1~Reyes 17:1 - CHUYA QELLQA La Biblia en Quechua de Ayacucho 2012

¹ Rey Acabtam Galaad law Tisbe llaqtayuq Elías nirqa: “Israelpa yupaychasqan Tayta Dios-raykum jurani, ñoqaqa serviqnin kasqayraykum paypa qayllanpi kachkani, manam kay watakunapi para kanqachu nitaqmi sullayllapas sullamunqachu ñoqa ninaykama”, nispa.

Quechua Ayacucho Bible 1987

¹ Galaad law Tisbe llaqtayoq Eliasmi Rey Acabta nirqa: —Israelpa yupaychasqan Tayta Diosraykum jurani, ñoqaqa paypa serviqnin kasqayraykum paypa qayllanpitaq kachkani: “Kay watakunapim para mana kanqachu nitaqmi sullayllapas-sullamunqachu ñoqa ninaykama” nispa.

Chuya Qellqa 1992

¹ Rey Acabtam Galaad law Tisbe llaqtayuq Elías nirqa: “Israelpa yupaychasqan Tayta Diosraykum jurani, ñoqaqa serviqnin kasqayraykum paypa qayllanpi kachkani, manam kay watakunapi para kanqachu nitaqmi sullayllapas sullamunqachu ñoqa ninaykama”, nispa.

1~Reyes 17:1 Iomraidhean Croise

1~Reyes 17:12

Chaymi viudañataq nirqa: Señorniki Tayta Diosraykum jurani, manam tantayqa kapuwanchu, aswanqa tinajaypi putqoy harinawan puyñupi pisi aceitellayñam kachkan. Kunanmi yantata huñuchkarqani, chaywan ñoqapaqwan wawaypaq tantata ruwanaypaq, chayta mikuruspaykuqa mana mikunayku kaptinchá yarqaymanta wañukusaqku, nispa.

1~Reyes 17:2

Chaymantam Eliasta Tayta Dios nirqa:

1~Reyes 18:1

Unay tiempo pasaruptinmi kimsa watamantaña Eliasta Tayta Dios nirqa: Rey Acabpa kasqanman riy, kay allpamanmi parata chayachimusaq, nispa.

1~Reyes 18:10

Tayta Diosraykum jurani, reyniyqa tukuy hinastinpim qamta maskachimusurqanki, chaymi llapallanku nirqaku: “Manam kaypichu”, nispanku, hinaptinmi nacionkunapi mana tarisusqaykimanta runakunata jurachirqa.

1~Reyes 18:15

Eliasñataqmi nirqa: ¡Servisqay Tukuy Atiyniyuq Tayta Diospa qayllanpim kachkani!, kunanmi rey Acabpa kasqanman yaykusaq, nispa.

1~Reyes 22:14

Chaymi Micaías nirqa: Tayta Diospa sutinpim niki, ñoqaqa Tayta Diospa imam niwasqallantam rimasaq, nispa.

1~Reyes 8:35

Sichum qampa contraykipi huchallikurusqankurayku mana para kanqachu, ichaqa huchankumanta ñakarichiptiki kay temploman qawarimuspa sutikita yupaychaspanku huchankumanta wanakuptinkuqa

2~Reyes 1:3

Hinaptinmi Tisbe llaqtayuq Eliasta Tayta Diospa angelnin nirqa: Samaria llaqtapi yachaq reypa kachamusqan runakunawan tupamunaykipaq riy hinaspa kaynata nimuy: ¿Manachu Israel nacionpi Dios karqa, chaynapi Ecrón llaqtapi Baal-zebub idolotaraq tapumunaykichikpaq? nispa.

2~Reyes 3:14

Hinaptinmi Eliseo nirqa: Tukuy Atiyniyuq Tayta Diosqa kawsanmi, paypa qayllanpim kunan kachkani, Judá nacionpa reynin Josafatta mana respetaspayqa manam qawayllapas qawarikimanchu karqa.

2~Reyes 4:38

Chaymantam Gilgal llaqtaman Eliseo kutirqa. Chay punchawkunapim hatun muchuy chay lawkunapi karqa. Llapa profetakunam Eliseopa muyuriqninpi tiyachkarqaku, hinaptinmi criadonta Eliseo nirqa: Profetakunapaq hatun mankapi mikuyta yanuramuy, nispa.

