1~Reyes 12:1 - CHUYA QELLQA La Biblia en Quechua de Ayacucho 2012

¹ Israelpa llapallan mirayninkunam Siquem llaqtapi huñunakururqaku reyninkupaq Roboamtaña churanankupaq. Chaymanmi Roboampas rirqa.

Quechua Ayacucho Bible 1987

¹ Israel casta llapallan runakunam huñunakururqaku Siquem llaqtaman chaymi Roboam rirqa paytaña reypaq churanankupaq.

Chuya Qellqa 1992

¹ Israelpa llapallan mirayninkunam Siquem llaqtapi huñunakururqaku reyninkupaq Roboamtaña churanankupaq. Chaymanmi Roboampas rirqa.

1~Reyes 12:1 Iomraidhean Croise

Génesis 12:6

Chay allpanta pasaruspanmi Abram chayarurqa Siquem llaqtapi yupaychana sitiokama, chaymi tarikun More lawpi encina sachapa kasqanpi. Chaypiqa cananeokunam yacharqaku.

1~Reyes 11:43

Salomón wañuruptinmi taytan “Davidpa Llaqtanpi” pamparurqaku. Paypa rantinpim churin Roboamña munaychakurqa.

1~Reyes 12:25

Jeroboammi Efraín law orqokunapi kaq Siquem llaqtata musoqmanta hatarichispan chaypi yacharqa, chaymantam Penuel llaqtaman rispan chay llaqtatapas hatarichirqa.

2~Crónicas 11:1

Rey Roboammi Jerusalén llaq-taman chayaramuspan, Judá ayllu-manta hinaspa Benjamín ayllumanta huñururqa guerrapaq akllasqa pachak pusaq chunka waranqa soldadokunata, chaynapi Israel runakunapa contranpi peleaspan munaychakusqan allpata kutichikunanpaq.

Jeremías 41:5

Siquemmanta, Silo-manta hinaspa Samariamanta pusaq chunka runakuna chayaramurqaku, barbankupas rutukusqa, pachankupas llikipasqa chaynataq cuerponkupas kuchupasqa. Paykunam apamurqaku kawsaykunatawan inciensota Tayta Diospa templonpi ofrecenankupaq.

Hechos 7:16

Chaymantañam paykunapa tullunkunata aparqaku Siquem llaqtaman chaypi pampanankupaq. Chay sepulturatam achka qollqewan Abraham rantirqa Hamorpa churinkunamanta.

Josué 20:7

Chaynapim Israelpa mirayninkunaqa akllarqaku, Neftalí ayllupa orqonkunapi kaq Galilea lawpi Cedes llaqtata, Efraín ayllupa orqonkunapi kaq Siquem llaqtata hinaspa Judá ayllupa orqonkunapi kaq Quiriat-arba otaq Hebrón llaqtata,

Josué 24:1

Josueymi Israelpa mirayninkunata Siquem llaqtaman qayachispan llapa ancianokunata, kamachikuqkunata, juezkunata chaynataq capitankunatapas Tayta Diospa qayllanman huñururqa.

Josué 24:32

Israelpa mirayninkunam Egipto nacionmanta Joseypa tullunkuna apamusqankuta Siquem llaqtapi Joseyman tupaqnin chakrapi pamparqaku. Chay allpatam Jacob rantirqa Hamorpa churinkunamanta tawa kilo parten qollqewan. Hamorqa karqa Siquem sutiyuq runapa taytanmi. Chay chakram karqa Joseypa mirayninkunapaq herencia.

Jueces 9:1

Jerobaalpa churin Abimelecmi mamanmanta ayllunkunapa kasqan Siquem llaqtaman rispan mamanpa ayllunkunata kaynata nirqa:

Jueces 9:6

Siquem llaqtapi yachaqkunawan Bet-milo llaqtapi yachaqkunañataqmi huñunakururqaku, Siquem lawpi tarikuq encina sachapa hichpanpi chaynataq yupaychasqanku pilarpa waqtanpi, hinaspam Abimelecta reypaq churarurqaku.