1~Reyes 13:3 - CHUYA QELLQA La Biblia en Quechua de Ayacucho 2012

³ Chay punchawpim Diospa profetan huk señalta qawachispan nirqa: Kaywanmi yachankichik kay nisqaykunaqa Tayta Diospa nisqan kasqanta: “Altar tuñiruptinmi hawanpi uchpapas tallikunqa”, nispa.

Quechua Ayacucho Bible 1987

³ Chay punchawpi huk milagro pasananpaqmi nirqa kaynata: —Tayta Diosmi milagronmanta kaynata nin: “Altarmi pakipakurunqa hinaptinmi hawanpi uchpapas tallikurunqa” nispa.

Chuya Qellqa 1992

³ Chay punchawpim Diospa profetan huk señalta qawachispan nirqa: Kaywanmi yachankichik kay nisqaykunaqa Tayta Diospa nisqan kasqanta: “Altar tuñiruptinmi hawanpi uchpapas tallikunqa”, nispa.

1~Reyes 13:3 Iomraidhean Croise

1~Reyes 13:4

Bet-el llaqtapi altarpa contranpi Diospa profetan qaparisqanta rey Jeroboam uyariruspanmi altarmanta makinta haywarispa nirqa: ¡Hapiychik! nispa. Ichaqa makin chakiruptinmi manaña kuyuchiyta atirqañachu.

2~Reyes 20:8

Chaymi Isaiasta rey Ezequías tapurqa: Tayta Dios sanoyaykachiwaptin kimsa punchawmanta temploman rinaypaqqa ¿imataq señal kanqa? nispa.

Éxodo 4:1

Chaymantam Diosta Moisés nirqa: Paykuna mana creewaspa, “Tayta Diosqa manam rikurisurqankichu”, nispa mana kasuwaptinkuqa ¿ima nisaqtaq? nispa.

Éxodo 7:10

Moiseswan Aaronmi, Faraonpa qayllanman yaykuspanku Tayta Diospa kamachisqanman hina ruwarqaku. Chaymi Faraonpa hinaspa serviqninkunapa ñawpaqninman tawnanta Aarón wischuykuptin maqta uruman tikrakururqa.

Isaías 38:22

Rey Ezequiasñataqmi Isaiasta tapurqa: ¿Ima señaltaq kanqa Tayta Diospa templonman rinaypaqqa? nispa.

Jeremías 44:29

Ñoqa Tayta Diosmi kaynata nini: Contraykichikpi rimasqaykuna cumplikunantawan kay nacionpi qamkunata castiganayta yachanaykichikpaqmi huk señalta qosqaykichik:

Juan 2:18

Judiokunañataqmi nirqaku: ¿Kaykunata ruwachkaspaykiqa ima señaltataq qawachiwankiku? nispanku.

1~Corintios 1:22

Judiokunam milagrokuna qawayta munanku, griegokunañataqmi yachayta maskanku,

Jueces 6:17

Hinaptinmi Gedeón nirqa: Ama hina kaspaykiyá kaykuna niwasqaykimanta señalta qoykuway.

1~Samuel 2:34

Kaymi qampaq señal kanqa: Churiki Fineeswan Ofnim chay punchawllapi wañunqaku.