2~Reyes 5:16

Hinaptinmi Eliseo nirqa: Tayta Diosqa kawsanmi, paypa qayllanpim kachkani, manam chaskikimanchu, nispa. Chaskiykunanpaq Naamán hikutaptinpas manam Eliseoqa chaskiyta mu-narqachu.

2~Reyes 5:20

profeta Eliseopa serviqnin Giezi kaynata tantearurqa: Patronniyqa yanqam wischupakurun Siria nacionniyuq Naamanpa apamusqankunataqa, Tayta Diosraykum jurani: Kallpaylla hayparuspay imallantapas mañakaramusaq, nispan.

2~Crónicas 21:12

Chayna kachkaptinmi profeta Eliaspa cartan chayaramurqa, chay cartam kaynata nirqa: Ñawpaq taytayki Davidpa yupaychasqan Tayta Diosmi kaynata nin: “Qamqa manam kawsachkanki taytayki Josafatpa chaynataq taytayki Asapa kawsasqanman hinachu,

2~Crónicas 6:26

Sichum llaqtayki contraykipi huchallikurusqanrayku, mana para kanqachu hinaptin huchankumanta ñakarichiptiki, huchankumanta wanakuspa kay temploykimanta qayakamusuptikiqa,

Jobwan Sutichasqa Libro 12:15

Mana parachimuptinqa lliwmi chakirun, parachimuptinmi ichaqa lliw allpata lloqllarun.

Isaías 49:18

Muyuriqnikita qawariy, lliw huñunakuruspam qanman hamuchkanku. Ñoqa Tayta Diosmi kikiyrayku jurani, llapallanwanmi alhajawan hina llusikunki, noviapa churakunan alhajakunawan hinam churakunki.

Isaías 5:6

Purmarachispaymi saqerusaq, manaña mallkisqa, manaña qorasqam kanqa, kichkakunapa qorakunapa huntaykusqanñam kanqa, puyukunatapas mana paramunanpaqmi kamachisaq.

Jeremías 14:22

¿Yaqachu huklaw nacionkunapa idolonkuna parachimunman? ¿Yaqachu cielokunapas kikillanmanta paramunman? Dios Taytalláy, qamllam parachimuqqa kanki, ñoqaykuqa qamllapim hapipakuniku, qamllam tukuy chaykunataqa ruwanki, nispa.

Jeremías 15:19

Chayraykum Tayta Dios niwarqa: Kutirikamuwaptikiqa huktawanmi chaskisqayki, hinaptinmi kaqllamanta serviwanki. Yanqakuna rimaymanta wanakuspa imam kaqllata rimaspaykiqa ñoqapa rantiypim rimanki. Paykunam qanmanqa kutirikamunanku, manam qamchu paykunamanqa kutirikunayki.

Jeremías 28:8

Ñawpaq watakunapim, qamtapas ñoqatapas mamanchik manaraq wachakuwachkaptinchik, llapa profetakuna rimarqaku achka nacionkunapa chaynataq hatun munayniyuqkunapa contranpi; paykunaqa rimarqaku chay nacionkuna guerrawan, sasachakuywan hinaspa peste onqoykunawan ñakarichisqa kananmantam.

Hageo 1:10

Chayraykum qamkunapaqqa parapas mana chayamunñachu, allpapas manam rurunñachu.

Mateo 11:14

Qamkuna creeyta munaptiki-chikqa, Juanmi chay suyasqaykichik Eliasqa.

Mateo 16:14

Chaymi paykunañataq nirqaku: Wakinmi ninku Bautizaq Juanmi nispanku, wakinñataqmi ninku Eliasmi, Jeremiasmi otaq hukkaqnin profetam, nispanku.

Mateo 27:47

Chaypi wakin kaqkunañataqmi uyariruspanku nirqaku: Kay runaqa profeta Eliastam qayakuchkan, nispanku.

Mateo 27:49

Wakinñataqmi nirqaku: Suyayraq, yaqachus librananpaq Elías hamurunqa, nispanku.

