1~Reyes 10:1 - CHUYA QELLQA La Biblia en Quechua de Ayacucho 2012

¹ Tayta Diospa yachay qosqanwan Salomón ancha reqsisqa kasqanta uyariruspanmi Sabá nacionpa reinan ancha sasa tapukuykunawan pruebananpaq hamurqa.

Quechua Ayacucho Bible 1987

¹ Tayta Diosrayku Salomon ancha reqsisqa kasqanmanta Saba nacionpa reinan uyariruspanmi hamurqa ancha sasa tapukuykunawan pruebananpaq.

Chuya Qellqa 1992

¹ Tayta Diospa yachay qosqanwan Salomón ancha reqsisqa kasqanta uyariruspanmi Sabá nacionpa reinan ancha sasa tapukuykunawan pruebananpaq hamurqa.

1~Reyes 10:1 Iomraidhean Croise

Génesis 10:28

Obal, Abimael, Seba,

Génesis 10:7

Cuspañataqmi karqa: Seba, Havila, Sabta, Raama hinaspa Sabteca. Raamapa churinkunam karqa Sebawan Dedán.

Génesis 25:3

Jocsanpa churinmi karqa Sebawan Dedán. Dedanpa mirayninkunam karqaku Asurim, Letusim hinaspa Leumim runakuna.

1~Reyes 10:24

Llapallan runakunam munarqaku rey Salomón reqsiykuyta hinaspa Diospa yachay qosqan uyariykuyta.

1~Reyes 4:31

Llapallan runakunamantapas aswan yachayniyuqmi karqa. Zera castamanta kaq Etanmantapas chaynataq Maholpa kimsan churinkunamantapas, Hemanmanta, Calcolmanta hinaspa Dardamantapas aswan yachayniyuqmi karqa. Chaynapim muyuriqninpi nacionkunapa ancha reqsisqan karqa.

1~Reyes 4:34

Salomonpa yachachikuyninta uyarinankupaqmi tukuy hinastinpi llaqtakunamanta kaq reykuna chaynataq runakunapas hamuqku.

1~Reyes 5:14

Paykunatam chunka waranqamantakama turnonpi Líbano orqoman kacharqa, huk killa llamkamuspanku iskay killañataq wasinkupi kanankupaq. Adonirammi llamkaqkunata huñumunanpaq kamachisqa karqa.

Jobwan Sutichasqa Libro 28:28

Hinaspam runata nirqa: “Yachayqa Diosta manchakuymi, yachayqa mana allinmanta rakikuymi”, nispa.

Jobwan Sutichasqa Libro 6:19

Temanmanta Sabamanta illaqkunam chay yakuta tomaq-tomaqllaña maskanku,

Isaías 60:6

Madián lawmantawan Efa lawmantam achkallaña camellokuna huntaykamusunki. Sabá lawmantapas qoritawan inciensotam apamusunki, Tayta Diostam tukuy ruwasqankunamanta hatunchanqaku.

Jeremías 6:20

¿Imapaqtaq Sabá nacionmantaraq inciensota apamuwankichik? ¿Imapaqtaq karumantaraq miski asnaq plantakunata apamuwankichik? Lliw kañana sacrificiokunata, tukuy rikchaq ofrendakuna apamuwasqaykichiktapas manañam munanichu.

Ezequiel 16:14

Kuyayllapaq kasqaykiraykum huklaw nacionkunapa ancha reqsisqanña rikurirurqanki, suma-sumaqta adornaykuptiymi ancha kuyayllapaq karqanki. Ñoqa tayta Diosmi chaynata nini.

Ezequiel 38:13

Sabá lawpi chaynataq Dedán lawpi runakuna hinaspa Tarsis llaqtapi negociantekunawan kamachikuqkunam kaynata tapusunki: ¿Suwakuqchu hamurqanki? ¿Qori-qollqeta, uywakunata hinaspa tukuy ima kapuqninkuta qechunaykipaqchu tropaykikunata huñuramunki? nispanku.

Mateo 12:42

Sur lawmanta Sabá reinapas juicio punchawpim kay runakunawan kuska kawsarimuspan paykunata acusanqa. Payqa kay pachapa tukupaynin karu-karu llaqtamantaraqmi rey Salomonpa yachaynin uyariq hamurqa. Kaypiqa Salomonmantapas aswan yachayniyuqmi kachkan.

Mateo 13:11

Chaymi payñataq nirqa: Diosmi qamkunamanqa munaycha-kuyninpi pakasqa kaqkunata yachachisunkichik, paykunamanmi ichaqa mana reqsichinchu.

Mateo 13:35

Chaynapi profetapa kayna nisqan cumplikunanpaq: Rikchanachiykunawanmi rimarisaq, kay pachata Dios unanchasqanmantapuni pakasqa kaqkunatam rimasaq, nispa.

Marcos 4:34

Mana rikchanachispaqa manam imatapas rimarqachu, discipulonkunamanmi ichaqa sapallankupi allinta entiendechiq.

Lucas 11:31

Sur lawpi reinapas juicio punchawpim kay miraykunapa contranpi hatarimunqa, hinaspam paykunata condenanqa. Payqa karu-karu llaqtamantaraqmi hamurqa rey Salomonpa yachaynin uyariq. Kaypiqa tarikun Salomonmantapas aswan masraqmi.

Juan 17:3

Wiñay kawsayqa kaymi: Sapallan cheqap Dios kasqaykita hinaspa kachamusqayki Jesucristota reqsiymi.