1~Pedro 4:3 - CHUYA QELLQA La Biblia en Quechua de Ayacucho 2012

³ Qamkunaqa unay tiempoñam huchallikurqankichik Diospi mana iñiqkunapa munasqan-ta ruwaspaykichik, kawsaynikichikpi mana controlakuspa, mana allin munaykunapi, upyakuykunapi, fiesta ruwaykunapi hinaspa leypa contranpi millakuypaq idolokuna yupaychaykunapi purispaykichik.

Quechua Ayacucho Bible 1987

³ Ñam achkataña huchallikurqankichik pasaq tiempokunapi Diospi mana iñiqkunapa munasqanta ruraspaykichik, chay tiempopiqa qamkunam kawsarqankichik mana controlakuspa, mana allin munaykunapi, tomakuykunapi, fiesta ruraykunapi hinaspa leypa contranpi taytacha-mamacha adoraykunapi.

Chuya Qellqa 1992

³ Qamkunaqa unay tiempoñam huchallikurqankichik Diospi mana iñiqkunapa munasqanta ruwaspaykichik, kawsaynikichikpi mana controlakuspa, mana allin munaykunapi, upyakuykunapi, fiesta ruwaykunapi hinaspa leypa contranpi millakuypaq idolokuna yupaychaykunapi purispaykichik.

1~Pedro 4:3 Iomraidhean Croise

2~Samuel 13:28

Hinaspam serviqninkunata kamachirqa: Amnontam allinta qawankichik, sinkaña kachkaptinmi wañurachinaykichikpaq kamachisqaykichik, hinaptinmi ama manchakuspa wañuchinkichik, ñoqam kamachikichik, kallpanchakuspa qarinchakuychik, nispa.

1~Reyes 21:26

Idolokunata qatispam millakuypaq huchakunata ruwarqa, amorreokunapa ruwasqanta hinam ruwarqa. Paykunatam Israelpa mirayninkunapa qayllanmanta Tayta Dios wischururqa.

2~Crónicas 15:8

Profeta Azariaspa nisqanta Asa uyariykuspanmi kallpanchakururqa, hinaspam Judá lawpipas chaynataq Benjamín lawpipas millakuypaq idolokunata ñuturachirqa. Ñuturachirqataqmi Efraín law orqokunapi idolokunatawan hapikuykusqan llaqtakunapi idolokunatapas. Allichachirqataqmi Tayta Diospa templonpa ñawpaqninpi kaq altartapas.

Isaías 28:7

Ichaqa paykunam vinota upyasqankurayku pantarunku, poqosqa aqata upyaspam tamsakachanku. Sacerdotewan profetapas poqosqa aqawan machaspam tampikachanku, paykunaqa visión rikusqankutam qewirunku, quejapi sentenciaspam pantarunku.

Isaías 5:11

¡Ay, imaynaraq kankichik, tutapayta hatarispa upyakuqkuna! ¡Ay, imaynaraq kankichik, sinchi tutakama machakuqkuna!

Isaías 65:4

Paykunaqa sepulturakunapim tiyanku, pakasqa machaykunapim achikyanku, kuchi aychatam mikunku, mankankupipas millakuypaq caldokunatam yanunku.

Jeremías 16:11

Chaymi ñoqa Tayta Diospa nisqayta kaynata ninki: Ñawpaq taytaykichikkunam saqeruwaspanku idolokunataña qatirqaku, chaykunatam qayllanpi qonqoraspanku yupaycharqaku. Ñoqata saqeruwaspankum kamachikuyniykunatapas mana kasukurqakuchu.

Jeremías 16:18

Puntataqa mana allinkunata ruwaspa huchallikusqankumantam mirayniyuqta pagapusaq. Paykunaqa wañusqa idolokunawanmi allpayta millakuypaqta ruwarunku, millakuypaqta huchallikusqankuwanmi herenciankupaq qosqay allpata qanracharunku, nispay.

Ezequiel 44:6

Mana kasukuq Israel nacionta niy: Tayta Diosmi kaynata nin: Israelpa mirayninkuna, millakuypaq kaqkuna ruwayta saqeychik.

