1~Pedro 3:16 - CHUYA QELLQA La Biblia en Quechua de Ayacucho 2012

¹⁶ Ichaqa llampu sonqowan hinaspa respetowan ruwaychik, Cristopi iñiqkuna hina allinta kawsaychik, chaynapi allin kawsasqaykichikmanta mana allin rimaqkuna kikinku penqaypi kanankupaq.

Quechua Ayacucho Bible 1987

¹⁶ Allin concienciayoqyá kawsakuychik chaynapi Cristoman iñisqaykichikrayku contraykichikpi kaqkuna rimasqankumanta huk punchaw penqakunankupaq.

Chuya Qellqa 1992

¹⁶ Ichaqa llampu sonqowan hinaspa respetowan ruwaychik, Cristopi iñiqkuna hina allinta kawsaychik, chaynapi allin kawsasqaykichikmanta mana allin rimaqkuna kikinku penqaypi kanankupaq.

1~Pedro 3:16 Iomraidhean Croise

Daniel 6:4

Chayraykum kamachikuqmasinkunapas hinaspa lliw gobernadorkunapas Danielpa pantasqanta maskarqaku chayman hina acusanankupaq, ichaqa manam ima pantaytapas tarirqakuchu; Danielqa imatapas yachaywanmi ruwarqa.

Mateo 5:11

Mayna kusisqam kankichik ñoqa-rayku kamisuptikichik, ñakarichi-suptikichik hinaspa contraykichikpi llullakunata rimaptinkuqa.

Hechos 24:16

Chayraykum Diospa qayllanpipas hinaspa runakunapa qayllanpipas concienciaypa mana acusasqan kawsakuyta munani.

Hechos 28:22

Ichaqa imam piensasqaykitam uyariyta munaniku, ñoqaykuqa yachanikum tukuy hinastinpi iñiqkunapa contranpi rimasqankuta, nispanku.

Romanos 9:1

Cristopi iñisqayraykum cheqap kaqta rimani, manam llullakunichu. Chuya Espiritupa yanapasqanmi concienciaypas niwan, rimasqayqa cheqap kasqanta.

2~Corintios 1:12

Kaywanmi kusisqa kachkaniku, ñoqaykuqa kay pachapipas chaynataq qayllaykichikpipas allintam kawsarqaniku. Diosmi yanapawarqaku mana engañakuspa payllapaqña kawsanaykupaq, chaynataqa kawsarqaniku manam yachayniyuq kasqaykuraykuchu.

2~Corintios 4:2

Saqerunikuñam pakasqallapi penqaypaq ruwaykunataqa, manataqmi pitapas engañastinchu nitaqmi Diospa palabrantapas qewi-qewirispachu purichkaniku, aswanqa cheqapllatam willakuniku, Diospa qayllanpim recomendakuniku llapa runakunapa concienciaman.

1~Timoteo 1:19

Iñiynikitawan sonqoykitayá allinta takyachiy, wakinqa concienciankuta mana kasuspam yakupi heqepachkaq hina iñiyninkuta chinkarachinku.

1~Timoteo 1:5

Kay kamachikuykunaqa cheqaptapuni kuyanakunanchikpaqmi, chay kuyanakuyqa hamun, chuya sonqomanta, allin concienciayuqmanta hinaspa cheqap iñiyniyuqkunamantam.

2~Timoteo 1:3

Tuta punchawmi qanmanta yuyarispay mañakuyniypi Diosman graciasta qoni, paytam chuya sonqolla servichkani ñawpaq taytaykuna hina.

Tito 2:8

imam kaqta willakuy, contraykipi kaqpas penqakunanpa, chaynapi ñoqanchikmanta mana imatapas rimanankupaq.

Hebreos 13:18

Ñoqaykupaqyá Diosta maña-kuychik, ñoqaykupa sonqoykuqa hawkallam kachkan, tukuy kawsayniykupipas hawkalla kaytataqmi munaniku.

Hebreos 9:14

Chayna kaptinqa, ¡mayna atiyniyuqmi Cristopa yawarninqa! Wiñay kawsaq Chuya Espirituntakamam Cristoqa kikinmanta Diosman ofrecekurqa, pasaypaq mana huchayuq ofrenda hina. Yawarninmi sonqonchikta mayllan wañuyman apawaqninchik mana allin ruwaykunamanta, chaynapi kawsaq Diosta servinanchikpaq.

1~Pedro 2:12

Diosta mana reqsiqkunapa qayllanpiyá allinta kawsaychik, chaynapim hucha ruwaqmanta hina contraykichikpi rimachkaspankupas allin ruwasqaykichikta qawaspanku, Diospa cuenta mañaq hamusqan punchawpi payta yupaychanqaku.

1~Pedro 2:15

Kaymi Diospa munayninqa: Allin kaqta ruwaspa, mana yachayniyuq runakunapa rimasqanta upallachiymi.

1~Pedro 2:19

Pipas Diospa munayninta yachachkaspa, mana kaqmanta ñakarispaqa pacienciakuchun, chayna ruwanatam Diosqa munan.

1~Pedro 3:21

Chay yakum rikchakun bautizakuna yakuman, chaywanmi ñoqanchikpas salvasqa kanchik. Bautis-moqa manam cuerponchiktaqa mayllanchu, aswanqa chuya sonqoyuq kayta Diosmanta mañakuymi, hinaspam Jesucristopa kawsarimusqanwan salvasqa kanchik.

1~Pedro 4:4

Kunanñataqmi payku-napa ruwasqanman manaña huklla-wakuptikichik llakisqallaña kachkan-ku mana allin ruwayninkunapi mana-ña kuskanchakuptikichik, chaymi qam-kunamantaqa mana allintaña rimanku.