1~Reyes 19:4 - CHUYA QELLQA La Biblia en Quechua de Ayacucho 2012

⁴ Payñataqmi chunniqninta huk punchaw puriyta pasakurqa, chaypim retama sachapa sikinpi tiyaykuspan wañuyta munaspan nirqa: Dios Taytalláy, kaykamallañayá kawsasaq, wañurachiwayña, manam ñawpaq taytaykunamanta aswan allinninchu kani, nispa.

Quechua Ayacucho Bible 1987

⁴ Payñataqmi chunniqninta pasakurqa huk punchaw puriyta, chaypim huk retama sachapa sikinpi tiyaykurqa hinaspam wañuyta mañakuspan nirqa: —Dios Taytalláy, kunankamallañayá kawsasaq, ñoqataqa wañurachiwayñayá, ñoqaqa manam abueloykunamanta aswan allinchu kani —nispa.

Chuya Qellqa 1992

⁴ Payñataqmi chunniqninta huk punchaw puriyta pasakurqa, chaypim retama sachapa sikinpi tiyaykuspan wañuyta munaspan nirqa: Dios Taytalláy, kaykamallañayá kawsasaq, wañurachiwayña, manam ñawpaq taytaykunamanta aswan allinninchu kani, nispa.

1~Reyes 19:4 Iomraidhean Croise

1~Reyes 13:14

Judamanta hamuq profetata qatispan encina sachapa sikinpi tiyachkaqta tarirurqa, hinaspam tapurqa: ¿Qamchu kachkanki Judá nacionmanta hamuq profeta? nispa. Payñataqmi nirqa: Arí, ñoqam kachkani, nispa.

1~Reyes 19:3

Chaymi Eliasqa llumpayta mancharikuspan wañurachinankumanta Judá lawpi Beerseba llaqtaman ayqekurqa, chay llaqtapim criadonta saqerurqa.

1~Reyes 19:5

Chaynata niruspanmi retamapa sikinpi siriykuspa puñururqa, hinaptinmi huk ángel llapchaykuspan nirqa: Hatarispa mikuy, nispa.

2~Reyes 2:11

Rimastin richkaptinkum lenwachkaq caballokunapa aysasqan lenwachkaq carreta rikuriykamuspan paykunata rakirurqa, chaymi remolino wayrapa ukunpi Elías cieloman hoqarikururqa.

Jobwan Sutichasqa Libro 6:8

¡Ima allinraq kanman imam mañakusqayta Tayta Dios qoykuwaptinqa!

Jobwan Sutichasqa Libro 6:9

¡Ima allinraq kanman saruparuwaspan Dios wañurachiwaptinqa!

Jeremías 20:9

Chayraykum nirqani: Tayta Diostaqa qonqarusaqña, sutintapas amaña rimasaqñachu, nispay. Ichaqa palabraykim nina hinaraq sonqoypi ruparirqa, nina hinaraqmi tulluykunatapas ruparirqa. Amaña rimasaqñachu nispam nirqani, ichaqa manam upallayta atinichu.

Amós 6:2

Calne llaqtanta pasaspayá qawaykuychik, chaymanta Hamat llaqtaman rispayá Filistea nacionpi Gat llaqtaman uraykuychik. ¿Kay nacionkunamanta aswan atiyniyuqchu kankichik? ¿Allpaykichikpas paykunapamanta aswan hatunchu?

Jonás 4:3

Chaynaqa, Dios Taytalláy, ama hina kaspa wañurachiwayña, ñoqapaqqa wañukuymi aswan allinqa kanman kawsanaymantaqa, nispa.

Jonás 4:8

Inti lloqsiramuptinmi, intipa qespimunan lawmanta rupaq wayrata Dios hatarirachimuptin, Jonaspa umanta inti rupaptin wañunayarqa; chaymi wañuyta munaspan nirqa: Kawsanaymantaqa amalaya wañu-ruymanña, nispa.

Nahúm 3:8

¿Nilo mayupa patanpi Tebas llaqtamanta aswan atiyniyuqchu qam kanki? Chay llaqtaqa yakupa chawpinpim tarikurqa, muyuriqninpi yakum harkarqa, Nilo mayuwan lamar qocham chay llaqtapa waqaychaqnin perqa hina karqa.

Números 11:15

Sichum chaynata ñoqawan ruwaspaykiqa, ama hina kaspa wañurachiway. Hinaptinqa manañam chayna sasachakuykunapi kasaqñachu, nispa.

Mateo 6:26

Alton pawaq urpikunata qawaychik, paykunaqa manam tarpunkuchu nitaq cosechankuchu, manataqmi taqemanpas huñunkuchu. Ichaqa hanaq pachapi Taytanchikmi mikuchin. ¡Qamkunaqa urpikunamantapas aswantam valenkichik!

Juan 4:6

Chaypim Jacobpa pozon karqa. Chaymi Jesusqa hamusqanpi pisiparamuspan chay pozopa patanpi tiyaykurqa. Yaqa chawpi punchawñam karqa.

Romanos 3:9

Chaynaqa, ¿judiokunachu wakin runakunamanta aswan allin kanchik? ¡Manapunim! Ñam yachanchikña, judiokunapas chaynataq mana judiokunapas huchapa watasqan kasqanchikta.