Ezequiel 45:9

Ñoqa Tayta Diosmi kaynata nini: Israel nacionpi kamachikuqkuna, amaña llaqtayta ñakarichiychikchu, nitaq allpankutapas qechuychikchu. Qamkunaqa ama pimanpas sayapakuspa allin arreglota ruwaychik. Amaña llaqtaypa allpanta suwakuychikchu. Ñoqa Tayta Diosmi chaynata nini.

Marcos 7:22

waqllikuykuna, imatañapas munapayaykuna, mana allin ruwaykuna, engañakuykuna, vicioman qokuruykuna, envidiakuykuna, cuento qepi kaykuna, hatun tukuykuna, mana allin tanteaykuna.

Hechos 17:30

Ñawpaq tiempokunapim runakunapa huchallikusqanta Dios pacienciakurqa, kunanmi ichaqa kay pachapi llapallan runakunata huchankumanta wanakunankupaq kamachin.

Romanos 13:13

Hinaspa achkiypi purichkaq hina kawsasun: Ama mikukuyllapichu, sinkakuyllapichu, hukwan-hukwan tupakuyllapichu, liryanakuyllapichu nitaq envidianakuyllapichu.

1~Corintios 12:2

Qamkunaqa yachankichikmi, manaraq iñikuchkaspaykichikqa mana rimaq idolokunamanmi ñawsa hina aysasqa karqankichik.

1~Corintios 6:11

Chaynam wakiqnikichikpas ñawpaqtaqa karqankichik, kunanmi ichaqa mayllasqaña hinaspa pampachasqaña kachkankichik, Señor Jesuspa sutinpi chaynataq Diosninchikpa Espiritunpa yanapakuyninwan mana huchayuqpaqña chaskisqa kanaykichikpaq.

2~Corintios 12:21

Manchakuchkanitaqmi huktawan hamuptiy Diosniy qamku-napa rantikichikpi penqayman churawananmanta, chaynata tariykamuspayqa waqasaqchá. Ñawpaqmantaraqmi mana wanakuspa hinallaraq huchallikuchkankichik. Qamkunaqa manaraqmi wanakunkichikraqchu qanra vidaykichikmanta, waqllikuymanta hinaspa viciokunapi puriykunamantapas.

Gálatas 5:19

Suti reqsiyllam aychapa munayninkunaqa, chayqa kaykunam: Waqllikuykuna, uywanakuykuna, millakuypaq ruwaykuna, manaña penqarikuspa qanrakuykuna,

Gálatas 5:21

hukpa kaqnin munapayaykuna, (wañuchinakuykuna), upyakuykuna, mikuysapa kaykuna hinaspa chaykunaman rikchakuq tukuy rikchaq huchakuna. Ñawpaq nisqaytam huktawan nimuykichik: Chayna huchakuna ruwaqkunaqa manam Diospa munaychakusqanmanqa yaykunqakuchu.

Efesios 5:18

Amayá vinowanqa sinkakuychikchu, chayqa viciokunamanmi apakun, aswanqa Chuya Espiritupa huntasqanyá kaychik.

1~Tesalonicenses 4:5

Amayá aychaykichikpa mana allinkuna munaynintaqa ruwaychikchu, Diosta mana reqsiq runakuna hinaqa.

Tito 3:3

Ñawpaqtaqa ñoqanchikpas karqanchik, mana yuyayniyuqmi hinaspa mana kasukuqmi, pantaypi kaspam aychapa munayninkunapi chaynataq tukuy imaymana viciokunapa apasqan karqanchik, mana allinllapi yuyaymanaspam envidiakuspa kawsarqanchik, cheq-nichikuspam kikinchikpurapas cheq-ninakurqanchik.

1~Pedro 1:14

Kasukuq churinkuna hinayá kawsaychik, amañayá Diosta manaraq reqsispa ñawpaq vidaykichikpi hinaqa kawsaychikchu.

Judas 1:4

Wakin ru-nakunam mana musyachikuspalla yaykuramunku, paykunapa condenasqa kanankumantaqa Qellqapas ñawpaqmantaraqmi nirqaña. Paykunaqa Diostapas manam yupaychankuchu, Diosninchikpa kuyakuyninpi kawsaytapas qanra vidapi purikuymanñam tikrarunku. Paykunaqa munaychakuq sapallan Señorninchik Jesucristotapas negankum.