi kachkaptinmi Tayta Dios rikuriykuspan nirqa: Ñoqam kani Tukuy Atiyniyuq Tayta Dios, munasqayman hinayá kawsay.

Génesis 18:19

Abrahamtaqa akllarqani churinkunata hinaspa wakiqnin mirayninkunatapas kamachinanpaqmi, chaynapi munasqayman hina allin kaqkunata ruwaptinku prometesqaykuna cumplinaypaq, nispa.

2~Samuel 7:25

Señorlláy, Dios Taytalláy, kunanyá kay serviqnikimantawan mirayninmanta rimasqaykita wiñaypaq takyachiy. Nisqaykiman hinayá ruway.

1~Reyes 1:48

nirqa: Israelpa yupaychasqan Tayta Diosyá alabasqa kachun, kunan punchawmi churiyta palacioypi qawachkaptiy tiyaykachin, nispa.

1~Reyes 11:36

Salomonpa churinmanñataqmi huk ayllullata qosaq, chaynapi serviq-niy Davidpa achkiynin qayllayman-ta Jerusalén llaqtapi mana chinkarunanpaq, chay llaqtatam akllakurqani chaypi sutiy reqsisqa kananpaq.

1~Reyes 3:14

Sichum taytayki David hina yachachikuyniykunatawan kamachikuyniykunata kasukuspa munasqayman hina ruwaptikiqa unay watakunatam kawsachisqayki, nispa.

1~Reyes 3:3

Salomonmi ichaqa Tayta Diosta kuyarqa, taytan Davidpa kamachisqankunatapas kasukurqam; chaywanpas alto moqokunapim animalkunata wañuchispan inciensota kañarqa.

1~Reyes 6:12

Kay templota ruwapuwasqaykiraykum niki: Sichum kamachikuyniykunata hinaspa yachachikuyniykunata kasukuptikiqa taytayki Davidman kawsachkaptinraq qanmanta prometesqaykunatam cumplisaq;

1~Reyes 8:23

nirqa: Israelpa yupaychasqan Dios Taytalláy, qam hina Diosqa manam kanchu hanaq pachapipas nitaq kay pachapipas, qamqa tukuy sonqonwan kasukuspa serviqnikikunata kuyaspam pactoykita cumplinki.

1~Reyes 8:25

Chaynaqa, Israelpa yupaychasqan Dios Taytalláy, kunanyá cumpliy serviqniki taytay Davidman prometesqaykita, qanmi payta nirqanki: “Ñoqapa ñawpaqniypiqa mana tukuytam qampa miraynikimanta Israel nacionpi munaychakuq kanqa, ichaqa churikikunayá munasqayman hina kawsachun, qampa kawsasqaykiman hinayá paykunapas kawsachunku”, nispa.

1~Reyes 9:5

taytayki Davidman nisqaypi hinam Israel nacionpi munaychakuynikita wiñaypaq takyachisaq. Paymanmi nirqani: “Manam faltanqachu miraynikikunamanta Israel nacionpi munaychakuq”, nispa.

2~Reyes 20:3

Dios Taytalláy mañakuykim, qayllaykipi cheqap sonqowan kawsasqayta hinaspa qampa munasqaykiman hina ruwasqaytayá yuyariykuy, nispa. Chaynata niruspanmi Ezequiasqa llumpayta waqakurqa.

2~Reyes 23:25

Manam mayqan reypas karqachu rey Josías hina Tayta Diosman kutirikuqqa; payqa tukuy sonqonwan, vidanwan hinaspa tukuy kallpanwanmi Moisespa qellqasqan yachachikuykunata ruwayman churarqa. Pay hinaqa manam huk reyqa karqachu ñawpaqtapas nitaq qepatapas.

2~Reyes 23:3

Hinaspam reyqa pilarpa waqtanpi sayaykuspan Tayta Diospa qayllanpi contratota ruwarqa. Chayman hinam prometekurqa Tayta Diosta qatinanpaq, kamachikuyninkunatapas, yachachikuyninkunatapas, decretonkunatapas tukuy sonqonwan hinaspa tukuy vidanwan kasukunanpaq, prometekurqataqmi Diospa pacto ruwasqan libropa nisqanta cumplinanpaqpas. Chaypi kaq llapallan runakunapas chaynata ruwanankupaqmi prometekurqaku.

