1~Pedro 4:14 - CHUYA QELLQA La Biblia en Quechua de Ayacucho 2012

¹⁴ Mayna kusisqam kankichik, Jesu-cristorayku insultasuptikichikqa, qam-kunapim sumaq kanchariq Diospa Espiritun sapa punchaw kachkan.

Quechua Ayacucho Bible 1987

¹⁴ Cristorayku insultasuptikichikqa mayna kusisqam kankichik sumaq kanchariq Diospa Espiritun qamkunapi kasqanrayku.

Chuya Qellqa 1992

¹⁴ Mayna kusisqam kankichik, Jesucristorayku insultasuptikichikqa, qamkunapim sumaq kanchariq Diospa Espiritun sapa punchaw kachkan.

1~Pedro 4:14 Iomraidhean Croise

1~Reyes 10:8

¡Mayna kusisqam warmikikunaqa chaynataq ñawpaqnikipi tukuy tiempo yachayniki uyariq serviqnikikunaqa!

2~Reyes 2:15

Jericó llaqtapi kaq profetakunañataqmi waklaw chimpamanta qawamuspanku ninakurqaku: Eliaspa espiritunmi Eliseopiña kachkan, nispanku. Chaymi Eliseoman taripaspanku ñawpaqninpi qonqoranpa kumuykurqaku.

Isaías 11:2

Paymanmi Espiritunwan Tayta Dios huntaykunqa: Yuyayniyuq chaynataq yachayniyuq Espiritunwan, atiyniyuq chaynataq allin consejakuq Espiritunwan, yachayniyuq chaynataq Diosta kasukuq Espiritunwan.

Isaías 25:8

Tayta Diosmi wañuyta wiñaypaq chinkachinqa, lliw runapa weqentam pichanqa, llaqtanpa penqaypi kasqantam kay pachamanta chinkachinqa. Tayta Diosmi chaynata nin.

Isaías 51:7

Allin ruwayta yachaqkuna, yachachikuyniyta sonqoykichikpi hatalliqkuna uyariwaychik: Runakuna kamisuptikichikpas ama hukmanyaychikchu, usuchisuptikichikpas ama llakikuychikchu.

Mateo 5:11

Mayna kusisqam kankichik ñoqa-rayku kamisuptikichik, ñakarichi-suptikichik hinaspa contraykichikpi llullakunata rimaptinkuqa.

Mateo 5:16

Chaynayá qamkunapas runakunapa qayllanpi achkiychik, chaynapi allin ruwasqaykichikta qawaspanku hanaq pachapi kaq Taytaykichikta yupaychanankupaq.

Lucas 6:22

Mayna kusisqam kankichik runapa Churinrayku, cheqnisqa, qarqosqa, kamisqa hinaspa sutikichiktapas mana kaqpaq hapiptinkuqa.

Juan 15:21

Tukuy chaykunataqa ñoqaraykum ruwasunkichik, kachamuwaqniyta mana reqsisqankurayku.

Juan 8:48

Judiokunam Jesusta nirqaku: Imam kaqmantam nikiku “qamqa Samaria law” runa kasqaykimanta hinaspa demonioyuq kasqaykimanta, nispayku.

Juan 9:28

Chaynata niptinmi insultaspanku nirqaku: Qanmi discipulonqa kanki, ñoqaykuqa Moisespa discipulonkunam kaniku.

Juan 9:34

Chaymi judiokunañataq nirqaku: Qamqa huchapa huntasqan nacechkaspachu, ¿ñoqaykutaraq yachachiwaykuta munachkanki? nispanku. Chaynata niruspankum sinagogamanta qarqorurqaku.

Hechos 13:45

Achka-achka runata rikuruspankum llapa judiokunañataq envidiakuspanku Pablopa yachachisqanpa contranpi rimaspanku insultaspa ñakarqaku.

Hechos 18:6

Chay judiokunam ichaqa Pablopa contranpi hatarispanku imaymanata rimarqaku, hinaptinmi Pabloñataq pachantapas taspispanraq nirqa: Wiñaypaq wañuyman wichispaqa kikikichikmi huchayuq kankichik, manam ñoqachu. Kunanmantaqa mana judío kaqkunamanñam willakuq risaq, nispa.

Hechos 28:22

Ichaqa imam piensasqaykitam uyariyta munaniku, ñoqaykuqa yachanikum tukuy hinastinpi iñiqkunapa contranpi rimasqankuta, nispanku.

Hechos 5:41

Chaymi apostolkuna llumpay kusisqallaña juzgaqninkunapa qayllanmanta lloqsirqaku, Jesucristorayku ñakarinankupaq Diospa akllasqa kasqankumanta.

2~Corintios 12:10

Chayraykum kusisqa kani mana kallpayuq kaspaypas, kamisqa kaspaypas, mana imayuq kaspaypas, ñakarichisqa kaspaypas hinaspa sasachakuykunapi kaspaypas. Mana kallpayuq kachkaspaypas aswan kallpayuqraqmi rikuriykuni.

2~Corintios 4:10

Maytaña rispaykupas cuerpoykupi ñakarispam Jesuspa wañusqanta apaniku, chaynapi Jesuspa kawsasqanqa cuerpoykupi qawachikusqa kananpaq.

2~Corintios 4:16

Chaymi mana hukmanyanikuchu, cuerpoyku machuyaptinpas espirituykuqa aswanmi sapa punchaw musoqyachkan.

Gálatas 1:24

Chayta yacharuspankum, ñoqamanta Diosta hatuncharqaku.

Hebreos 11:26

Egipto runakunapa tukuy ima kapuqninkunamantapas astawanqa Cristorayku ñakarisqa kaytam qori-qollqeta hina akllakuykurqa, chaynataqa ruwarqa Diospa qokuyninta chaskiyta munaspanmi.

Santiago 1:12

Mayna kusisqam sasachakuykuna hamuptin pacienciakuq runaqa. Payqa chay sasachakuykunata venceruspanmi wiñay kawsay coronata chaskinqa. Chaytam Dios prometekurqa haykam kuyaqninkunaman qonanpaq.

Santiago 5:11

Ñoqanchikqa ñakarispa pacienciakuqkunataqa kusi-kuyniyuqpaqmi hapinchik. Uyarirqan-kichikmi Job sutiyuq runapa pacien-cianmanta, yachankichiktaqmi ñaka-riyninkuna tukuruptin Señorqa paywan imam ruwasqanmantapas, Señorqa kuyapayakuqmi hinaspa llakipayakuqmi.

1~Pedro 2:12

Diosta mana reqsiqkunapa qayllanpiyá allinta kawsaychik, chaynapim hucha ruwaqmanta hina contraykichikpi rimachkaspankupas allin ruwasqaykichikta qawaspanku, Diospa cuenta mañaq hamusqan punchawpi payta yupaychanqaku.

1~Pedro 3:14

Allin ruwasqaykichikmanta ñakarispaqa mayna kusisqam kankichik, amayá pitapas manchakuychikchu nitaq hukmanyaychikchu.

1~Pedro 3:16

Ichaqa llampu sonqowan hinaspa respetowan ruwaychik, Cristopi iñiqkuna hina allinta kawsaychik, chaynapi allin kawsasqaykichikmanta mana allin rimaqkuna kikinku penqaypi kanankupaq.

1~Pedro 4:16

Sichum pipas Cristopi iñikuq kasqanmanta ñakarispaqa amayá penqakuchunchu, aswanqa Diostayá hatunchachun.

2~Pedro 2:2

Achkam qatinqaku payku-napa qanra vidankuta, paykunaraykum runakunapas cheqap ñanpa contranpi rimanqaku.