1~Pedro 5:8 - CHUYA QELLQA La Biblia en Quechua de Ayacucho 2012

⁸ Allin yuyayniyuq hinaspa rikchapallayá kaychik, enemigoykichik diabloqa yarqasqa león hinam mu-yuriqnikichikpi purichkan pitapas millpurunanpaq.

Quechua Ayacucho Bible 1987

⁸ Listollayá rikchaychik, enemigoykichik diabloqa yarqasqa leon hinam muyuriqnikichikpi purichkan pitapas millpurunanpaq.

Chuya Qellqa 1992

⁸ Allin yuyayniyuq hinaspa rikchapallayá kaychik, enemigoykichik diabloqa yarqasqa león hinam muyuriqnikichikpi purichkan pitapas millpurunanpaq.

1~Pedro 5:8 Iomraidhean Croise

Ester 7:6

Chaymi reina Ester nirqa: ¡Contraykupi sayariq enemigoyku mana allin runaqa kay Amanmi! nispa. Amanñataqmi chayta uyariruspan reypa chaynataq reinapa qayllanpi mancharikurqa.

Jobwan Sutichasqa Libro 2:2

Chaymi Satanasta Tayta Dios tapurqa: ¿Maymantataq hamuchkanki? nispa. Satanasñataqmi nirqa: Allpa pacha patan-patan muyumusqaymantam hamuchkani, nispa.

Proverbios 19:12

Reypa piñakuyninqa malta leonpa qapariynin hinam, kuyapayakuyninñataqmi pastokunapi sulla hina.

Proverbios 20:2

Reypa piñakuyninqa malta leonpa qapariynin hinam, reyta piñachiq runaqa vidantam wañuyman qaykukuchkan.

Proverbios 28:15

Wakcha llaqtapi mana allin runa kamachikuspanqa qapariq leonman otaq yarqasqa ukumarimanmi rikchakun.

Isaías 50:8

Salvaqniyqa hichpallaypim kachkan, ¿Pitaq ñoqawan churanakuyta munanman? Chaynaqa, juezman kuskanchik hakuchik, ¿pitaq tumpawayta atinman? Hamuspanyá uyaypi niwachun.

Jeremías 2:15

Malta leonkunam paykunapa contranpi qaparkachanku, manchakuypaqta qaparispam allpankutapas chunnirachinku; llaqtankutapas kañarunkum, manañam pipas yachanñachu.

Jeremías 51:38

Leonkuna hinam qaparinqaku, malta leonkuna hinam qaparkachanqaku.

Ezequiel 19:7

Runakunapa palacionkunatapas lliwmi tuñirachirqa, llaqtakunatapas lliwmi purmarachirqa; qapariyninwanmi lliwta mancharichirqa.

Ezequiel 22:25

Profetaykikunapas yarqasqa leonkuna hinañam qaparillawanña runata hapiruspa wañurachinku. Llaqtankupim runa-kunata wañuchispa qori-qollqenkutawan tukuy imankuta suwaruspa viudakunallataña saqerunku.

Daniel 6:24

Chaymantam rey kamachikuptin, Daniel acusaq runakunata pusamurqaku, hinaspam warmintinta churintinta wischuykurqaku leonkunapa kasqan uchkuman, hinaptinmi manaraqpas pampaman chayaykuchkaptinku leonkuna pawaykuspa tisaparurqa, llapallan tullunkupas chamchakunankama.

Oseas 11:10

León hinaraq Tayta Dios qapariptinmi paykunañataq qepanta qatikunqaku, león hinaraq qapariptinmi, churinkuna katkatatastin intipa seqaykunan lawmanta hamunqaku.

Oseas 13:8

Wawanta chinkarachiq ukumari hinam hapiruspay qasqonkutapas llikiparusaq, león hinam paykunataqa mikurusaq, purun animal hinam paykunataqa tisaparusaq.

Joel 3:16

Tayta Diosmi Sión moqomanta qaparimunqa, Jerusalenmantam rimasqan uyarikunqa, cielokunapas kay pachapas katkatatanqam; chaywanpas Tayta Diosmi churinkunataqa waqaychanqa, paytaqmi Israel castakunapa kallpanpas kanqa.

Amós 1:2

Sión moqomantam Tayta Dios qaparimun, Jerusalenmantam simin uyarikun, Pastorkunapa michinan pastokunapas qawinankama, Carmelo orqopa puntanpas chakinankama, nispa.

