1~Reyes 13:2 - CHUYA QELLQA La Biblia en Quechua de Ayacucho 2012

² Chay profetam Tayta Diospa kamachisqanrayku altarpa contranpi kaynata qaparirqa: ¡Altar, altar! Tayta Diosmi nisunki: “Davidpa ayllunmantam Josías sutiyuq huk qari wawa nacemunqa, paymi alto moqo capillakunapi incienso kañaq sacerdotekunata qampa qawaykipi wañuchinqa, hawaykipitaqmi runakunapa tulluntapas kañanqa”, nispa.

Quechua Ayacucho Bible 1987

² Chay willakuqmi Tayta Dios kamachisqanrayku altarpa contranpi qaparirqa kaynata: —¡Altar, altar! Tayta Diosmi nisunki: “Davidpa castanmantam huk wawa nacemunqa Josias sutiyoq, paymi moqo capillakunapi incienso kañaq sacerdotekunata qampa hawaykipi wañuchinqa hinaspam hawaykipipas runakunapa tullunta kañanqa” nispa.

Chuya Qellqa 1992

² Chay profetatam Tayta Diospa kamachisqanrayku altarpa contranpi kaynata qaparirqa: ¡Altar, altar! Tayta Diosmi nisunki: “Davidpa ayllunmantam Josías sutiyuq huk qari wawa nacemunqa, paymi alto moqo capillakunapi incienso kañaq sacerdotekunata qampa qawaykipim wañuchinqa, hawaykipitaqmi runakunapa tulluntapas kañanqa”, nispa.

1~Reyes 13:2 Iomraidhean Croise

1~Reyes 13:32

Bet-el llaqtapi altarpa contranpi chaynataq Samaria law moqokunapi kaq capillakunapa contranpipas paynintakama Tayta Diospa nisqanqa cumplikunqapunim, nispa.

2~Crónicas 34:1

Josiasqa pusaq watanpim munaychakuyta qallaykurqa. Kimsa chunka hukniyuq watam Jerusalén llaqtapi munaychakurqa.

2~Crónicas 34:3

Pusaq wataña munaychakuyninpim, rey Josiasqa warmallaraq kachkaspan, ñawpaq taytan Davidpa Diosninta maskayta qallaykurqa. Chunka iskayniyuq wataña munaychakuchkaspanmi, Judá nacionpi chaynataq Jerusalén llaqtapi kaq moqokunapi capillakunata, Asera idolokunata, metalta chulluchispa ruwasqa tukuy rikchaq idolokunata hinaspa rumimanta labrasqa idolokunatapas wischuyta qallaykurqa.

Isaías 1:2

Cielokuna uyariychik, kay pacha qampas uyariy, Tayta Diosmi kaynata nin: Warmakunatam hatunyanankama uywarqani, paykunam ichaqa contraypi hatarirunku.

Isaías 42:9

Ñawpaqmantaraq rimasqaykunam cumplikurunña, kunanñataqmi musoq kaqkunataña willasqaykichik; manaraq rikurimuchkaptinmi willasqaykichikña.

Isaías 46:10

Ñawpaqmantaraqmi manaraq imapas pasakuchkaptin, hamuq punchawkunapi imakunam pasakunanmanta willakuni. Ñoqam nini: Tanteasqaykunaqa takyanqam, tukuy munasqaykunatam ruwasaq, nispa.

Isaías 58:1

Tayta Diosmi niwarqa: Ama manchakuspa qayaykachakuy, trompeta hina qapariy, mana kasukusqanmanta llaqtanman willay, huchallikusqankumanta Jacobpa mirayninkunaman willay.

Jeremías 1:2

Judá nacionpi Amonpa churin rey Josías chunka kimsayuq wataña munaychakuchkaptinmi, Jeremiasta Tayta Dios rimapayarqa.

Jeremías 22:29

¡Kay pachapi llapallan runakuna, Tayta Diospa nisqanta uyariychik!

Ezequiel 36:1

Runapa churin, Israel nacionpi orqokunaman ñoqa Tayta Diospa nisqayta kaynata niy:

Ezequiel 36:4

Chaynaqa, Israel nacionpi orqokuna Tayta Diospa nisqanta uyariychik. Orqokunata, moqokunata, qechwakunata, wayqokunata, purmachisqa llaqtakunata hinaspa chunnichisqa llaqtakunatam Tayta Dios kaynata nin: Qamkunam muyuriqnikichikpi llaqtakunapa suwas-qan karqankichik, chay llaqtakunam qamkunamanta burlakuspa asikurqaku.

Ezequiel 38:4

Kakichuykimanta ganchokunawan hapirachispaymi llapa tropaykikunatawan kuskata hurqorusqayki, hurqorusaqtaqmi caballoykikunatapas chaynataq suma-sumaq pachasqa sillada tropaykikunatapas. Tropaykikunaqa espadakunawan hinaspa tukuy rikchaq escudokunawan armasqam kachkanku.

Lucas 19:40

Chaymi Jesusñataq nirqa: Sichum paykuna upallaruptinkuqa rumikunachá qaparinmanku, nispa.

Deuteronomio 32:1

¡Cielokuna, rimarisqayta uyariychik! ¡Kay pacha, rimarisqayta uyariy!