1~Reyes 1:34 - CHUYA QELLQA La Biblia en Quechua de Ayacucho 2012

³⁴ chaypim sacerdote Sadocwan profeta Natán, aceitewan tallispa Salomonta Israel nacionpi rey kananpaq churamunqaku, qamkunañataqmi cornetata tocaspa ¡kawsachun rey Salomón! nispa qaparinkichik.

Quechua Ayacucho Bible 1987

³⁴ Chaypim sacerdote Sadocwan Diosmanta willakuq Natan aceitewan tallispa Salomonta churanqaku Israel nacionpi rey kananpaq cornetata tocachispam: “¡Kawsachun Rey Salomon!” ninkichik.

Chuya Qellqa 1992

³⁴ chaypim sacerdote Sadocwan profeta Natán, aceitewan tallispa Salomonta Israel nacionpi rey kananpaq churamunqaku, qamkunañataqmi cornetata tocaspa ¡kawsachun rey Salomón! nispa qaparinkichik.

1~Reyes 1:34 Iomraidhean Croise

2~Samuel 15:10

llapallan Israel ayllukunaman willakuqkunata kacharqa kaynata nimunankupaq: Trompeta tocasqankuta uyarispaykichikmi ninkichik: ¡Absalonmi Hebrón llaqtapi munaychakuchkan! nispaykichik.

2~Samuel 2:4

Chaymi Judá runakuna hamuruspanku Davidpa umanman aceiteta tallispa, Judapi munaychakunanpaq sapaqcharqaku. Galaad lawpi Jabes llaqtayuqkuna Saulpa ayan pampasqankuta Davidman willaykuptinkum,

2~Samuel 5:3

Chaynata nispankum Israelpi llapa ancianokuna Hebrón llaqtapi rey Davidwan parlaspanku, Tayta Dios-pa qayllanpi contratota ruwarqaku, hinaspankum Davidta Israelpa reynin kananpaq aceitewan tallispa sapaqcharqaku.

1~Reyes 1:25

Payqa kunan punchawmi torokunata, wirayachisqan animalkunata, achka ovejakunata ofrecenanpaq uraykamuspan llapa churikikunata, tropakunapa capitanninkunata hinaspa sacerdote Abiatartapas convidaruptin Adoniaswan kuska mikuspanku upyaspanku, ¡kawsachun rey Adonías! nispa qaparichkanku.

1~Reyes 1:35

Chaymanta kutimuptikichikmi palacioypi tiyaspan ñoqapa rantiypi munaychakunqa, ñoqam payta akllani Israelpi chaynataq Judapi rey kananpaq, nispa.

1~Reyes 1:39

Chaypim Sacerdote Sadoc, Diospa carpanmanta waqrachapi apamusqan aceiteta Salomonman talliykurqa, chaymi cornetata tocaptinku llapa runakunañataq qaparirqaku: ¡Kawsachun rey Salomón! nispanku.

1~Reyes 19:16

Nimsipa churin Jehú sutiyuq runatañataqmi Israel nacionpi munaychakunanpaq aceitewan tallispa sapaqchanki, Abel-mehola llaqtayuq Safatpa churin Eliseotañataqmi qampa rantikipi profeta kananpaq churanki.

2~Reyes 11:12

Hinaptinmi Joiadaqa reypa churin Joasta hawaman pusamuspa umanman coronata churaykurqa, hapiykachirqataqmi chunkantin kamachikuykunatapas. Chaymantam umanman aceiteta tallispan rey kananpaq sapaqcharqa. Hinaptinmi llapallanku kusikuywan taqllakuspa qaparirqaku: ¡Kawsachun rey! nispanku.

2~Reyes 11:14

Qawarispanmi rikururqa reyta costumbrenkuman hina pilarpa waqtanpi sayachkaqta, capitankunatapas chaynataq trompeta tocaqkunatapas reypa waqtanpi kachkaqta, runakunapas kusikuspanku trompetata tocachkaqta. Chaymi Ataliaqa pachanta llikipaspan qaparirqa: ¡Traicionmi kayqa, traicionmi kayqa! nispa.

2~Reyes 9:13

Hinaptinmi Jehú sarunanpaq llapa capitankuna capankuta gradaskunaman chaylla mastarqaku, chaymantam cornetata tocaspanku qaparirqaku: “Jehuñam reyqa”, nispanku.

2~Reyes 9:3

Chaypim kay apasqayki aceiteta umanman talliykunki kaynata nispayki: “Tayta Diosmi nisunki: Ñoqam Israelpa reynin kanaykipaq akllayki, nispa. Chaymantam punkuta kichaykuspa lluptikamunki”, nispa.

2~Reyes 9:6

Hatarispan cuartoman Jehú yayku-ruptinmi, aceiteta umanman talliykuspan chay profeta nirqa: Israelpa yupaychasqan Tayta Diosmi kaynata nin: “Ñoqam Israel nacionpi rey kanaykipaq sapaqchayki.

2~Crónicas 23:11

Hinaptinmi sacerdote Joiadawan churinkuna, rey Ocoziaspa churin Joasta hurqoramurqaku, umanman coronata churaykuspankum imaynam munaychakunanmanta yachachikuykunata hapiykachirqaku, hinaspam rey kananpaq umanman aceiteta tallispanku nirqaku: ¡Kawsachun rey! nispanku.

Isaías 45:1

Tayta Diosmi Cirota rey kananpaq sapaqcharqa, nacionkunapi munaychakuspa reykunata tuñichinanpaqmi makinmanta pusamurqa. Tayta Diosmi llaqtakunapa punkunkunata Ciropa ñawpaqninpi kichanqa, manaña pipas wichqayta atinankama. Paytam Tayta Dios kaynata nin:

Hechos 10:38

hinaspa imaynam Nazaretmanta kaq Jesucristota Chuya Espiritupa atiyninwan Dios huntaykusqantaqa; paymi purirqa allinkunata ruwastin chaynataq Satanaspa ñakarichisqan runakunata sanoyachistin, tukuy chaykunataqa ruwarqa paywan Dios kasqanraykum.

1~Samuel 10:1

Chaypim Saulpa umanman aceiteta Samuel talliykurqa, hinaspam muchaykuspan nirqa: Tayta Diosmi kunan churaykusunki Israel runakunapi munaychakuq kanaykipaq

1~Samuel 10:24

Samuelmi llapallan runakunata tapurqa: ¿Qawachkankichikchu reynikichikpaq Tayta Dios akllasqanta? ¡Qamkuna ukupiqa manam pipas kanchu pay hinaqa! nispa. Hinaptinmi runakuna kusikuymanta qaparirqaku: ¡Kawsachun reyninchik! nispanku.

1~Samuel 16:3

Hinaspam sacrificiota ruwaysisunaykipaq Isaita qayanki. Ñoqam imam ruwanaykita nisqayki, reqsichisqaykitaqmi rey kananpaq akllakusqayman aceiteta tallinaykipaqpas, nispa.