Mateo 7:29

Payqa atiywanmi yachachirqa, manam Diospa leynin yachachiqkuna hinachu, chayraykum admirakurqaku.

Lucas 1:17

Paymi Señorpa ñawpaqninta rinqa Eliaspa espiritunwan hinaspa atiyninwan, chaynapi tayta-mamakunata wawa-churinkuwan allinyanachinanpaq, mana kasukuqkunapas kasukuqña kanankupaq. Chaynatam llapa runakunapa sonqonta allichanqa Señorta chaskinankupaq, nispa.

Lucas 1:19

Chaymi angelñataq nirqa: Ñoqaqa Diospa qayllanpi servikuq Gabrielmi kani, paymi kachamuwarqa kay allin noticiata qanman willanaypaq.

Lucas 21:36

Rik-chapalla kaspayá tukuy tiempopi mañakuychik, tukuy kaykuna hamuqmanta lluptinaykichikpaq, chaynapi runapa Churinpa qayllanman yaykunaykichikpaq.

Lucas 9:30

Hinaptinmi iskay runakuna rikuriykuspan paywan rimarqaku. Paykunaqa karqa Moiseswan Eliasmi.

Lucas 9:33

Chay iskay runakuna Jesusmanta rakikuykunankupaq kachkaptinkum, Pedroñataq Jesusta nirqa: Yachachikuq, ¡allinmi kaypi kayninchikqa! Kimsa ramadatayá ruwarusaqku, hukta qampaq, hukta Moisespaq, huktañataq Eliaspaq, nispa.

Lucas 9:54

Chayta qawaykuspankum Jacobowan Juanñataq nirqaku: Señor, ¿munankichu cielomanta ninata uraykachimuptiyku kay runakunata kañarunanta? nispanku.

Juan 1:21

Hinaptinmi tapurqaku: Chaynaqa, ¿pitaq kanki? ¿Icha profeta Eliaschu? nispanku. Juanñataqmi nirqa: Manam ñoqaqa Eliaschu kani, nispa. Chaymi paykunañataq kaqllamanta tapurqaku: ¿Icha qamchu Diospa kachamusqan profeta kachkanki? nispanku. Juanñataqmi nirqa: Manam paychu kani, nispa.

Juan 1:25

Paykunam musoqmanta tapuspa nirqaku: Mana Cristopas, ni Eliaspas, nitaq profetapas kachkaspaykiqa, ¿imanasqataq bautizankiqa? nispanku.

Hechos 27:23

Chisi tutam rikuriykuwarqa servisqay Diospa angelnin.

Romanos 11:2

Ñawpaqmantaraq akllasqan llaqtantaqa Diosqa manam cheqnirqachu. Yachasqaykichikman hinam Qellqa willawanchik, imaynam Eliasqa Diosta mañakuspan Israelpa contranpi kayna rimasqanta:

Deuteronomio 10:8

Chay tiempopim Leví aylluta Tayta Dios akllarqa, paykunaña pacto Arcata apanankupaq chaynataq payta servispa paypa sutinpi bendicionninta mañakunankupaq. Kunankamapas hina chaynallatam ruwachkanku.

Santiago 5:17

Profeta Eliaspas ñoqanchik hinam karqa, paymi tukuy sonqonwan Diosta mañakurqa mana paramunanpaq chaymi kimsa wata soqta killan mana paramurqachu.

Apocalipsis 11:6

Chay testigokunaqa parata usyachinankupaq atiyniyuqmi kasqaku, chaynataqa usyachiqku Diosmanta willakuy tukunankukamam. Paykunaqa yakutapas yawar-yachinankupaq hinaspa kay pachapi runakunata tukuy rikchaq castigokunawan munasqankuman hina ñakarichinankupaq atiyniyuqmi kasqaku.

Jueces 12:4

Chaymi Jefteyqa, Galaad lawpi llapallan runakunata huñuruspan Efraín ayllupa tropankunawan pelearqa, hinaptinmi Galaad lawmanta kaqkuna Efraín castakunata vencerurqaku. Efraín castakunam nirqaku: Galaad lawpi yachaqkuna, qamkunaqa Efraín ayllumanta hinaspa Manasés ayllumanta lluptimuqkunam kankichik, nispanku.