1~Reyes 19:2 - CHUYA QELLQA La Biblia en Quechua de Ayacucho 2012

² Chaymi Eliasman Jezabel kaynata nichimurqa: Dioskunayá sinchita castigawachun Baalpa profetankunawan imaynallam ruwasqaykita hina qamtapas paqarin kay horata mana ruwaruptiyqa, nispa.

Quechua Ayacucho Bible 1987

² Chaymi Eliasman Jezabel nichimurqa kaynata: —Dioskunayá sinchita castigawachun Baalmanta willakuqkunata imaynam rurasqaykiman hina sichu qamtapas paqarin kay horakama mana chaynata ruraruptiyqa —nispa.

Chuya Qellqa 1992

² Chaymi Eliasman Jezabel kaynata nichimurqa: Dioskunayá sinchita castigawachun Baalpa profetankunawan imaynallam ruwasqaykita hina qamtapas paqarin kay horata mana ruwaruptiyqa, nispa.

1~Reyes 19:2 Iomraidhean Croise

2~Samuel 19:13

Amasatapas kaynatam nichimurqa: Qamqa aylluymi kanki. Joabpa rantinpim llapa tropaykunapa capitannin kanaykipaq churasqayki. Mana chaynata ruwaptiyqa Tayta Diosyá llumpayta castigawachun, nispa.

2~Samuel 3:9

Diosyá sinchita castigawachun Tayta Diospa prometesqanman hina Davidta mana yanapaptiyqa.

1~Reyes 2:23

Chaynata nispanmi rey Salomonqa Tayta Diosrayku jurarqa: Tayta Diosyá llumpayta castigawachun, kay mañakusqanmanta Adoniasta mana wañuchiptiyqa.

1~Reyes 2:28

Joabqa Absalonwan mana hukllawakuchkaspapas ichaqa Adoniaswan kuskam hatarirqa, chayraykum chay-kunata uyariruspan Tayta Diospa car-panman lluptikurqa chaypim altarpa waqrachankunaman hapikururqa.

1~Reyes 20:10

Chaymi Ben-adad musoqmanta Acabta nichimurqa: Samaria llaqtata purmarachiptiy ñutu allpallanpas soldadoykunaman putqoyllankapas qonaypaq puchuruptinqa dioskunayá sinchita castigawachun, nispa.

2~Reyes 19:22

¿Pitataq kamirqanki? ¿Pitataq ñakarqanki? ¿Pipa contranpitaq qaparispa rimarqanki? ¿Pitataq hatunchakuspa qawarqanki? ¡Israel nacionpa chuya Diospa contranpim chaykunataqa ruwarqanki!

2~Reyes 6:31

Chaypim rey qaparirqa: Safatpa churin Eliseopa umanta kunanpuni mana kuchuptiyqa Diosyá llumpa-llumpayta castigawachun, nispa.

Éxodo 10:28

Chaymi Moisesta Faraón nirqa: Qayllaymanta pasaway, ama masta rikurimuwaychu, yapatawan hamuruptikiqa wañurachisqaykim, nispa.

Éxodo 15:9

Enemigom nirqa: “Haypanaykamam qatisaq, qechusqaytam rakinakusaq, chayraqmi saksasqa hina kasaq, espadayta hurqospam chinkarachisaq”, nispa.

Proverbios 27:1

Paqarin punchaw imam ruwanaykimantaqa ama alabakuychu, paqarin punchaw imam pasakunantaqa manam yachankichu.

Jeremías 20:10

Llapa runakunapa rimakachasqankutam uyarichkani, paykunam nichkanku: Tukuy hinastinpim manchakuyllaña kachkan, hakuchik denunciamusunchik, nispam rimanakuchkanku. Llapa amistadniykunam imamanpas wichiykunayta suyachkanku, ichapas engañarachikunman venceruspa paymanta vengakurunanchikpaq, nispam nichkanku.

Jeremías 26:21

Hinaptinmi rey Joacimñataq llapa tropankunapa capitanninkunawan hinaspa llapa kamachikuqkunawan kuska, Uriaspa nisqanta uyariruspanku wañurachiyta munarqaku. Ichaqa Uriasmi mancharikuspan Egipto nacionman lluptikurqa.

Daniel 3:15

Chaynaqa, ¿listochu kachkankichik tocasqankuta uyariykuspa ruwachisqay idolopa ñawpaqninpi qonqorakunaykichikpaq hinaspa hatunchanaykichikpaq? Mana hatunchaspaykichikqa chaypunillam rupachkaq hornoman wischusqa kankichik. Hinaptinqa, ¿yaqachu mayqan diospas makiymanta librarusunkichikman? nispa.

Rutwan Sutichasqa Libro 1:17

Maypim wañukusqaykipim ñoqapas wañusaq, chaypitaqmi pampakusaqpas. Sichum kawsananchikkama qanmanta rakikuptiyqa Diosyá anchata castigawachun, wañuyllañam qamtawan ñoqataqa rakinawasunchik, nispa.