Amós 3:4

¿Yaqachu montepi león qaparinman mikunanpaq mana imatapas hapiruchkaspa? ¿Yaqachu uña león machayninpi yanqa qaparinman mikunanpaq mana imatapas hapiruchkaspa?

Amós 3:8

León qaparimuptin, ¿Pitaq mana mancharikunmanchu? Tayta Dios rimariptin, ¿pitaq mana profetizanmanchu?

Zacarías 11:3

Michinanku pastokuna chinkarusqanraykum michiqkuna qapariyllawanña waqachkanku, Jordanpa sumaqllaña saqñunkuna tukurusqanraykum leonkuna qaparkachachkanku.

Zacarías 3:1

Chaymantam sumo sacerdote Josueyta visionpi rikurqani, Tayta Diospa angelninpa ñawpaqninpi sayachkaqta. Josueypa alleq lawninpiñataqmi Satanás sayachkasqa acusananpaq.

Mateo 13:39

Chay valliku tar-puq enemigoqa diablom, cosecham kay pachapa puchukaynin, cosechaqkunañataqmi angelkuna.

Mateo 24:42

Chaynaqa, rikchan-rikchanllayá kaychik, qamkunaqa manam yachankichikchu ima punchawmi Señornikichik kutimunantaqa.

Mateo 25:41

Ichoqninpi kaqkunatañataqmi ninqa: “Llapa ñakasqakuna ñoqamanta anchuychik, diablopaqwan angelninkunapaq alistasqa wiña-wiñaypaq rawrachkaq ninaman.

Mateo 4:1

Chaymantam Jesusta purunman Espíritu aparurqa diablopa tentasqan kananpaq.

Mateo 4:11

Chaynapim diabloqa saqerurqa, angelkunañataqmi hamuspanku Jesusta servirqaku.

Marcos 4:15

Ñanman wichiq muhuñataqmi allin noticiata uyariq runaman rikchakun, ichaqa Satanasmi hamuruspan sonqonpi tarpusqa Diospa palabranta chaylla hurqorun.

Lucas 21:34

Allintayá cuidakuychik, amayá vicio-kunawan, machakuykunawan hinaspa kay pachapi imamantapas afanakuykunawan sonqoykichikta rumiyarachiychikchu, yanqañataq chay punchawqa qonqayta chayaramusunkichikman.

Lucas 21:36

Rik-chapalla kaspayá tukuy tiempopi mañakuychik, tukuy kaykuna hamuqmanta lluptinaykichikpaq, chaynapi runapa Churinpa qayllanman yaykunaykichikpaq.

Lucas 22:31

Señorqa nirqataqmi: Simón, Simón, Satanasmi mañakurun trigota hina suysusunaykichikpaq,

Juan 8:44

Qamkunapa taytaykichikqa diablom, chaymi paypa munasqallanta ruwankichik. Diabloqa qallariyninmantapuni runata wañuyman apaqmi karqa, paypi mana cheqap kasqanraykum cheqap kaqpipas mana takyanchu. Llullata rimaspanqa kikillanmanta kaqtam riman, chayna kasqanraykum haykam llullakuqkunapa taytan.

2~Corintios 2:11

chaynapi Satanaspas mana vencewananchikpaq, ñoqanchikqa yachanchikmi payqa pantachikuqllaña kasqanta.

Efesios 4:27

Huchaman diablo urmachisunaykichiktaqa amayá saqekuy-chikchu.

Efesios 6:11

Harkachikunaykichikpaq Diospa qosusqaykichik llapallan armakunawan pachallikuychik, chaynapi allinta takyaptikichik, wateqasuqnikichik diablo mana urmachisunaykichikpaq.

1~Timoteo 2:15

Chaymi warmiqa wachakuspa hinaspa wawankunata allinta uywaspa, iñiyninpi takyaspa kuyakuq kaspa hinaspa chuyanchakuspan salvakunqa.

1~Timoteo 2:9

Warmikunapas humildad-wanyá pachakuchunku, allichapakuspapas allin yuyaywanyá allichakuchunku, ñaqchakuspapas amataqyá achalapakuchunkuchu, amataq llumpay precioyuq qorimanta, perlasmanta alhajakunawanpas nitaq llumpay precioyuq pachawanpas churakuchunkuchu.

1~Timoteo 3:11

Warmikunapas kachunku, allin respetanapaq hina, ama cuento qepichu, imamantapas allin yuyaywan kawsakuq hinaspa tukuy imapas ruwayman churaq.

