1~Pedro 5:2 - CHUYA QELLQA La Biblia en Quechua de Ayacucho 2012

² Nanachi-kunaykichikpaq qosusqaykichik Diospa ovejankunatayá michiychik. Chaytaqa Diospa munasqanman hinayá ruwaychik, amayá hikutasqallachu nitaq qollqeraykullachu, aswanqa tukuy son-qoykichikmanta.

Quechua Ayacucho Bible 1987

² Makikichikpi kaq Diospa ovejankunata michiychik. Chaytaqa ruraychik Diospa munasqanman hinayá, amayá obligasqa hinachu nitaq qollqellaraykuchu. Llamkaychikqa tukuy sonqoykichikwanyá.

Chuya Qellqa 1992

² Nanachikunaykichikpaq qosusqaykichik Diospa ovejankunatayá michiychik. Chaytaqa Diospa munasqanman hinayá ruwaychik, amayá hikutasqallachu nitaq qollqeraykullachu, aswanqa tukuy sonqoykichikmanta.

1~Pedro 5:2 Iomraidhean Croise

2~Reyes 12:6

Ichaqa iskay chunka kimsayuq wataña Joás munaychakunankamapas llapa sacerdotekunaqa manam templopa raqrankunata allichachirqakuchu.

Cantares 1:8

Llapa warmikunamanta kuyayllapaq warmicha, mana yachaspaykiqa, ovejakunapa yupinta qatipay; michiqkunapa hatusninpa waqtampi cabrachaykikunata michiy.

Isaías 40:11

Ovejankunata michinanpaqmi hamunqa, uñachankunatam marqayninpi apanqa, chayllaraq wachakuq ovejakunatam allillamanta pusanqa.

Isaías 56:11

Paykunaqa mikuspapas mana saksaq allqokunam, mana imatapas musyaq michiqkunam; sapakama munasqankuman hina kawsaqkunam, kikillankupaq chaskikuy munaqkunam.

Isaías 6:8

Chaymantam Tayta Diospa kayna nisqanta uyarirqani: ¿Pitataq kachasaq? ¿Pitaq ñoqaykupa rantiykupi willakamunqa? niqta. Chaymi ñoqa nirqani: Kayqaya ñoqa kaypi kachkani, ñoqatayá kachaway, nispay.

Isaías 63:11

Moisesmantawan llaqtanmanta yuyarispankum tapunakurqaku: ¿Maypitaq kachkan lamar qochamanta michiqninkunatawan ovejankunata salvaq Diosqa? ¿Maypitaq kachkan Moisesman Chuya Espirituta qoq Diosqa?

Jeremías 13:17

Mana kasukuptikichikqa hatun tukuq kasqaykichikmantam mana pipa rikusqanta waqasaq; Tayta Diospa runankuna preso apasqa kasqankumantam waqasaq, weqeypas yaku hinañam kallpanqa.

Jeremías 13:20

Jerusalenpi yachaqkuna, norte lawta qawariychik, enemigoykichikmi hamuchkan. ¿Maytaq michinaykipaq saqesqay ovejakuna? ¿Maytaq hatunchakunayki ovejakuna?

Jeremías 6:13

Paykunaqa hatunpas taksapas llapallankum apuyayllamanña qokurunku, profetankunawan sacerdotenkunapas engañakuqllañam rikurirunku.

Jeremías 8:10

Chayraykum warminkutapas hukmanña qoykusaq, chakrankutapas hukmanñam qoykusaq. Paykunaqa hatunpas taksapas apuyaruyllatam maskanku, profetawan sacerdotekunapas engañakuqllañam rikurirunku.

Ezequiel 34:23

Ñoqam ovejaykuna michiqta hatarichisaq, payñam ovejaykunata michinqa. Payqa serviqniy Davidmi, payñam michiqninku kaspa ovejaykunata nanachikunqa.

Ezequiel 34:31

Runaykunaqa ovejaykunam kankichik, michinay pampapi kaq ovejaykunam kankichik, ñoqañataqmi Diosnikichik kani. Ñoqa Tayta Diosmi chaynata nini.

Ezequiel 46:24

Hinaptinmi chay pusawaqniy runa kaynata niwarqa: Kay tullpakunapim temploypi servikuqkuna llapa runakunapa ofrendanta yanunqaku, nispa.

Miqueas 3:11

Kamachiqninkunapas pagollapaqmi kamachikunku, sacerdotenkunapas qollqellapaqmi yachachikunku, profetakunapas qollqellapaqmi profetizanku, Tayta Diosman hapipakuq tukuspankum kaynata ninku: Diosmi ñoqanchikwan kachkan, manam ima sasachakuypas chayamuwasunchu, nispanku.

Miqueas 5:4

Hinaptinmi chay rey hatarispan Tayta Diospa atiyninwan paykunata michinqa, paykunañataqmi hawka kawsakunqaku, Tukuy Atiyniyuq Tayta Dios kay pachapa patankama hatunchasqa kasqanrayku.

