1~Pedro 4:1 - CHUYA QELLQA La Biblia en Quechua de Ayacucho 2012

¹ Imaynam Cristopas ñoqanchikrayku cuerponpi ñakarirqa, chaynayá qamkunapas pay hina ñakarinaykichikpaq listolla kaychik, pipas cuerponpi ñakariqqa huchamantam rakikurunña,

Quechua Ayacucho Bible 1987

¹ Cristom ñakarirqa cuerponpi, chaynam qamkunapas listo kanaykichik ñakarinaykichikpaq, pipas cuerponpi ñakariqqa dejarunñam huchata.

Chuya Qellqa 1992

¹ Imaynam Cristopas ñoqanchikrayku cuerponpi ñakarirqa, chaynayá qamkunapas pay hina ñakarinaykichikpaq listolla kaychik, pipas cuerponpi ñakariqqa huchamantam rakikurunña,

1~Pedro 4:1 Iomraidhean Croise

Isaías 1:16

Mayllakuspa chuyanchakuychik, mana allin ruwaynikichikta qayllaymanta asuchiychik, mana allin ruwaynikichikta saqeychik.

Ezequiel 16:41

Wasikitapas kañaspankum llapa warmikunapa qayllanpi juzgasunki. Chaynapim hukwan-hukwan qanrakuynikita puchukarachisaq, hinaptinmi waynaykikunamanpas manaña pagankiñachu.

Marcos 3:3

Jesusñataqmi chakisqa makiyuq runata nirqa: Hatarispayki kay chawpipi sayay, nispa.

Romanos 6:11

Chaynaqa, qamkunapas huchapaq wañusqaña kasqaykichiktayá hapikuychik, ichaqa Señorninchik Cristo Jesuswan hukllaña kasqaykichikraykum Diosllapaqña kawsankichik.

Romanos 6:2

¡Manapunim! Huchapaq wañu-ruchkaspañaqa, ¿imaynataq huchapiraqqa kawsasun?

Romanos 6:7

Pipas huchapaq wañuruspaqa huchamantam libreña rikurirun.

Gálatas 2:20

Jesucristowan kuskam chakatasqa kachkani, manam ñoqañachu kawsani, aswanqa Cristoñam ñoqapi kawsachkan, kay pachapi kawsaspayqa Diospa Churinman iñikuspallam kawsachkani, paymi kuyawaspan ñoqapa rantiypi wañupuwarqa.

Gálatas 5:24

Haykam Jesucristopiña kaqkunaqa aychapa munasqantaqa, munapayayninkunatawan kuskatam chakatarunchikña.

Efesios 6:13

Chaynaqa, Diospa qosusqaykichik llapallan armankunawanyá pachallikuychik, chaynapi urmachiy munasusqaykichik punchawpi allinta takyanaykichikpaq hinaspa lliwta venceruspaykichik qaqa hina sayanaykichikpaq.

Deuteronomio 27:10

Chaynaqa, kunan willasqay kamachikuykunatawan yachachikuykunatam ruwayman churankichik, nispa.

Filipenses 2:5

Jesucristopa piensasqanman hinayá qamkunapas piensaychik.

Hebreos 12:3

Chaynaqa, Señor Jesuspa ejemplonpiyá yuyaymanaychik, paymi ñakarirqa huchasapa runakunapa kamikuyninta, chaynapi mana pisiparunaykichikpaq nitaq huk-manyarunaykichikpaq.

Hebreos 4:10

Haykam Diospa samay qosqanman yaykuqkunaqa llamkayninkumantam samankuña, imaynam Diospas unanchasqankunata tukuruspan samasqanta hina.

1~Pedro 2:21

Chaypaqmi Diosqa qayasurqankichik, Cristopas qamkunaraykum ñakarirqa, chaynapi paypa ejemplonta qatinaykichikpaq.

1~Pedro 3:18

Chaynataqmi Cristopas huk kutillata huchanchikkunamanta ñakarirqa. Payqa mana huchayuqmi karqa, ichaqa mana allin runakunata Diosman pusa-wananchikpaqmi ñakarirqa. Aychapi wañukuchkaspapas espiritupa yana-pakuyninwanmi kawsarimurqa.