1~Timoteo 3:2

Iñiqku-namanta nanachikuqqa kanan: Mana pipapas anyananmi, huk warmiyuqllam, imamantapas controlakuqmi, allin yuyaywan imapas ruwaqmi, allichakuyninpas kanan allinmi, visitakuna allin chaskiykuqmi, allin yachachikuqmi,

2~Timoteo 4:17

Señorninchikmi ichaqa ñoqawan kaspa kallpanchawarqa, chaynapi ñoqantakama mana judío kaqkunamanpas salvacionmanta willakuy tukusqa kananpaq. Chaynatam Señorninchikqa leonkunapa siminmanta libraykuwarqa.

Tito 1:8

Payqa kanan: Wasinpi samaykachikuqmi, allin kaqkunata kuyaqmi, allin piensaqmi, allin arreglo ruwaqmi, Diosllapaqña sapaqchakuqmi hinaspa genionta controlakuqmi.

Tito 2:12

Diospa kuyakuyninmi yachachiwanchik, mana allinkunata saqespa hinaspa aychapa munayninta saqespa, chaynapi allin yuyaymanaywan, allin ruwaywan hinaspa Diospa munasqanman hinaña kay pachapi kawsananchikpaq.

Tito 2:2

Mayor señorkunaqa kananku: Allin yachayniyuqmi, respetachikuqmi, allin yuyaymanayniyuqmi, allin iñiyniyuqmi, kuyakuyniyuqmi hinaspa pacienciakuqmi.

Tito 2:4

Sipas warmikunatayá yachachichunku imaynam qosanku kuyayta, wawanku kuyayta,

Tito 2:6

Jovenkunatapas allin yuyayniyuq kanankupaq rimapayay.

Santiago 4:7

Chaynaqa, Diostayá kasukuychik. Diablopa contranpi allinta sayaychik, hinaptinqa qamkunamantam ayqekunqa.

1~Pedro 1:13

Chaynaqa, listolla kaspayá imam ruwanaykichikmanta sumaqta yuyaymanaychik, rikchan-rikchanllayá kaychik Jesucristo rikurimuptin Diospa kuyakuyninman hina imam qosunaykichikta tukuy sonqoykichikwan suyaspa.

1~Pedro 4:7

Tukuy imapa puchukayninmi hich-pallaña kachkan, chaynaqa rikchan-llayá kaychik, amataq Diosta mañakuytapas qonqaychikchu.

Apocalipsis 12:10

Chaymantam hanaq pachapi kayna niq qayakuyta uyarirqani: “Kunanmi salvación chayaramuwanchik, chayaramuntaqmi Diospa atiyninwan, munaychakuyninpas chaynataq Cristopa munayninpas. Wawqe-paninchikkunapa contranpi tuta punchaw Diosman acusaq diabloqa ñam wischurachikamunña hanaq pachamanta.

Apocalipsis 12:12

Chaynaqa, ¡cielokuna kusikuychik, kusikuychiktaqyá chaypi yachaqkunapas! ¡Ay, imaynaraq kanqa kay pachapi kaqkunaqa! Diabloqa piñasqallañam qamkunaman uraykaramun, payqa yachakunmi pisi tiempollapaqña kananta”, nispa.

Apocalipsis 12:9

Chaynapim chay hatun dragonqa wischumusqa karqa. Payqa ñawpaqmantaraq Diablowan hinaspa Satanaswan sutichasqa maqta urum. Paymi kay pachapi llapallan runakunata engañan. Paymi angelninkunapiwan kay pachaman wischumusqa karqa.

Apocalipsis 20:10

Engañaqninku diabloñataqmi azufreyuq rupachkaq qochaman wischusqa karqa, manchakuypaq animalpa hinaspa pantachikuq profetapa kasqanman, chaypim tuta punchaw wiña-wiñaypaq ñakarinqaku.

Apocalipsis 20:2

Chay angelmi ñawpaq maqta uruwan sutichasqa dragonta hapirurqa, chay dragonqa Satanaswan sutichasqa Diablom, paytam waranqa watapaq chaqnarurqa.

Jueces 14:5

Sansonmi tayta-mamanpiwan Timnat llaqtaman rirqaku. Timnat lawpi uvas huertakunaman chayaruptinmi, huk malta león qaparispan Sansonman pawaykamurqa.