1~Reyes 13:5 - CHUYA QELLQA La Biblia en Quechua de Ayacucho 2012

⁵ Hinaptinmi altar tuñiruptin uchpanpas tallikururqa, chaykunaqa cumplikurqa profetantakama Tayta Diospa nisqanman hinam.

Quechua Ayacucho Bible 1987

⁵ Altar pakipakuruptinmi uchpapas tallikururqa Diospa runan milagro pasananta Tayta Diospa nisqanman hina.

Chuya Qellqa 1992

⁵ Hinaptinmi altar tuñiruptin uchpanpas tallikururqa, chaykunaqa cumplikurqa profetantakama Tayta Diospa nisqanman hinam.

1~Reyes 13:5 Iomraidhean Croise

1~Reyes 13:3

Chay punchawpim Diospa profetan huk señalta qawachispan nirqa: Kaywanmi yachankichik kay nisqaykunaqa Tayta Diospa nisqan kasqanta: “Altar tuñiruptinmi hawanpi uchpapas tallikunqa”, nispa.

1~Reyes 13:4

Bet-el llaqtapi altarpa contranpi Diospa profetan qaparisqanta rey Jeroboam uyariruspanmi altarmanta makinta haywarispa nirqa: ¡Hapiychik! nispa. Ichaqa makin chakiruptinmi manaña kuyuchiyta atirqañachu.

1~Reyes 13:6

Hinaptinmi profetata rey nirqa: Ama hina kaspayá yupaychasqayki Tayta Diosta mañaykapuway makillay allinyarunanpaq, nispa. Chaymi Tayta Diosta mañakuptin reypa makin allinyarurqa, hinaspam imaynam ñawpaq kasqanman hina kutiykurqa.

1~Reyes 17:16

Manam tinajapi harinapas tukurqachu, nitaqmi puyñupi aceitepas pisirqachu, Eliasnintakama Tayta Diospa nisqanman hina.

1~Reyes 22:28

Chaymi Micaías nirqa: Sichum hawkalla kutimunki hinaptinqa manam Tayta Dioschu ñoqantakama rimarirqa. Chaynaqa, llapa runakuna nisqayta uyariychik, nispa.

1~Reyes 22:35

Chay punchawmi guerra llumpay kasqarayku Israel nacionpa reyninta hina carretallanpi sayachirqaku Siria tropakunapa chimpanpi, yawarninpas manam tanimurqachu, hinaptinmi tardeykuyta hina carretanpa ukullanpi wañururqa.

Amós 3:14

Israel runakunata castigasqay punchawmi Bet-el llaqtapi altarkunatapas tuñichisaq; altarpa waqrankunapas kuchusqa kaspam pampaman wichichisqa kanqa.

Marcos 16:20

Chaymi discipulonkuna rispanku tukuy hinastinpi willakamurqaku, kikin Señormi paykunata yanaparqa willakusqankuta milagrokunawan cheqapchaspan].

Deuteronomio 18:22

Sichum Tayta Diospa sutinpi profetapa rimasqan mana cumplikuptinqa manam Tayta Diospa nisqanchu. Chay profetaqa kikillanmantam hatun tukuspa rimarqa. Paytaqa amam manchakunkichikchu.