1~Reyes 1:41 - CHUYA QELLQA La Biblia en Quechua de Ayacucho 2012

⁴¹ Adoniasmi llapallan convidasqan runakunapiwan mikuyta tukuykuchkaspankuña qapariyta uyarirurqaku. Joabmi trompetapa waqayninta uyariruspan nirqa: ¿Imanasqataq runakuna llaqtapi llumpayta qaparichkanku? nispa.

Quechua Ayacucho Bible 1987

⁴¹ Adoniasmi llapallan convidasqan runakunapiwan mikuyta tukuruchkaspankuña bulla rurasqankuta uyarirurqaku. Corneta waqasqanta Joab uyariruspanmi nirqa: —¿Imanasqataq runakunaqa llaqtapi llumpayllataña alborotachkanku? —nispa.

Chuya Qellqa 1992

⁴¹ Adoniasmi llapallan convidasqan runakunapiwan mikuyta tukuykuchkaspankuña qapariyta uyarirurqaku. Joabmi trompetapa waqayninta uyariruspan nirqa: ¿Imanasqataq runakuna llaqtapi llumpayta qaparichkanku? nispa.

1~Reyes 1:41 Iomraidhean Croise

1~Reyes 1:40

Chaymantam paypa qepanta llapallan runakuna takispa qenata tocastin qatirqaku, hinaspam llumpayta kusikurqaku, paykunapa qaparisqankuwanmi allpapas kicharikuykuqmanña rikchakurqa.

1~Reyes 1:42

Chaynata rimachkaptinmi sacerdote Abiatarpa churin Jonatán chayarurqa, hinaptinmi Adonías nirqa: Qamqa allinnin qari-qari runam kanki, allin willakuytachá apamuwachkankiku, nispa.

Jobwan Sutichasqa Libro 20:5

Mana allin runapa asikuyninqa tukuruqllam, Diosta mana kasukuq runapa kusikuyninqa chinkaruqllam.

Éxodo 32:17

Josueymi runakunapa qapariyninta uyariruspan Moisesta nirqa: Guerrapi hinam campamentopi runakuna qaparichkanku, nispa.

Proverbios 14:13

Asikuypa chawpinpipas sonqoqa nanakunmi, kusikuyqa waqakuypim tukun.

Mateo 21:15

Sacerdotekunapa kamachiqninkunawan Diospa leynin yachachiqkunañataqmi Jesuspa ruwasqan milagrokunata rikuspanku chaynataq warmakunapas “Davidpa Churin salvaykullawayku” nispa nisqankuta uyarispanku llumpayta piñakururqaku.

Hechos 21:31

Wañurachinankupaq kachkaptinkuñam Roma llaqtayuq soldadokunapa kamachiqninman willaykamurqaku: Jerusalenpi lliw runakunam chaqwata ruwachkanku, nispanku.