1~Pedro 4:7 - CHUYA QELLQA La Biblia en Quechua de Ayacucho 2012

⁷ Tukuy imapa puchukayninmi hich-pallaña kachkan, chaynaqa rikchan-llayá kaychik, amataq Diosta mañakuytapas qonqaychikchu.

Quechua Ayacucho Bible 1987

⁷ Tukuy imapa puchukayninmi hichpallaña kachkan, chaynaqa allinta piensarispayá ama qonqaspa Diosta mañakuychik.

Chuya Qellqa 1992

⁷ Tukuy imapa puchukayninmi hichpallaña kachkan, chaynaqa rikchan-rikchanllayá kaychik, amataq Diosta mañakuytapas qonqaychikchu.

1~Pedro 4:7 Iomraidhean Croise

Génesis 19:35

Chay tutapas taytankuta sinkarachiptinkum sullka kaqñataq paywan puñururqa, taytanmi ichaqa mana musyakurqachu churin ustuykusqanta nitaq hatarisqantapas.

Génesis 6:13

Chaymi Noeyta Dios nirqa: Kunanmi tantearuni llapa runakuna chinkachiyta, paykunapa huchanmantam kay pacha kaynaniraq tarikun. Chaynaqa, kay pachamantam puchukachisaq.

Eclesiastés 7:2

Convido wasiman rinamantaqa wañuchikuqpa wasinman riymi aswan allinqa, runakunapa tukupayninqa wañuymi chaytam kawsaqkunaqa yuyarinanku.

Jeremías 5:31

Profetakunam llullata profetizanku, sacerdotekunam munayninkuman hina kamachikunku, runaykunañataqmi paykunaman hapipakunku. Ichaqa, ¿imatataq tukupay punchaw chayamuptin ruwankichik?

Ezequiel 7:6

¡Tukupaymi hamuchkan! ¡Contraykipim hatariramun! ¡Cheqap-tapunim puchukanayki punchaw chayamuchkanña!

Mateo 24:42

Chaynaqa, rikchan-rikchanllayá kaychik, qamkunaqa manam yachankichikchu ima punchawmi Señornikichik kutimunantaqa.

Mateo 25:13

Chaynaqa, rikchan-rikchanllayá kaychik, manam yachankichikchu ima punchawmi otaq imay horatam runapa Churin hamunantapas, nispa.

Lucas 21:34

Allintayá cuidakuychik, amayá vicio-kunawan, machakuykunawan hinaspa kay pachapi imamantapas afanakuykunawan sonqoykichikta rumiyarachiychikchu, yanqañataq chay punchawqa qonqayta chayaramusunkichikman.

Lucas 21:36

Rik-chapalla kaspayá tukuy tiempopi mañakuychik, tukuy kaykuna hamuqmanta lluptinaykichikpaq, chaynapi runapa Churinpa qayllanman yaykunaykichikpaq.

Lucas 22:46

Chaymi paykunata nirqa: ¿Imanasqataq puñuchkankichik? Hatariychik, Diosta mañakuychik tentacionman ama wichinaykichikpaq, nispa.

Romanos 12:12

suyasqaykichikpiyá kusikuychik, ñakarispapas pacienciakuychik, tukuy tiempo Diosta mañakuychik.

1~Corintios 15:24

Chaymantañam tukupay tiempo chayamunqa, chay tiempopiqa Cristom llapallan atiyniyuqkunata, munayniyuqkunata hinaspa autoridadkunata chinkarachinqa, hinaspam munaychakuyninta Dios Taytanmanña qoykunqa.

1~Corintios 7:29

Wawqe-panikuna, kaytam niyta munaykichik, manañam tiempo kanñachu, chaymi kunanmantaqa casadokunapas mana warmiyuqpas kanman hinaña kawsananku.

Efesios 6:18

Chuya Espiritupa yanapakuyninwanyá Diosta mañakuychik tukuy tiempo hinaspa rikchan-rikchanlla kaychik, ama hukmanyaspa llapallan iñiqkunapaqpas Diosta mañapuychik,

Filipenses 4:5

Lliw runakunawanyá reqsichikuychik kuyakuq sonqo kasqaykichikta. Señorninchikpa kutimunanqa hichpallañam kachkan.

Colosenses 4:2

Ama pisipaspayá Diosta mañakuychik, rikchan-rikchanlla kaspayá graciasta qoychik.

2~Timoteo 4:5

Qamyá ichaqa tukuy imapi allin yuyayniyuq kay, sasachakuytapas aguantaspa allin noticiata willakuy chaynata ruwaspaykiyá llamkaynikita cumpliy.

Tito 2:12

Diospa kuyakuyninmi yachachiwanchik, mana allinkunata saqespa hinaspa aychapa munayninta saqespa, chaynapi allin yuyaymanaywan, allin ruwaywan hinaspa Diospa munasqanman hinaña kay pachapi kawsananchikpaq.

Hebreos 10:25

Wakinkunapa costumbrenman hinaqa amayá huñunakuyman riytaqa saqesunchu, aswanqa Señorpa chaylla kutimunanta yachachkaspaqa kallpanchanakusunyá.

Hebreos 9:26

Chayna kanan kaptinqa kay pacha unanchasqa kasqanmantachiki Cristoqa achka kutita ñakarinman karqa. Kunanqa tiempokuna cumplikuruptinmi rikuriramuspa Cristoqa kikillanmanta huk kutillata wañurqa huchakunata chinkachinanpaq.

1~Pedro 1:13

Chaynaqa, listolla kaspayá imam ruwanaykichikmanta sumaqta yuyaymanaychik, rikchan-rikchanllayá kaychik Jesucristo rikurimuptin Diospa kuyakuyninman hina imam qosunaykichikta tukuy sonqoykichikwan suyaspa.

1~Pedro 3:7

Qosakuna, qamkunapas warmiki-chikwanyá allinta kawsaychik, yachay-wanyá paykunawanqa kawsaychik, chaylla pakiruq vasota hinayá cuidaychik, hanaq pachapi herencia chaskiqmasikichikta hinayá nanachikuychik, chaynapi mañakusqaykichikta Dios uyarisunaykichikpaq.

1~Pedro 5:8

Allin yuyayniyuq hinaspa rikchapallayá kaychik, enemigoykichik diabloqa yarqasqa león hinam mu-yuriqnikichikpi purichkan pitapas millpurunanpaq.

Apocalipsis 16:15

Ñoqaqa qonqayllatam suwa hina kutiramusaq. Mayna kusisqam rikchan-rikchanlla kaqqa chaynataq pachanku waqaychaqkunapas, chaynapi mana qalalla purinankupaq nitaq penqayninkupas rikukunanpaq.