1~Pedro 4:11 - CHUYA QELLQA La Biblia en Quechua de Ayacucho 2012

¹¹ Pipas rimaspaqa Diospa palabranman hinayá rimachun, pipas yanapaspaqa Diospa atiy qosqanman hinayá yana-pachun, tukuy ruwasqaykichikqa Jesu-cristopi Dios alabasqa kananpaqyá kachun. Diosqa atiyniyuq kasqanraykuyá wiña-wiñaypaq qapaqchasqa kachun. Amén.

Quechua Ayacucho Bible 1987

¹¹ Pipas rimaspaqa Diospa palabranman hinayá rimachun, pipas yanapaspaqa Diospa qosqanman hinayá yanapachun, tukuy rurasqaykichikqa kachun Jesucristopi Dios alabasqa kananpaqyá. Diosqa atiyniyoq kasqanraykuyá alabasqa kachun wiña-wiñaypaq. Amen.

Chuya Qellqa 1992

¹¹ Pipas rimaspaqa Diospa palabranman hinayá rimachun, pipas yanapaspaqa Diospa atiy qosqanman hinayá yanapachun, tukuy ruwasqaykichikqa Jesucristopi Dios alabasqa kananpaqyá kachun. Diosqa atiyniyuq kasqanraykuyá wiña-wiñaypaq qapaqchasqa kachun. Amén.

1~Pedro 4:11 Iomraidhean Croise

Isaías 8:20

¡Manam chaynataqa ruwanaychikchu! Aswanqa Diospa yachachikuynintayá tapukuychik, Diospa kamachikuynintayá tapukuychik. Chaykunaman hina mana rimaspankuqa tutayayllapiraqmi kachkanku.

Jeremías 23:22

Ñoqapa qayllaypi kaspankuqa llaqtaymancha palabraykunata willanmanku karqa; mana allin kawsayninkumantawan mana allin ruwayninkumanta wanakunankupaqchá willanmanku karqa.

Daniel 4:3

¡Mayna allinmi paypa milagronkunaqa! ¡Hatu-hatunmi admirakuypaq ruwasqankunaqa! Munaychakuyninpas wiña-wiñaypaqmi takyan, payqa runakunapa mirayninpim munaychakun.

Daniel 4:34

Chay sentenciawasqan tiempo cumplikuruptinmi ñoqa Nabucodonosor alto cielota qawarirqani, hinaptinmi yuyayniy huktawan kutiykuwarqa. Chaymi tukuy imapa hawanpi munaychakuq Diosta hatuncharqani, wiña-wiñaypaq kawsaq Diostam yupaycharqani, wiña-wiñaypaq Diosmanmi graciasta qorqani, paypa munaychakusqanqa wiña-wiñaypaqmi takyan, payqa runapa lliw mirayninkunapim munaychakun.

Daniel 7:14

Chaymi payman atiyta, ancha reqsisqa kayta, munaychakuyta qoykurqaku; chaynapi llaqtakuna, nacionkuna, rikchaqmana rimayniyuqkuna payta servinankupaq. Paypa munaychakuyninqa wiña-wiñaypaq mana tukuqmi, kamachikuyninpas mana haykapipas chinkaqmi.

Mateo 6:13

Amayá tentacionmanqa kachaykuwaykuchu, aswanqa mana allinmanta libraykuwayku. [Qampam munaychakuypas, atiypas, hatun kaypas wiña-wiñaypaq. Amén].

Juan 13:31

Judas lloqsiruptinmi Jesús nirqa: Kunanmi hatunchasqa kanqa runapa Churinqa, paypitaqmi Diospa hatunchakuyninpas qawachikunqa.

Hechos 7:38

Kay Moisesmi chunniqpi huñunakuypi ñawpaq taytanchikkunawanpas karqa, paymi Sinaí orqopi rimapayaqnin angelwanpas karqa. Paytaqmi kawsananchikpaq palabrakunatapas chaskipuwarqanchik.

Romanos 11:36

Tukuy imapas Diosmantam hamun, pay kaptinmi, paypaqtaqmi tukuy imapas kachkan. Payllayá wiña-wiñaypaq qapaqchasqa kachun. Amén.

Romanos 12:3

Yachachinaypaq Dios churaykuwas-qanman hinam nimuykichik: Amayá pipas kikillanmantaqa hatun tukuspaqa piensachunchu. Aswanqa allinta yuyay-manaspayá sapakama tanteaychik, imaynam sapakamaman Diospa iñiy qosusqaykichikman hina.

Romanos 16:27

¡Sapallan yachayniyuq Diosmanyá Jesucristontakama wiña-wiñaypaq hatunchay kachun! Amén.

Romanos 3:2

Arí, allinpunim. Puntataqa judiokunamanmi Diospa palabran qomusqa karqa.

1~Corintios 10:31

Mikuspapas tomaspapas otaq imataña ruwaspapas llapantayá Dios hatunchasqa kananpaq ruwaychik.

1~Corintios 12:4

Tukuy rikchaq atiykunam kan, Espiritum ichaqa hina kaqlla.

1~Corintios 3:10

Ñoqaqa Diospa qowasqan kuyakuywanmi maestro albañil hina kani, hinaptinmi ñoqa cimientota churarqani hukñataqmi chaypa hawanman perqan, chay perqaqkunaqa sapakamam imam perqasqankuta cuidadowan ruwananku.

1~Corintios 6:20

Diosmi preciowan rantisurqankichik, chaynaqa cuerpoykichikwanyá Diosta hatunchaychik.

2~Corintios 2:17

Ñoqaykuqa manam wakinkuna hinachu Diospa palabran willakusqaykuwan negociota ruwaniku. Aswanqa Cristopi kaspam cheqapta rimaniku Diospa qayllanpi hinaspa paypa kachasqankuna hina.