1~Crónicas 28:9

Kuyasqay churiy Salomón, qamñataqyá kay taytaykipa Diosninta reqsikuspayki tukuy sonqoykiwan hinaspa tukuy kallpaykiwan serviy. Tayta Diosqa llapa runakunapa sonqontam qawachkan, reqsintaqmi runapa imam munasqanta hinaspa tanteasqantapas. Diosta maskaspaykiqa tarinkim, payta saqeruptikim ichaqa paypas wiñaypaqña saqerusunki.

2~Crónicas 17:3

Tayta Diosmi rey Josafatta yanaparqa, payqa ñawpaq taytan Davidpa kawsasqanta hinam kawsarqa, manam Baal idolokunataqa servirqachu,

2~Crónicas 6:16

Chaynaqa, Israelpa yupaychasqan Dios Taytalláy, kunanyá serviqniki taytay Davidman prometesqaykita cumpliy, qanmi nirqanki: Ñoqapa ñawpaqniypiqa mana tukuytam qampa miraynikimanta Israel nacionpi munaychakunqa, ichaqa churikikunayá qampa kawsasqaykiman hina, kamachikuyniykunata kasukuspa kawsachunku, nispa.

2~Crónicas 7:18

ñoqam taytayki Davidman nisqaypi hina munaychakuynikita takyachisaq. Paytam nirqani: “Mana tukuytam miraynikikunamanta Israel nacionpi munaychakuq kanqa”, nispay.

Jeremías 33:17

Ñoqa Tayta Diosmi kaynata nini: Davidpa mirayninmanta Israelpi munaychakuqqa manam tukunqachu.

Levítico 26:3

Kamachikuyniykunatawan yachachi-kuyniykunata kasukuptikichikqa,

Zacarías 14:2

Tayta Diosmi kaynata nin: Chay punchawpim llapa nacionkunata hatarirachisaq Jerusalenpa contranpi peleanankupaq. Hinaspam llaqtata venceruspanku wasikunata salteaspa warmikunatapas abusanqaku. Llapa runatam partenta presota apanqaku, puchuqkunañataqmi hinapi qepanqaku, nispa.

Mateo 22:37

Chaymi Jesusñataq nirqa: Señor Diosnikitam kuyanki tukuy sonqoykiwan, tukuy vidaykiwan hi-naspa tukuy yuyaymanaynikiwan.

Lucas 1:6

Paykunaqa warmi-qarim Diospa qayllanpi allin ruwaq runakuna karqaku. Diospa kamachikuyninkunatapas lliwtam kasukuqku.

Deuteronomio 10:12

Israelpa mirayninkuna, ¿imatataq Señornikichik Tayta Dios qamkunamanta munan? Payqa munan kasukuspaykichik munasqanman hina kawsanaykichiktam, tukuy sonqoykichikwan chaynataq tukuy vidaykichikwan kuyaspa yupaychanaykichiktam.

Deuteronomio 11:13

Sichum kunan punchawpi qosqay kamachikuykunata kasukunkichik hinaspa Señornikichik Tayta Diosta kuyaspaykichik tukuy sonqoykichikwan hinaspa tukuy vidaykichikwan serviptikichikqa,

Deuteronomio 6:5

Señorniki Tayta Diostam tukuy sonqoykiwan, tukuy vidaykiwan hinaspa tukuy kallpaykiwan kuyanki.

Deuteronomio 7:12

Sichum kay uyarisqaykichik yacha-chikuykunata kasukuspa ruwayman churaptikichikqa Señorninchik Tayta Diosmi ñawpaq taytaykichikkunata llakipayaspan ruwasqan pactota cumplinqa.

Judas 1:24

Sapallan salvaqninchik Diosmi atiyninwan waqaychasunkichik huchaman mana wichiykunaykichikpaq, payllam mana huchayuqta qayllanman kusisqata chayachisunkichik.