1~Reyes 10:9 - CHUYA QELLQA La Biblia en Quechua de Ayacucho 2012

⁹ ¡Señorniki Tayta Diosyá bendecisqa kachun! ¡Paymi kuyasuspayki Israel nacionpi munaychakunaykipaq churasurqanki! ¡Tayta Diosqa Israel nacionta kuyasqanraykum rey kanaykipaq churaykusurqanki, derechonpi allinta kamachikunaykipaq! nispa.

Quechua Ayacucho Bible 1987

⁹ ¡Kuyasuspayki Israel nacionpi gobiernachisuqniki yupaychasqayki Tayta Diosyá alabasqa kachun! Tayta Diosqa Israel nacionta wiña-wiñaypaq kuyasqanraykum rey kanaykipaq churasurqanki chaynapi derechonpi allinta arreglanaykipaq —nispa.

Chuya Qellqa 1992

⁹ ¡Señorniki Tayta Diosyá bendecisqa kachun! ¡Paymi kuyasuspayki Israel nacionpi munaychakunaykipaq churasurqanki! ¡Tayta Diosqa Israel nacionta kuyasqanraykum rey kanaykipaq churaykusurqanki, derechonpi allinta kamachikunaykipaq! nispa.

1~Reyes 10:9 Iomraidhean Croise

2~Samuel 23:3

Israelpa Diosninmi rimarirqa, Israelta waqaychaq Diosmi niwarqa: Pipas allinta ruwaspa runakunata kamachiqmi, pipas Diosta kasukuspa runakunata kamachiqmi,

2~Samuel 5:12

Hinaptinmi Davidqa chayraq sumaqta yacharurqa Israel nacionpi rey kananpaq Tayta Diospa churasqanta, musyarurqataqmi Israel nacionta kuyapayaspan kamachikuyninta hatunchasqantapas.

2~Samuel 8:15

Israel nacionta David kamachikuspanmi llapallan runankunapaq mana pimanpas sayapakuspa allin arreglota ruwarqa.

1~Reyes 3:28

Israelpa mirayninkunam reypa allin arreglo ruwasqanta yacharurqaku, chayraykum anchata reyta respetarqaku, chaynapim qawarqaku Tayta Diospa yachay qosqanwan allinta munaychakusqanta.

1~Reyes 5:7

Rey Hiramñataqmi Salomonpa nis-qanta uyariruspan sinchita kusikurqa, hinaspam nirqa: Tayta Diosyá kunan qapaqchasqa kachun, chay hatun nacionpi munaychakunanpaq Davidman yachaysapa churita qoykusqanmanta, nispa.

1~Crónicas 17:22

Qanmi Israelta wiñaypaq llaqtayki kananpaq takyachirqanki, Dios Taytalláy, qanmi Diosnin kanki.

2~Crónicas 2:11

Hinaptinmi Salomonman Tiro nacionpa reynin Hiram kaynata qellqarqa: Tayta Diosmi llaqtanta kuyaspan paykunapa reynin kanaykipaq churasurqanki.

Isaías 42:1

Kayqaya akllakusqay serviqniyqa, ñoqam payta kallpanchasaq, payraykum kusisqa kachkani. Espirituytam payman huntani, mana pimanpas sayapakuspam nacionkunata kamachinqa.

Isaías 62:4

Manañam pipas “Saqerusqa llaqta” nispa sutichasunkiñachu, allpaykitapas manam “Purmachisqa allpa” ninqakuñachu. Aswanqa “Diospa kuyasqan” nispam sutichasunki, “Diospa esposan” nispam sutichasunki. Chaynataqa sutichasunki Tayta Diospa kuyakuynin qanwan kasqanraykum, allpaykipaqpas paymi qosan hina kanqa.

Isaías 9:6

Wawam nacerapuwanchik, churitam Tayta Dios qoykuwanchik, munaychakunanpaqmi atiyta qoykun. Paytam sutichanqaku: Admirakuypaq, allin Consejakuq, Tukuy Atiyniyuq Dios, Wiña-Wiñaypaq Yaya, hinaspa Hawkayayta Qokuq, nispa.

Isaías 9:7

Rey Davidpa trononmantam kamachikunqa, munaychakuyninpa atiyninmi tukuy hinastinman chayanqa, munaychakuyninpiqa hawkayaypas manam tukunqachu, munaychakuyninqa wiña-wiñaypaqmi takyanqa. Mana pimanpas sayapakuspam kamachikunqa, allin arreglokunawanmi munaychakunqa, kunanmanta wiña-wiñaykama. Tukuy Atiyniyuq Tayta Diospa kuyakuyninmi chaytaqa ruwanqa.

Jeremías 31:3

Tayta Diosqa unayñam rikuriwarqa, hinaspam kaynata niwarqa: Wiñaypaq kuyakuywanmi kuyarqayki, chay kuyakuyniyman hinallam kuyapayachkayki.

Malaquías 1:2

Tayta Diosmi kaynata nin: Ñoqaqa anchatam kuyarqaykichik, nispa. Qamkunam ichaqa ninkichik: “¿Imay-natataq kuyawarqankiku?” nispaykichik. Tayta Diosñataqmi nin: “Qamkunataqa kuyaykichik imaynam Jacobta kuyasqayta hinam. Esauwan Jacobqa wawqentinmi karqaku, ichaqa Jacobtam kuyarqani,

Deuteronomio 7:8

Tayta Diosmi qamkunata kuyaspa chaynataq ñawpaq taytaykichikman jurasqanta cumplispan, Egipto nacionpi esclavo kasqaykichikmanta hurqomusurqankichik, hinaspam hatun atiyninwan rey Faraonpa munaychakuyninmanta hurqomusurqankichik.