1~Reyes 11:3 - CHUYA QELLQA La Biblia en Quechua de Ayacucho 2012

³ Salomonpa warminkunaqa qanchis pachak reinakunam karqa, uywanakusqan warminkunañataqmi karqa kimsa pachak. Chay warminkunam Salomonpa sonqonta Tayta Diosmanta karuncharachirqa.

Quechua Ayacucho Bible 1987

³ Reykunapa churinkunam Salomonpa warminkuna karqa qanchis pachak, kapurqataqmi kimsa pachak compañerankunapas, chay warmikunam Salomonta huchallirachirqa.

Chuya Qellqa 1992

³ Salomonpa warminkunaqa qanchis pachak reinakunam karqa, uywanakusqan warminkunañataqmi karqa kimsa pachak. Chay warminkunam Salomonpa sonqonta Tayta Diosmanta karuncharachirqa.

1~Reyes 11:3 Iomraidhean Croise

2~Crónicas 11:21

Roboamqa llapallan warmikunamantapas mastaqa Absalonpa churin Maacatam kuyarqa. Roboampam karqa chunka pusaqniyuq warminkuna, soqta chunka uywanakuq masinkuna. Qari churinkunam karqa iskay chunka pusaqniyuq, warmi churinkunañataqmi karqa soqta chunka.

Ester 1:18

Persia nacionpi Media nacionpi kamachikuqkunapa warminkupas reinapa imam ruwarusqanta uyariruspankuchá qosankupa contranpi chaynata ruwanqaku, hinaspaqa sasachakuykunawan piñanakuykunatam apaykamunqaku.

Eclesiastés 2:8

Qorita qollqetam montokururqani, llapa reykunapa huklaw llaqtakunapa kapuqninkunatam huñukururqani. Takiqkunatapas qarikunata warmikunatam huñururqani, tukuy rikchaq tocanakunatam ruwakururqani, runakuna aychanta kusichinanpaq ruwasqanta hina ruwaspaymi ñoqapas kusikurqani, warmiykunapas achkallañam karqa.

Eclesiastés 7:28

¡Imam maskasqaytaqa manam tariniraqchu! Waranqa runakunamantam allin runataqa chullallata tariruni, warmikunamantam ichaqa hukllatapas mana tarinichu.

Cantares 6:8

Reypaqa soqta chunkam reinankunapas, pusaq chunkam uywanakusqan warminkunapas, mana yupay atinam sipaskunapas.

Cantares 6:9

Chaywanpas urpichallayqa sapachallanmi, mamanpa sapachallan wawanmi, wachakuqninpa ancha kuyasqanmi. Sipaskunapas rikuruspaqa alabankum, reypa warminkunapas alabankum, reypa uywanakusqan warmikunapas alabankum.

Deuteronomio 17:17

Amataqmi achka warmiwanpas casarakunqachu, chaynapi Tayta Diosmanta ama karunchakurunanpaq. Qoritapas qollqetapas amataqmi huñukunqachu.

Jueces 3:6

Warmi churinkutawan qari churinkutapas chay nacionniyuq runakunapa wawa-churinkuwanñam casarachirqaku, hinaspam chay runakunapa idolonkunatañam yupaycharqaku.

Jueces 9:5

Chaymi Ofra llaqtapi taytanpa ayllunkunaman Abimelec rispan, Jerobaalpa qanchis chunka qari churinkunata huk rumipa hawallanpi wañurachirqa, Jerobaalpa sullka churin Jotamllañam pakakurusqanrayku mana wañururqachu.