1~Pedro 5:3 - CHUYA QELLQA La Biblia en Quechua de Ayacucho 2012

³ Amayá munaychakuq hinachu, aswanqa paykunapa ejem-plonyá kaychik.

Quechua Ayacucho Bible 1987

³ Amayá michiychikqa munaychakuq hinachu, aswanqa ejemplonyá kaychik.

Chuya Qellqa 1992

³ Amayá munaychakuq hinachu, aswanqa paykunapa ejemplonyá kaychik.

1~Pedro 5:3 Iomraidhean Croise

Ezequiel 34:4

Eqoyaruq ovejakunatapas manam kallpanchankichikchu, onqoruqtapas manam hampiykunkichikchu, chakin pakikuruqtapas manam wataykunkichikchu, chullaruqkunatapas manam kutiykachinki-chikchu, chinkaruqkunatapas manam mas-kamunkichikchu, aswanqa maqa-maqaris-pam paykunapi munaychakunkichik.

Miqueas 7:14

Dios Taytalláy, sumaq pastokunapa kananpiyá llaqtaykita ovejakunata hina michikuy, orqokunapi montekunapi sapallan puriq ovejaykikunata, ñawpaq tiempokunapi hinayá Basán lawpi chaynataq Galaad lawpi paykunata michikuy.

Números 18:7

Altarpi ruwanakunatawan “Chuyay-chuyay” lugarpi ruwanakunatam ichaqa qanwan churikikunalla ruwankichik. Sacerdote kaynikichikqa qamkunallapaqmi, chay llamkaytam qamkunaman qoykichik. Pipas mana sacerdote kachkaspa ruwanaykichikta ruwaqqa wañuchisqam kanqa, nispa.

Juan 13:15

Ejem-plotam qamkunaman qoykichik qamkunawan ruwasqayta hina qamkunapas ruwanaykichikpaq.

Hechos 20:28

Chaynaqa, cuidakuychikyá, cuidaychiktaqyá iñiqkunatapas, paykunata michinaykichikpaqmi Chuya Espíritu qamkunata akllasurqankichik, paykunaqa Señorninchik Jesucristopa yawarninwan rantisqanmi.

1~Corintios 11:11

Chayraykum Señorpa qayllanpiqa qaripas mana kanmanchu mana warmi kaptinqa, manataqmi warmipas kanmanchu mana qari kaptinqa.

1~Corintios 3:5

Aswanqa, ¿pitaq Apolosqa? ¿Pitaq ñoqaqa kani? Ñoqaykuqa Diospa serviqnillanmi kaniku, ñoqaykutakamam iñikurqankichikpas, ñoqaykuqa sapakamam Señorpa qowasqankuta ruwarqaniku.

1~Corintios 3:9

Ñoqaykuqa Diospa llamkapakuqninmi kaniku, qamkunañataqmi kankichik Diospa llamkasqan chakra hinaspa Diospa ruwasqan wasi.

2~Corintios 1:24

Ñoqaykuqa manam iñisqaykichikpi munaychakuytachu munachkaniku, munachkanikuqa kusisqa kanaykichikpaq yanapaykuytam, qamkunaqa qaqa hinañam iñisqaykichikpi sayachkankichik.

2~Corintios 4:5

Manam kikiykumantachu willakunikuqa, aswanqa Jesucristo Señor kasqanmantam, kikiykumantañataqmi Jesusta kuyasqaykurayku sirvientekichik kasqaykuta willakuniku.

Deuteronomio 32:9

Tayta Diospa herencianqa runankunallam, paypa herencianqa Jacobpa mirayninkunallam.

Filipenses 3:17

Wawqe-panillaykuna, ñoqatayá qatipakuwaychik hinaspa wakiqnin ñoqa hina allinta kawsaqkunatapas qatipakuychik.

Filipenses 4:9

Imam yachachisqayta, chaskisqaykichikta, uyarisqaykichikta hinaspa ñoqapi rikusqaykichiktayá ruwaychik, hinaptinqa hawkayay qokuq Diosmi qamkunawan kanqa.

1~Tesalonicenses 1:7

Chaynapim qamkunaqa Macedonia lawpi hinaspa Acaya lawpi llapallan iñiqkunapaqpas ejemplonña kachkankichik.

2~Tesalonicenses 3:9

Cheqaptapunipas ñoqaykupaqa derechoykum karqa mañakunaykupaq, ichaqa llamkarqanikum qamkunapas ñoqayku hina kanaykichikpaq.

1~Timoteo 4:12

Jovenraq kasqaykiraykuqa ama piwanpas despreciachikuychu, aswanqa iñiqkunapa ejemployá kay: Rimaynikipi, allin kawsaynikipi, kuyakuynikipi, iñiynikipi chaynataq chuya sonqo kaynikipipas.

Tito 2:7

Tukuy ima ruwasqaykipipas qamraqyá ejemploqa kay. Yachachispaykiqa cheqapman hina respetowan yachachiy,

1~Pedro 2:9

Qamkunam ichaqa kankichik, Diospa akllasqan ayllukuna, Reyta serviq sacerdotekuna, Diospaq chuyanchasqan llaqta hinaspa Diospa rantisqan runankuna, chaynapi Diospa atiyninmanta willakunaykichikpaq, paymi tutayaymanta qayasurqankichik admirakuypaq achkiyninpi purinaykichikpaq.