1~Pedro 5:5 - CHUYA QELLQA La Biblia en Quechua de Ayacucho 2012

⁵ Jovenkuna, qamkunapas ancianokunatayá kasukuychik. Llapaykichikyá uchuychakuspa kasunakuychik, Chuya Qellqam kaynata nin: “Diosqa hatun tukuqkunapa contranpim kachkan, uchuychakuqkunatam ichaqa kuyakuyninwan yanapan”, nispa.

Quechua Ayacucho Bible 1987

⁵ Mozo-sipaskuna, qamkunapas *f**ancianokunatayá kasukuychik. Llapallaykichikyá kasunakuychik humillakuspa, Bibliam nin: Diosqa hatun tukuqkunapa contranpim kachkan ichaqa favorecenmi humildekunataqa.

Chuya Qellqa 1992

⁵ Jovenkuna, qamkunapas ancianokunatayá kasukuychik. Llapaykichikyá uchuychakuspa kasunakuychik, Chuya Qellqam kaynata nin: “Diosqa hatun tukuqkunapa contranpim kachkan, uchuychakuqkunatam ichaqa kuyakuyninwan yanapan”, nispa.

1~Pedro 5:5 Iomraidhean Croise

2~Crónicas 6:41

Dios Taytalláy, atiyniyuq Arcaykiwan hatariy, kay samanayki sitioman hamuy; Dios Taytalláy, sacerdotekikunayá salvacionnikiwan pachallikuchunku, qanman hapipakuqkunayá kuyakuynikipi kusikuchunku.

Jobwan Sutichasqa Libro 22:29

Diosqa hatun tukuqkunatam uchuychan, uchuychakuqkunatam ichaqa hatunchan.

Jobwan Sutichasqa Libro 29:14

Allin arreglo ruwaywan allin kawsakuyqa sapa punchaw tapaykuqniymi karqa, chaykunam sapa punchaw pachaykuna hina karqa.

Proverbios 25:7

“Kayman qespimuy” nisuynikim aswan allinqa, reqsisqayki kamachikuqkunapa qayllanpi penqayman churasqa kanaykimantaqa.

Proverbios 3:34

Burlakuqkunamantaqa Tayta Diospas burlakunmi, llampu sonqokunatam ichaqa kuyapayan.

Isaías 57:15

Wiña-wiñaypaq kawsakuq Diosmi, hatu-hatun Chuya Diosmi kaynata nin: Ñoqaqa alto-altopim, chuyay-chuyay sitiopim yachani, wanakuspa uchuychakuqkunawanmi yachani, hinaspaymi paykunata kallpanchani.

Isaías 61:10

Isaiasmi kaynata nirqa: Tayta Diospim llumpayta kusikuni, Diosniypim sonqomanta kusikuni. Salvakunapaq pachawanmi pachaykachiwan, allin ruway capawanmi churaykachiwan, noviota hinam coronaykachiwan, alhajakunawan adornasqa noviata hinam adornaykuwan.

Isaías 66:2

Tukuy imapas ñoqapa ruwasqallaymi, chaymi tukuy imapas rikurirqa. Ñoqa Tayta Diosmi chaynata nini. Ñoqaqa nanachikuni humillakuspa wanakuq runakunatam, yachachikuyniy kasukuq runakunatam.

Ezequiel 26:16

Hinaptinmi lamar qocha patanpi reykunapas trononkumanta uraykuspanku capankutawan bordasqa pachankuta hurqokunqaku; manchakuypa huntasqanmi pampapi tiyanqaku, tuñichisqa kasqaykita qawaykuspankum sapa kutilla manchakuymanta katkatatanqaku.

Daniel 11:12

Chay nana-nanaq tropakunata vencerusqanwanmi sur lawpi kaq reyqa llumpayta hatunchakurunqa, ichaqa waranqantin-waranqantin tropakunata wañurachichkaspanpas manam unaytachu munaychakunqa.

Levítico 19:32

Yuyaqkunapa qayllanpiqa sayarispam paykunata respetankichik, Diosnikitapas kasukunkitaqmi. Ñoqaqa Tayta Diosmi kani.

Lucas 22:26

Qamkunaqa manam chaynachu kanaykichik. Aswanraqmi qamkunamanta pipas puntapi kayta munaspaqa warma hina kanan, kamachikuqñataqmi servikuq kanan.

Romanos 12:10

Wawqe-panintin hinayá huknikichikmanta huknikichikkama kuyanakuychik. Respetanakuspayá wakiqnikichikta imapipas aswan allinpaq hapiychik.

Romanos 13:14

Aswanqa Señorninchik Jesucristowan pachallikuychik, aychapa munaynintapas amaña ruwaychikchu.

Efesios 5:21

Diosta manchakuspaqa kasuna-kuychikyá.

Filipenses 2:3

Amayá cheqnikuspaqa nitaq hatun tukuspaqa imatapas ruwaychikchu, aswanqa uchuychakuspayá kikikichikmantapas aswan allinpaqraq wakinkunata hapiychik.

Colosenses 3:12

Diosmi kuyasusqaykichikrayku akllasurqankichik payllapaqña kanaykichikpaq, chaynaqa musoq pachawan pachakuchkaq hinayá pachallikuychik: Allin kaqkuna ruwaywan, llakipayakuywan, sumaq sonqo kaywan, uchuychakuywan, llampu sonqo kaywan hinaspa pacienciakuywan.

1~Timoteo 5:1

Amayá mayor señorkunataqa qaqchaychu, aswanqa taytaykita hinayá rimapayay, jovenkunatañataq wawqekikunata hina.

Hebreos 13:17

Michiqnikichikta kasukuspa paykunaman sujetakuychik. Paykunam almaykichikmanta nanachikunku, hi-naspam Diosman cuentata qonqaku. Kasukuptikichikqa mana hukmanyaspam kusisqalla pusasunkichik, mana chayqa manam allinnikichikpaqchu kanman.

Santiago 4:6

Ichaqa Diosninchikmi kuyapayakuyninwan yanapawanchik. Chaymi Qellqapi kaynata nin: “Diosqa hatun tukuqkunapa contranpim kachkan, uchuychakuqkunatam ichaqa yanapan”, nispa.

1~Pedro 3:8

Chaynaqa, llapallaykichikyá huk sonqolla kawsaychik, llakipayanakuspa, kuyanakuspa hinaspa lliwpaq allin runa kaychik.

1~Pedro 4:1

Imaynam Cristopas ñoqanchikrayku cuerponpi ñakarirqa, chaynayá qamkunapas pay hina ñakarinaykichikpaq listolla kaychik, pipas cuerponpi ñakariqqa huchamantam rakikurunña,

1~Pedro 4:5

Paykunam ichaqa wañuqkunapas hinaspa kawsaqkunapas juzgananpaq listollaña kaq Diosman cuentata qonqaku.