1~Reyes 11:4 - CHUYA QELLQA La Biblia en Quechua de Ayacucho 2012

⁴ Yuyaqyaruptinmi Salomonta chay warminkuna sapaq dios-kunataña yupaychachirqaku, chaynapim payqa mana taytan David hinachu tukuy sonqonwan Tayta Diosman hapipakurqa.

Quechua Ayacucho Bible 1987

⁴ Machuyaruptinmi chay warmikunaqa taytacha-mamachakunataña Salomonta adorachirqaku chaynapim payqa yupaychasqan Tayta Diospaqqa hawa sonqollaña karqa, manañam taytan David hinachu adorarqa tukuy sonqonwan.

Chuya Qellqa 1992

⁴ Yuyaqyaruptinmi Salomonta chay warminkuna sapaq dioskunataña yupaychachirqaku, chaynapim payqa mana taytan David hinachu tukuy sonqonwan Tayta Diosman hapipakurqa.

1~Reyes 11:4 Iomraidhean Croise

1~Reyes 11:2

Chay nacionniyuq runakunamantam Israelpa mirayninkunata Tayta Dios nirqa: Amam paykunawanqa hukllawa-kunkichikchu nitaqmi paykunapas qamkunawanqa casarakunqakuchu, yanqañataq diosninkuna qatiqtaña ruwarusunkichikman, nispa. Salomonmi ichaqa chay warmikunaman hukllawakururqa.

1~Reyes 11:33

Chaynataqa ruwasaq qepanchakuruwaspan Sidón llaqtayuq runakunapa yupaychasqan Astoret idolotawan, moabitakunapa yupaychasqan Quemos idolota chaynataq amonitakunapa yupaychasqan Moloc idolotaña yupaychasqanraykum. Payqa manam taytan David hinachu munasqayman hina kawsaspa kamachikuykuna yachachikuykuna qosqayta kasukurqa.

1~Reyes 11:38

Sichum kamachikuyniykunata ya-chachikuyniykunata kasukunki hi-naspa munasqayman hina kawsas-pa serviqniy David hina allinta ruwaptikiqa, ñoqam yanapasqayki, Davidpa munaychakuyninta hinam munaychakuynikitapas takyachisaq, Israel naciontapas makikimanmi churasaq,

1~Reyes 11:42

Rey Salomonmi Jerusalén llaqtapi yachaspa lliw Israel nacionpi tawa chunka wata munaychakurqa.

1~Reyes 11:6

Chaynapim Salo-monqa Tayta Diospa qayllanpi mana allinkunata ruwarqa, manam taytan David hinachu Tayta Diosta kasukurqa.

1~Reyes 11:9

Chaymi Salomonpaq Tayta Dios piñakururqa, paymanta sonqon karunchakusqanrayku. Israelpa yupaychasqan Tayta Diosqa iskay kutitam payman rikurirqa,

1~Reyes 14:21

Tawa chunka hukniyuq watanpim Salomonpa churin Roboamqa Judá nacionpi munaychakuyta qallaykurqa. Chunka qanchisniyuq watam Jerusalén llaqtapi munaychakurqa, chay llaqtatam Tayta Dios akllakurqa chaypi sutinta reqsichikunanpaq. Roboampa mamanqa karqa Naama sutiyuq amonita casta warmim.

1~Reyes 15:14

Moqokunapi capillakunatam ichaqa mana chinkachirqachu. Chaywanpas Asapa sonqonqa wañukunankamam Tayta Diosllapaq karqa.

1~Reyes 15:3

Abiampas taytanpa imaynam hucha ruwasqanta hinam ruwarqa. Yupaychasqan Tayta Diostapas hawa sonqollam servirqa, paypa sonqonqa manam ñawpaq taytan Davidpa sonqon hinachu karqa.

1~Reyes 3:3

Salomonmi ichaqa Tayta Diosta kuyarqa, taytan Davidpa kamachisqankunatapas kasukurqam; chaywanpas alto moqokunapim animalkunata wañuchispan inciensota kañarqa.

1~Reyes 6:1

Israelpa mirayninkuna Egipto nacionmanta lloqsimusqanku tawa pachak pusaq chunka wataña pasaruptinmi otaq Salomón tawa wataña Israel nacionpi munaychakuchkaspanmi Zif sutiyuq iskay kaq killapi Tayta Diospa templon ruwayta qallarichirqa.

1~Reyes 8:61

Chaynaqa, kunan punchawpi hinayá sonqoykichikpas Señorninchik Tayta Diosllapaqña kachun, yachachikuyninkunata ruwayman churaspa kamachikuyninkunata kasukunaykichikpaq, nispa.

1~Reyes 9:10

Rey Salomonmi, Tayta Diospa templontawan kikinpa palacionta iskay chunka watapi ruwachirqa,

1~Reyes 9:4

Sichum taytayki David hina kawsaspa tukuy sonqoykiwan mana pantaspa lliw kamachisqaykunata ruwayman churaptikiqa chaynataq yachachikuyniykunatawan decretoykunata kasukuptikiqa,

2~Reyes 20:3

Dios Taytalláy mañakuykim, qayllaykipi cheqap sonqowan kawsasqayta hinaspa qampa munasqaykiman hina ruwasqaytayá yuyariykuy, nispa. Chaynata niruspanmi Ezequiasqa llumpayta waqakurqa.

1~Crónicas 28:9

Kuyasqay churiy Salomón, qamñataqyá kay taytaykipa Diosninta reqsikuspayki tukuy sonqoykiwan hinaspa tukuy kallpaykiwan serviy. Tayta Diosqa llapa runakunapa sonqontam qawachkan, reqsintaqmi runapa imam munasqanta hinaspa tanteasqantapas. Diosta maskaspaykiqa tarinkim, payta saqeruptikim ichaqa paypas wiñaypaqña saqerusunki.

1~Crónicas 29:19

Churiy Salomonmanpas allin sonqotayá qoykuy, chaynapi kamachikuynikikunata decretoykikunata, yachachikuynikikunata kasukuspan kay alistasqay kaqkunawan temploykita ruwananpaq, nispa.

2~Crónicas 17:3

Tayta Diosmi rey Josafatta yanaparqa, payqa ñawpaq taytan Davidpa kawsasqanta hinam kawsarqa, manam Baal idolokunataqa servirqachu,

2~Crónicas 25:2

Rey Amasiasqa Tayta Diospa qayllanpim allinkunata ruwarqa, ichaqa manam tukuy sonqonwanchu.

2~Crónicas 34:2

Rey Josiasqa Tayta Diospa qayllanpim allinkunata ruwarqa, ñawpaq taytan David hinam kawsarqa, chaymantaqa manam alleqmanpas nitaq ichoqmanpas rakikurqachu.

Éxodo 20:3

Amam ñoqamanta sapaq dioskunaqa kapusunkichu.

Deuteronomio 17:17

Amataqmi achka warmiwanpas casarakunqachu, chaynapi Tayta Diosmanta ama karunchakurunanpaq. Qoritapas qollqetapas amataqmi huñukunqachu.

Deuteronomio 7:4

Yanqañataqmi churikichikta Tayta Diosmanta karuncharachispa diosninkunataña yupaychachinmanku, hinaptinqa Tayta Diosmi contraykichikpi piñakuspan qayllanmanta chaylla chinkarachisunkichikman.