1~Reyes 11:2 - CHUYA QELLQA La Biblia en Quechua de Ayacucho 2012

² Chay nacionniyuq runakunamantam Israelpa mirayninkunata Tayta Dios nirqa: Amam paykunawanqa hukllawa-kunkichikchu nitaqmi paykunapas qamkunawanqa casarakunqakuchu, yanqañataq diosninkuna qatiqtaña ruwarusunkichikman, nispa. Salomonmi ichaqa chay warmikunaman hukllawakururqa.

Quechua Ayacucho Bible 1987

² Chay nacionniyoq runakunamantam Israelpa mirayninkunata Tayta Dios nirqa: —Amam paykunawanqa casarakunkichikchu nitaqmi paykunapas qamkunawanqa casarakunqachu, yanqañataqmi taytachanku qatiqtaña rurarusunkichikman —nispa. Salomonmi ichaqa chay warmikunaman hukllawakururqa.

Chuya Qellqa 1992

² Chay nacionniyuq runakunamantam Israelpa mirayninkunata Tayta Dios nirqa: Amam paykunawanqa hukllawakunkichikchu nitaqmi paykunapas qamkunawanqa casarakunqachu, yanqañataq diosninkuna qatiqtaña ruwarusunkichikman, nispa. Salomonmi ichaqa chay warmikunaman hukllawakururqa.

1~Reyes 11:2 Iomraidhean Croise

Génesis 2:24

Chayraykum qariqa taytanta mamanta saqespa warminman hukllawakunqa, chaynapi iskayninku hukllaña kanankupaq.

Génesis 34:3

Ichaqa Siquemmi Jacobpa churin Dinata llumpayta kuyaruspan kuyakuyllawanña rimapayarqa.

1~Reyes 11:9

Chaymi Salomonpaq Tayta Dios piñakururqa, paymanta sonqon karunchakusqanrayku. Israelpa yupaychasqan Tayta Diosqa iskay kutitam payman rikurirqa,

2~Crónicas 19:2

Hinaptinmi Hananipa churin profeta Jehú taripaykuspan rey Josafatta, nirqa: ¿Imanasqataq mana allin ruwaq runakunata yanapanki hinaspa Tayta Dios cheqniqkunata kuyanki? Chayraykum Tayta Diospas qampaq piñakurun.

2~Crónicas 21:6

Ichaqa Israel nacionpi reykunapa kawsasqanta hinam kawsarqa, Acabpa ruwasqankunata hinam ruwarqa. Acabpa warmi churinwan casarakuruspanmi Tayta Diospa qayllanpipas millakuypaq kaqkunata ruwarqa.

Esdras 9:12

Chaynaqa, amam warmi churikichiktapas paykunapa qari churinkuwanqa casarachinkichikchu, nitaqmi qari churikichiktapas warmi churinkuwanqa casarachinkichikchu, amam hawkallataqa saqenkichikchu, nitaqmi allin kanankutapas saqenkichikchu; chaynapi kallpasapa kanaykichikpaq, allpapa allin rurunta mikunaykichikpaq, miraynikichikmanpas wiñaypaq herenciata saqenaykichikpaq”, nispa.

Éxodo 23:31

Qanman qosqay nacionpa linderonmi kanqa Puka lamar qochamanta qallarispa filisteokunapa lamar qochankama chaynataq chunniqmanta qallarispa Eufrates mayukama. Chay nacionpi runakunatam makikiman churani qayllaykimanta wischunaykichikpaq.

Éxodo 34:12

Yaykunaykichik allpapi yachaqkunawanqa amam ima contratotapas ruwankichikchu, yanqañataqmi urma-chisuqnikichik rumi hina kanmanku.

Éxodo 34:16

Yanqataq churikichikkunatapas chaypi kaq warmikunawan casarachiwaqchik, hinaptin chuchumikayaruq casada warmi hina churikichikkunatapas diosninkunaman pusanman hinaspa chaykunataña yupaychachinman.

Malaquías 2:11

Judá nacionmi Tayta Diosta qepanchakurun, Israel nacionpiwan Jerusalén llaqtapipas millakuypaq kaqkunallatam ruwachkanku. Judá nacionmi Diospa templonta millakuypaq huchata ruwaspan qachacharun, qarikunapas huklaw nacionkunapa diosninkunata yupaychaq warmikunawanmi casarakurunku.

Romanos 1:32

Paykunaqa yachankum chayna ruwaqkunaqa wañuypaq Diospa sentenciasqan kasqankuta, ichaqa yachachkaspankupas hinallam ruwanku, hinaspam chay mana allin ruwaqkunapa ruwasqanwanpas kusikunku.

Romanos 12:9

Cheqaptapuni kuyanakuychik, mana allin kaqkunata cheqnispa, allin kaqkunata ruwaychik.

1~Corintios 15:33

Amayá engañachikuychikchu, mana allin rimaykunaqa allin kawsakuytam pierdechin.

Apocalipsis 2:4

Ichaqa kaymi contraykipi kachkan: Manañam puntata hinañachu kuyawanki.