1~Reyes 11:1 - CHUYA QELLQA La Biblia en Quechua de Ayacucho 2012

¹ Rey Salomonqa Faraonpa churinwan casado kachkaspapas huklaw nacionniyuq warmikunatapas casararqam, paykunam karqa: Moab, Amón, Edom, Sidón hinaspa Het casta warmikuna.

Quechua Ayacucho Bible 1987

¹ Rey Salomonmi Faraonpa churinta kuyachkaspapas kuyarurqa huklaw nacionniyoq warmikunata, kuyarurqamá Moab nacionniyoq warmikunata, Amon nacionniyoq warmikunata, Edom nacionniyoq warmikunata, Sidon llaqtayoq warmikunata hinaspa Het casta warmikunata.

Chuya Qellqa 1992

¹ Rey Salomonqa Faraonpa churinwan casado kachkaspapas huklaw nacionniyuq warmikunatapas casararqam, paykunam karqa: Moab, Amón, Edom, Sidón hinaspa Het casta warmikuna.

1~Reyes 11:1 Iomraidhean Croise

1~Reyes 11:8

Chaynallatam ruwarqa llapallan huklaw nacionniyuq warminkunapaqpas, hinaptinmi sapakama diosninkuman inciensota qontichispa sacrificiokunata ofreceqku.

1~Reyes 14:21

Tawa chunka hukniyuq watanpim Salomonpa churin Roboamqa Judá nacionpi munaychakuyta qallaykurqa. Chunka qanchisniyuq watam Jerusalén llaqtapi munaychakurqa, chay llaqtatam Tayta Dios akllakurqa chaypi sutinta reqsichikunanpaq. Roboampa mamanqa karqa Naama sutiyuq amonita casta warmim.

1~Reyes 14:31

Roboam wañuruptinmi “Davidpa Llaqtanpi” ñawpaq taytankunapa kasqanpi pamparurqaku. Mamanmi karqa Amón casta Naama. Roboampa rantinpim churin Abiamña munaychakurqa.

1~Reyes 16:31

Nabatpa churin Jeroboampa hucha ruwasqanmantapas aswantaraq ruwaspam Sidón llaqtapa reynin Et-baalpa churin Jezabelwan casarakururqa, hinaspam Baal idolota servispa yupaycharqa,

1~Reyes 3:1

Salomonmi faraonpa warmi churinwan casarakuruspan, Egiptopa reynin Faraonwan aylluchakururqa, hinaspanmi “Davidpa Llaqtanman” pusamurqa chaypi yachanankupaq. Chaytaqa ruwarqa palacionta, Tayta Diospa templonta chaynataq Jerusalén llaqtapa murallankuna ruwayta tukuykuchkaspanmi.

Esdras 10:44

Paykunam huklaw nacionniyuq warmikunawan casarakurusqaku, wakin-paqa churinkupas karqañam.

Esdras 9:1

Chaykuna ruwayta tukuruptinkum, llapa kamachikuqkuna asuykamuwaspa niwarqaku: Israel runakunawan sacerdotekuna hinaspa levitakunaqa manam rakikunkuchu millakuypaq ruwaq cananeokunamanta, heteokunamanta, ferezeokunamanta, jebuseokunamanta, amonitakunamanta, moabitakunamanta, egipciokunamanta hinaspa amorreokunamantaqa, aswanqa paykunapa millakuypaq ruwasqankutam qatipakunku.

Esdras 9:2

Paykunapas churinkupas chay nacionniyuq runakunapa warmi churinkunawanmi casarakurunku, chaynapim Diospa llaqtan huklaw llaqtayuq runakunawan chaqrukurunku. Kamachikuqkunawan gobernadorkunaraqmi puntataqa chay hucha ruwaytaqa qallaykurqaku, nispanku.

Éxodo 34:16

Yanqataq churikichikkunatapas chaypi kaq warmikunawan casarachiwaqchik, hinaptin chuchumikayaruq casada warmi hina churikichikkunatapas diosninkunaman pusanman hinaspa chaykunataña yupaychachinman.

Proverbios 2:16

Yachayqa qosanta engañaq warmimantam librasunki, chayna warmipa miskillaña rimayninmantam waqaychasunki.

Proverbios 22:14

Qosan engañaq warmipa siminqa uku-uku pozom; Tayta Diosta piñachiq runaqa chay pozomanmi wichiykunqa.

Proverbios 23:33

Ñawikikunapas mana kaqkunatam rikunqa, tukuy imata tanteaspam muspaypi hina rimankipas.

Proverbios 31:3

Ama warmikunapi kallpaykita tukuychu, chayna warmikunaqa reykunatam tuñichinku.

Proverbios 6:24

Chaykunam mana allin warmimanta waqaychasunki, qosanta engañaq warmipa miskillaña rimayninmantam harkaykusunki.

Proverbios 7:5

Paykunam qosanta engañaq warmimanta librasunki, chayna warmipa miskillaña rimayninmantam waqaychasunki.

Levítico 18:18

Warmiki kawsachkaptinqa amam warmikipa ñañantaqa casarankichu, nitaqmi paywanqa kakunkichu, yanqañataq iskayninwan kasqaykirayku cheq-ninakunmanku.

Deuteronomio 17:17

Amataqmi achka warmiwanpas casarakunqachu, chaynapi Tayta Diosmanta ama karunchakurunanpaq. Qoritapas qollqetapas amataqmi huñukunqachu.