1~Reyes 18:4 - CHUYA QELLQA La Biblia en Quechua de Ayacucho 2012

⁴ chaymi Tayta Diospa profetankunata reina Jezabel wañuchiyta qallaykuptin Abdiasñataq pachak profetakunata iskay machaykunapi pakarurqa, sapa machaykunapi pichqa chunkatakama pakaruspanmi mikuyta yakuta qospan kawsachirqa.

Quechua Ayacucho Bible 1987

⁴ Tayta Diosmanta willakuqkunata Reina Jezabel wañuchichkaptinmi Abdiasqa iskay machaykunapi pakarurqa pachak willakuqkunata. Payqa sapa machaypim pakarurqa pichqa chunkatakama hinaspam mikuywan yakuwan kawsachirqa.

Chuya Qellqa 1992

⁴ chaymi Tayta Diospa profetankunata reina Jezabel wañuchiyta qallaykuptin Abdiasñataq pachak profetakunata iskay machaykunapi pakarurqa, sapa machaykunapi pichqa chunkatakama pakaruspanmi mikuyta yakuta qospan kawsachirqa.

1~Reyes 18:4 Iomraidhean Croise

1~Reyes 13:16

Judamanta hamuq profetañataqmi nirqa: Manam wasikimanqa kutiymanchu nitaqmi mikuymanchu, kay llaqtapiqa manam yakullatapas tomaymanchu.

1~Reyes 17:11

Yaku apamuq richkaptinmi chay viudata huktawan qayaspan nirqa: Ama hina kaspayá parten tantallaykitawan aparikamuway, nispa.

1~Reyes 18:13

¿Manachu pipas willasurqanki Diospa profetankunata Jezabel wañuchiptin pachakta iskay machaykunapi pichqa chunkatakama pakarusqayta hinaspa mikuywan yakuwan kawsachisqayta?

1~Reyes 18:5

Abdiastam rey Acab nirqa: Lliw nacionpi llapallan pukyukunata wayqokunata pasto maskaq hakuchik, chaynapi caballokunatapas hinaspa mulakunatapas kawsachinanchikpaq, mana chayqa wañurunqakum, nispa.

2~Reyes 6:32

Eliseom llapa ancianokunawan wasinpi tiyachkarqaku. Reymi payman huk runata kacharqa. Ichaqa kachasqan runa manaraq chayachkaptinmi, llapa ancianokunata Eliseo nirqa: Qawaychik, runa wañuchiqpa churinmi huk runata kunkayta kuchunanpaq kachamuchkan, chaynaqa chay runa chayaramuptinmi punkuta wichqaruspaykichik ama yaykuchimunkichikchu. Chay runapa qepantaqa patronninmi hamuchkan, nispa.

2~Reyes 9:7

Qanmi reyniki Acabpa mirayninkunata wañuchinki, chaynatam Jezabelta vengakunki serviq-niy profetaykunapa yawarnin chaqchus-qanmanta.

Nehemías 9:26

Paykunam ichaqa mana kasukurqakuchu, contraykipi hatarispankum kamachikuynikita qepancharqaku, qanman kutirikamunankupaq rimapayaqninku profetaykikunatapas wañurachispankum llumpayta piñachisurqanki.

Isaías 16:3

Sión moqopi yachaqkunatam ninku: Pakaykuwanaykikupaqyá tanteanakuychik, waqaychaykuwanaykikupaqyá rimanakuychik, chawpi punchawpiyá tuta hina llantuykuwayku, qanman ayqemuqkunatayá pakaykuwayku, qanman lluptimuqkunataqa amayá traicionawaykuchu.

Jeremías 26:24

Safanpa churin Ahicammi Jeremiaspa allinninpi rimarqa, chaynapim Jeremiasta wañurachinankupaq llapa runakunapa makinmanqa mana qoykurqakuchu.

Jeremías 36:19

Hinaptinmi llapa kamachikuqkunañataq nirqaku: Rispayki Jeremiaspiwan kuska pakakamuychik, maypim kasqaykichiktaqa amam pipas yachanqachu, nispanku.

Mateo 21:35

Ichaqa arriendaqnin runakunam chay kacha-musqan serviqninkunata hapiruspanku hukninta maqaparurqaku, hukninta wañurachirqaku, huknintañataq rumiwan chamqaparurqaku.

Mateo 25:35

Qamkunaqa yarqaymanta kaptiymi mikuykachiwarqankichik, yakumanta kaptiymi yakuta qoykuwarqankichik; runapa llaqtanpi puriptiymi samaykachiwarqankichik.

Mateo 25:40

Hinaptinmi Reyñataq ninqa: “Cheqaptapunim nikichik, pipas kay waw-qeykunamanta taksan kaqllapaqpas ruwaspaykichikqa ñoqapaqmi ruwarqankichik”, nispan.

Hebreos 11:38

Kay pacham mana paykunapaq hinachu karqa, chayraykum chunniqkunapi, wayqokunapi, orqokunapi, machaykunapi hinaspa qaqa uchkukunapi purirqaku.