2~Corintios 9:13

Kay yanapakuywanmi runa-kunaman allin noticiata chaskispa kasukusqaykichikta qawachinkichik, chaymi paykunapas Diosta yupaychanqaku. Yupaychanqakutaqmi paykunapaqwan llapallan runakunapaq ofrenda qosqaykichikmantapas.

Efesios 1:19

Mañakuchkanitaqmi Diospa mana imawanpas tupachiy atina atiyninmanta yachanaykichikpaqpas, chay atiyninwanmi Diosqa iñiqkunata kallpanchawanchik, chay atiynintam Diosqa sinchi kallpanwan qawachikurqa.

Efesios 4:29

Rimaspaykichikqa amayá qacha simichu kaychik, aswanqa allin kaq-kunallatayá rimaychik, chaynapi uya-riqnikichikkunapa allinninpaq kap-tin iñiyninkupi aswan-aswan wiñanan-kupaq.

Efesios 5:20

Tu-kuy imamantayá Señorninchik Jesu-cristopa sutinpi Dios Taytaman graciasta qoychik.

Efesios 6:10

Chaynaqa, wawqe-panillaykuna, Señorninchikpa tukuy atiyninpi kallpanchakuychik.

Filipenses 1:11

Jesu-cristom yanapasuchkankichik allin ruruchkaq sacha hina allinkunata rurunaykichikpaq, chaynapi Diosta yupaychaspa hatunchanaykichikpaq.

Filipenses 2:11

Llapallan runakunapas “Jesucristoqa Señormi” nispam ninqaku, chaynataqa ninqaku Dios Tayta hatunchasqa kananpaqmi.

Colosenses 4:6

Rimasqaykichikpas kachiwan kachichasqa hinayá kachun, chaynapim yachankichik sapakamaman imaynam contestayta.

1~Tesalonicenses 2:4

Chaynapim Diosqa allinpaq chaskiwaspanku allin noticiata willakunaykupaq churawarqaku, chaymi willakuchkaniku. Manam runakunapa munasqan ruwaytachu munachkaniku, aswanqa Diospa munasqantam, paymi sonqoyku pruebaqqa.

1~Timoteo 1:17

Chayraykuyá Diosta yupaychaspa hatunchasun wiña-wiñaypaq. Payqa mana wañuq kaspam wiña-wiñaypaq munaychakuchkan, payqa mana rikuy atina chullalla Diosmi. Amén.

1~Timoteo 6:16

Payllam mana wañuqqa, mana asuykuy atina kanchariq achkiypim kawsakun, manam pipas rikurqachu nitaqmi rikuyta atinmanchu. Payllam llumpay atiyniyuqqa, chaynaqa wiña-wiñaypaqyá yupaychasqa kachun. Amén.

Tito 2:1

Qamqa cheqap yachachikuyman hinayá yachachiy.

Tito 2:15

Tukuy kaykunatam yachachinayki, kallpanchaspa, mana kasukuqkunata atiywan anyaspa. Amayá piwanpas pen-qaypiqa kaychu.

Hebreos 13:7

Diospa palabranta yachachispa puntaman pusasuqnikichik michiqnikichikkunatayá yuyariychik. Imaynam kawsasqankuta qawarispayá iñiyninkuta qatipakuychik.

Hebreos 5:12

Qamkunaqa unayña iñisqaykichikrayku hukkunamanpas yachachinaykichikña kachkaptinmi, qallariyninpi Diosmanta yachachikuy kaqkunallataraq huktawan uyariyta munachkankichik. Qamkunaqa wawakuna hinam lechellamantaraq kachkankichik, manaraqmi yuyayniyuq runakunapa mikunantaqa mikuwaqchikchu.

Santiago 1:19

Kuyasqay wawqe-panillaykuna, qamkunaqa chaylla uyariqyá kaychik, allinta tanteaspayá rimaychikpas, amataqyá piñakuqllañaqa kaychikchu.

Santiago 1:26

Sichum pipas Dios yupaychaq kasqanpaq hapikuchkaspa, rimasqantañataq mana controlakuq runaqa, kikintam engañakuchkan, Diosta yupaychasqanpas yanqapaqmi kanqa.

1~Pedro 2:12

Diosta mana reqsiqkunapa qayllanpiyá allinta kawsaychik, chaynapim hucha ruwaqmanta hina contraykichikpi rimachkaspankupas allin ruwasqaykichikta qawaspanku, Diospa cuenta mañaq hamusqan punchawpi payta yupaychanqaku.

1~Pedro 2:5

Qamkunapas kawsaq rumi hinam kachkankichik. Diosmi qamkunawan rumiwan perqachkaq hina mana rikuy atina templota ruwachkan, chaynapi sacerdotekunaña kaspa Jesucristontakama mana rikuy atina sacrificiokunata Diosman ofrecenaykichikpaq.

1~Pedro 4:10

Sapakamayá Diospa atiynin chaskisqaykichikman hina yanapanakuychik, Diospa tukuy rikchaq kuyaykuyninmanta nanachikuq allin mayordomokuna hina.

1~Pedro 4:16

Sichum pipas Cristopi iñikuq kasqanmanta ñakarispaqa amayá penqakuchunchu, aswanqa Diostayá hatunchachun.

1~Pedro 5:11

Atiyniyuq Diosyá wiña-wiñaypaq hatunchasqa kachun. Amén.

Judas 1:25

Señorninchik Jesucristontakamayá Diosta nisunchik: Yupaychaykikum, qamqa kanki qaynapas kunanpas wiña-wiñaypaq ancha hatunchasqam, ancha atiyniyuqmi, ancha munayniyuqmi, nispa. Amén.