1~Reyes 13:6 - CHUYA QELLQA La Biblia en Quechua de Ayacucho 2012

⁶ Hinaptinmi profetata rey nirqa: Ama hina kaspayá yupaychasqayki Tayta Diosta mañaykapuway makillay allinyarunanpaq, nispa. Chaymi Tayta Diosta mañakuptin reypa makin allinyarurqa, hinaspam imaynam ñawpaq kasqanman hina kutiykurqa.

Quechua Ayacucho Bible 1987

⁶ Chaymi Diospa runanta rey nirqa: —Ruegaykapuway yupaychasqayki Tayta Diosta hinaspa mañaykapuway makillay kasqallan doblakunanpaq —nispa. Hinaptinmi Diospa runan Tayta Diosta ruegakuptin reypa makinqa doblakurqaña ñawpaqta hina.

Chuya Qellqa 1992

⁶ Hinaptinmi profetata rey nirqa: Ama hina kaspayá yupaychasqayki Tayta Diosta mañaykapuway makillay allinyarunanpaq, nispa. Chaymi Tayta Diosta mañakuptin reypa makin allinyarurqa, hinaspam imaynam ñawpaq kasqanman hina kutiykurqa.

1~Reyes 13:6 Iomraidhean Croise

1~Reyes 13:5

Hinaptinmi altar tuñiruptin uchpanpas tallikururqa, chaykunaqa cumplikurqa profetantakama Tayta Diospa nisqanman hinam.

Éxodo 10:17

Chaynaqa, kunanllañayá huchayta pampachaykuwaspa Tayta Diosta mañakuychik, kay plagallatañapas ñoqamanta wischunanpaq, chaynapi mana wañurunaykupaq, nispa.

Éxodo 12:32

Ovejaykichiktapas, vacaykichiktapas qatiychik. Hinaspa ñoqapaqpas Diosta mañakamuychik, nispa.

Éxodo 8:28

Chaymi Faraón nirqa: Ñoqam chunniqman rinaykichikpaq kachaykusqaykichik, chaynapi Dios-nikichikman sacrificiokunata ofrecespa yupaychamunaykichikpaq, ichaqa amam llumpay karutaqa rinkichikchu, hinaspam ñoqapaqpas mañakamunkichik, nispa.

Éxodo 8:4

Chay karyakunam qespinqa hawaykiman, runaykikunapa hawanman chaynataq llapallan serviqnikikunapa hawanmanpas”, nispa.

Éxodo 8:8

Chaymi Moisestawan Aaronta qayachispan Faraón nirqa: Tayta Diosta mañapuwaychik ñoqamantawan runaykunamanta karyakunata asuchinanpaq, hinaptinqa miraynikikunatam kacharisaq sacrificiokunata ofrecespa Tayta Diosta yupaychamunankupaq, nispa.

Éxodo 9:28

Tayta Diosta mañakuychik kay rayontin llipyantin runtu para pasananpaq. Ñoqaqa kachaykusqaykichikñam, manañam qepankichikñachu, nispa.

Jeremías 37:3

Rey Sedequiasmi kacharqa Selemiaspa churin Jucaltawan Maasiaspa churin sacerdote Sofoniasta, chaynapi profeta Jeremiasta kaynata nimunankupaq: Yupaychasqanchik Tayta Diostayá mañapuwayku, nispa.

Zacarías 7:2

Chay punchawpim Bet-el llaqtapi yachaqkuna, Sarezertawan Regem-melecta runankunatawan kacharqaku, Tayta Diospa yanapakuyninta mañakamunankupaq,

Números 12:13

Chaymi kaynata qaparispan Tayta Diosta Moisés mañakurqa: Diosnilláy, Mariata sanoyaykachinaykipaqmi mañakuyki, nispa.

Números 21:7

Hinaptinmi Moisesman rispanku llapa runakuna nirqaku: Tayta Diospa chaynataq qampa contraykipi rimaspam huchallikuruniku. Chaynaqa, Diostayá mañakuy kay maqta urukunata ñoqaykumanta chinkachinanpaq, nispanku. Chaymi Tayta Diosta llapa runakunapaq Moisés mañakurqa.

Mateo 5:44

Ñoqam ichaqa nikichik: Enemigoykichikkunata kuyaychik, ñakarichisuqnikichik runakunapaqpas mañapuychik.

Lucas 23:34

Jesusñataqmi nirqa: Taytáy, pampachaykuyá, manam ya-chankuchu imam ruwasqankuta, nispa. Llapa soldadokunañataqmi Jesuspa pachanta rakinakunankupaq sortearqaku.

Hechos 7:60

Hinaspanmi qonqorakuykuspan qaparirqa: Señorlláy, kay hucha ruwasqankutaqa amayá huchapaqpas hapiychu, nispa. Chaynata niruspanmi wañukurqa.

Hechos 8:24

Hinaptinmi Simonñataq nirqa: Señortayá mañapullawaychik, chaynapi chay nisqaykichikkuna ama chayaramuwananpaq, nispa.

Romanos 12:14

Qatikachasuqnikichiktaqa bendeciychik, ama ñakaspa bendeciychik.

Romanos 12:21

Mana allinwanqa amayá vence-chikuychu, aswanqa allin kaqta ruwaspa mana allintaqa vencey.

Apocalipsis 3:9

Satanaspa sinagoganmanta kaq llullakuspanku “judiom kani” niqkunatapas ñoqam qayllaykipi qonqorachisaq, chaynapim yachanqaku qam kuyasqayta.

1~Samuel 12:19

Hinaspankum llapallan runakuna Samuelta nirqaku: Ama hina kaspayki Tayta Diosta mañaykapuwayku ama wañuchiwanankupaq, cheqaptapunim llumpay huchasapallaña kachkaspapas reyta mañakusqaykuwan aswanraq huchallikuruniku, nispanku.

1~Samuel 12:23

Arí, ñoqamanta karunchasqa kachun Tayta Diospa qayllanpi qamkunarayku mana mañakuspa huchallikuyniyqa. Ñoqaqa aswanraqmi yachachisqaykichik Diospa munasqanman hina sumaq kawsakuyta.