Miqueas 7:14

Dios Taytalláy, sumaq pastokunapa kananpiyá llaqtaykita ovejakunata hina michikuy, orqokunapi montekunapi sapallan puriq ovejaykikunata, ñawpaq tiempokunapi hinayá Basán lawpi chaynataq Galaad lawpi paykunata michikuy.

Zacarías 11:17

¡Imallapiraq rikukunqa michisqan ovejakunata saqeruq mana valeq michiq! Makinpas espadawan kuchusqa kachun, alleq ñawinpas espadawan tuksisqa kachun. Chayna runapaqqa makinpas chakiruchun, alleq ñawinpas ñawsayaruchun.

Malaquías 1:10

¡Ima allinraq kanman templopa punkunta hukkaqnikichik wichqaruptinqa, chaynapi amaña pipas yanqapaq altarniypi ninata ratachinanpaq! Manañam qamkunawanqa kusisqañachu kani, nitaqmi ofrendaykichiktapas chaskisqaykichikñachu.

Números 18:7

Altarpi ruwanakunatawan “Chuyay-chuyay” lugarpi ruwanakunatam ichaqa qanwan churikikunalla ruwankichik. Sacerdote kaynikichikqa qamkunallapaqmi, chay llamkaytam qamkunaman qoykichik. Pipas mana sacerdote kachkaspa ruwanaykichikta ruwaqqa wañuchisqam kanqa, nispa.

Lucas 12:32

Ovejallaykuna, aslla kaspapas amayá manchakuychikchu, Dios Taytaykichikmi kuyasuspaykichik munaychakuyninta qoykusunkichik.

Hechos 20:29

Yachanim, ñoqa pasakuptiyqa pantachikuqkuna hamunanta, paykunam yarqasqa atoqkuna hina, iñiqkunata chinkarachiyta munanqaku.

Hechos 21:13

Pabloñataqmi nirqa: ¿Imanasqataq waqaspaykichik llaki-chiwankichik? Manam watasqa kanallaypaqchu kachkani, ñoqaqa chayllam kachkani Señor Jesucristorayku Jeru-salenpi wañunaypaqpas, nispa.

Romanos 1:15

Chayraykum Roma llaqtaykichikpipas llumpayta munachkani Jesucristomanta allin noticiakuna willaykuyta.

1~Corintios 9:7

¿Pitaq soldado kanman kikinmanta gastakuspan? ¿Pitaq uvasta tarpuspa mana rurunta mikunmanchu? ¿Pitaq ovejata uywachkaspan mana lechenta tomanmanchu?

1~Timoteo 3:3

upyakuykunapi mana purikuqmi, peleollapi mana purikuqmi, pacienciakuqmi, mana atipanakuqmi, qollqellaman mana qokuruqmi.

1~Timoteo 3:8

Diaconokunapas kananku allin respetana runakunam, mana yanqakuna rimaqkunam, tomaykunapi mana purikuqkunam hinaspa mana yanqamanta qollqe ganay munaqkunam.

Tito 1:11

Chayna runakunataqa upallachinapunim, paykunaqa yanqamanta qollqella ganayta munaspankum pantaykunata yachachispanku achka ayllukunataña chaqwarunku.

Tito 1:7

Iglesiapi nanachikuq ancianoqa Diospa mayordomon kasqanraykum kanan: Mana pipapas anyanan, mana hatun tukuq, mana piñakuq, upyaypi mana purikuq, mana piwanpas peleakuq, mana qollqella kuyaq.

Tito 2:14

Paymi ñoqanchikrayku wañupuwarqanchik, tukuy mana allinkunamanta librawananchikpaq chaynataq huchanchikmanta chuyanchaykuwaspanchik llaqtantaña ruwaykuwananchikpaq, chaynapi allin kaqkunallataña ruway munaq kananchikpaq.

Tito 3:1

Iñiqkunatayá yuyarichiy, kamachikuqkunaman, autoridadkunaman sujetakunankupaq, kasukuqyá kachunku, allinkuna ruwayta chaylla ruwachunku.

Filemón 1:14

Ichaqa manam imatapas ruwaymanchu mana simikiwanqa, chaynapi allin ruwasqaykiqa mana obligasqa kaspa sonqoykimanta kananpaq.

Hebreos 12:15

Cuidakuychikyá, yanqañataq Diospa kuyapayakuyninta mana haypawaqchikchu, chaynapi qatqe sachapa sapin hina wiñaspa achkaqta chaqwaspan lliwta qatqeyarachisunkichikman.

2~Pedro 2:3

Qollqe ganakuyta munas-pankum, allin yachachikuq tukuspanku qamkunamanta negociota ruwakunqaku, paykunaqa ñawpaqmantaraqmi senten-ciasqaña kachkanku, chaylla chinka-runankupaq.