1~Pedro 3:15 - CHUYA QELLQA La Biblia en Quechua de Ayacucho 2012

¹⁵ Aswanqa Señorninchik Cristotayá sonqoykichikpi hatunchaychik, hinaspayá tukuy tiempo chaylla kaychik imam iñisqaykichikmanta haykam tapusuqnikichikta tupaqninpi kutichikunaykichikpaq, chaytaqa uchuy-chakuspa hinaspa respetowan ruwaychik.

Quechua Ayacucho Bible 1987

¹⁵ Aswanqa Señorninchik Cristo chuya kasqantayá sonqoykichikwan reqsikuychik, hinaspayá tukuy tiempo listolla kaychik imam creesqaykichikmanta tapusuptikichik clarota contestakunaykichikpaq, chaytaqa ruraychik humillakuspayá hinaspa respetowanyá.

Chuya Qellqa 1992

¹⁵ Aswanqa Señorninchik Cristotayá sonqoykichikpi hatunchaychik, hinaspayá tukuy tiempo chaylla kaychik imam iñisqaykichikmanta haykam tapusuptikichikta tupaqninpi kutichikunaykichikpaq, chaytaqa uchuychakuspa hinaspa respetowan ruwaychik.

1~Pedro 3:15 Iomraidhean Croise

Proverbios 15:28

Allin ruwaq runaqa manaraq rimachkaspam allinta tanteakun, mana allin runam ichaqa siminpa atipasqanta mana allinllata kacharin.

Proverbios 22:21

chaynapi cheqap kaqta yachachisuptiki, pipas tapusuptiki imam kaqta willakunaykipaq. -1-

Isaías 1:18

Tayta Diosqa nintaqmi: Chaynaqa, tanteanakunapaqyá ñoqaman hamuychik, cochinilla hina moradoña huchaykichik kaptinpas ritita hinam yuraqyachisqaykichik, carmesí hina pukay-pukayña huchaykichik kaptinpas yuraq millwata hinam yuraqyachisqaykichik.

Isaías 29:23

aswanqa mirayninkunam llaqtankupi imam ruwasqayta qawaspanku Chuya Dios kasqayta reqsinqaku, hinaspam ñoqata, Israelpa Diosninta manchakuwanqaku.

Isaías 41:21

Ñoqa Tayta Diosmi kaynata nini: Yaw, idolokuna hamuychik, imapas rimanaykichik kaptinqa rimarikuychik, hamuspa mana chayna kasqanta niwaychik. Ñoqa Jacobpa reyninmi chaynata nini.

Isaías 5:16

Tukuy Atiyniyuq Tayta Diosmi ichaqa allin arreglo ruwasqanmanta hatunchasqa kanqa. Chuya Diosmi allinkuna ruwasqanwan chuya kasqanta reqsichikunqa.

Isaías 8:12

Kay runakunaqa “kamachikuqpa contranpim hoqarikuchkanku” nisqankutaqa amayá “kamachikuqpa contranpi hoqarikuymi” niychikchu. Paykunapa manchakusqantaqa ama manchakuychikchu.

Números 20:12

Ichaqa Moisestawan Aarontam Tayta Dios nirqa: Ñoqapi mana hapipakuspa Israel miraykunapa qayllanpi mana hatunchawasqaykichikraykum, qosqay allpamanqa Israelpa mirayninkunawan kuskaqa mana yaykunkichikchu, nispa.

Números 27:14

Zin chunniqpi llapa runakuna contraypi hatarispanku yakuta mañakuptinkum mana kasuwaspaykichik chuya kayniyta mana qawachirqankichikchu. Chaymi lloqsiq yakuta Meriba nispa suticharqaku, chayqa Cades lawpi Zin chunniqpim kachkan.

Hechos 21:39

Hinaptinmi Pabloñataq nirqa: Ñoqaqa Cilicia lawpi Tarso llaqtapi naceq judiom kani, llaqtayqa ancha reqsisqam. Ama hina kaspa saqeykuway llapa runakunata rimapayaykunaypaq, nispa.

Hechos 24:25

Ichaqa runapa allin ruwananmanta, controlakuy yachaq kanamanta hinaspa llapallan runakunaqa Diospa juzgasqan kananmanta Pablo rimaruptinmi, gobernador Félix mancharikuspan nirqa: Pasakuyña, tiempoy kaptinñam qayachimusqayki, nispan.

Colosenses 1:23

Ichaqa chayna kanaykichikpaqqa qaqa hinayá iñiynikichikpi sayaychik ama iskayrayaspa, salvakunaykichikpaq allin noticia uyarisqaykichikman hapipakuspa. Kay allin noticiaqa willakusqa kachkan kay pachapi llapallan runakunamanmi, chayta willakunaypaqmi ñoqa Pablopas churasqa karqani.

Colosenses 1:27

Chay pakasqa kaqtaqa Diosmi mana judío kaqkunamanpas reqsichiyta munarqa, chay pakasqa kaqqa qamkunapi Cristopa kawsasqanmi, chayraykum wiñaypaq kawsakuyta suyachkankichik.

Colosenses 1:5

chaytaqa ruwachkankichik hanaq pachapi churasqa premioykichikraykum, chaymantaqa cheqap allin noticia palabrantakamam uyarirqankichikña.

Colosenses 4:6

Rimasqaykichikpas kachiwan kachichasqa hinayá kachun, chaynapim yachankichik sapakamaman imaynam contestayta.

Tito 1:2

chaynapi wiñay kawsayta confianzawanña suyanankupaq. Chaytaqa manaraq kay pacha unanchasqa kachkaptinraqmi mana llullakuq Dios prometekurqaña,

Hebreos 3:6

Cristom ichaqa Churin kasqanrayku Diospa wasinpi munayniyuq karqa, chay wasi hinam ñoqanchikpas paypi hatun confianzawan kallpanchakuspaqa kanchik.

Hebreos 6:1

Chaynaqa, Cristomanta chayllaraq punta yachachikuykunaman amaña kutirispayá yuyayniyuqña kasunchik. Amañayá rimasunchu huchapi wañusqa hina kasqanchikmantapas, wanakuymantapas, Diosman iñiymantapas,

1~Pedro 1:17

Sichum “Taytáy” ninkichik pimanpas mana sayapakuspa runakunapa ruwayninman hina juzgaq Diosta, hinaspaqa tukuy tiempo kasukuspayá huklaw llaqtayuq hina kawsaychik.

1~Pedro 3:2

Respetowan allin kawsasqaykichikta qawaspankum iñikunqaku.

1~Pedro 3:4

Aswanqa suma-sumaq kaynikichikqa sonqoykichikmantayá lloqsimuchun, chayna hawkalla kawsakuspam llampu sonqo espirituyuq kankichik, chayna kawsakuymi Diospa qayllanpiqa anchapas allin.

1~Samuel 12:7

Chaynaqa, kunanyá asuykamuychik, ñawpaq taytaykichiktapas qamkunatapas Tayta Dios tukuy imaymanakuna ruwasqanmanta Tayta Diospa ñawpaqninpi qamkunata yuyarichinaypaq.