1~Pedro 3:14 - CHUYA QELLQA La Biblia en Quechua de Ayacucho 2012

¹⁴ Allin ruwasqaykichikmanta ñakarispaqa mayna kusisqam kankichik, amayá pitapas manchakuychikchu nitaq hukmanyaychikchu.

Quechua Ayacucho Bible 1987

¹⁴ Allin rurasqaykichikmanta ñakarispaqa mayna kusisqam kankichik, amayá manchakuychikchu pitapas nitaq hukmanyaychikchu.

Chuya Qellqa 1992

¹⁴ Allin ruwasqaykichikmanta ñakarispaqa mayna kusisqam kankichik, amayá pitapas manchakuychikchu nitaq hukmanyaychikchu.

1~Pedro 3:14 Iomraidhean Croise

Proverbios 3:25

Qonqaymanta hamuq sasachakuykunatapas manam manchakunkichu, mana allin runakunaman hamuq sasachakuytapas manam manchakunkichu,

Isaías 51:12

Tayta Diosmi kaynata nin: Ñoqam kallpanchaqniki kani, ¿imanasqataq runakunata manchakunki? ¿Imanasqataq qora hina chakiruqlla runakunata manchakunki?

Jeremías 1:8

Amam pitapas manchakunkichu, qanwanmi kachkani libranaypaq, ñoqa Tayta Diosmi chaynata niki, nispa.

Jeremías 15:15

Dios Taytalláy, qamqa lliwtam yachanki, yuyariwaspaykiyá qawariway, cheqniwaqniykunata vengakuruy. Amayá paykunataqa llakipayaychu, amayá cheqniwaqniykuna wañuchiwanantaqa munaychu, yachankim qamrayku insultasqa kasqaytaqa.

Ezequiel 3:9

Diamanteta otaq mana chaylla pakiruq rumita hinam ruwasqayki. Amam paykunataqa manchakunkichu, nitaqmi qayllankupipas hukmanyankichu. Paykunaqa mana kasukuq miraykunam, nispa.

Mateo 10:28

Cuerpo wañuchiqkunataqa amayá manchakuychikchu, manam almataqa wañuchiyta atinmankuchu, manchakuychikqa almantinta, cuerpontinta infiernopi wiñaypaq chinkachiqtayá.

Mateo 10:31

Chaynaqa, amayá manchakuychikchu, qamkunaqa urpichakunamantapas aswan valorniyuqmi kankichik.

Mateo 10:39

Pipas vidanta salvay munaqqa wañurunqam, pipas ñoqarayku wañuqmi ichaqa kawsanqa.

Mateo 16:25

Pipas vidallan salvay munaqqa pierderunqam, pipas ñoqarayku wañuqmi ichaqa kawsanqa.

Mateo 19:29

Pipas wasinkunata, wawqenkunata, paninkunata, taytanta, mamanta, warminta, churinkunata, chakrankunata ñoqa-rayku saqeqqa, pachak kuti mastam chaskinqa, chaskinqataqmi wiñay kawsaytapas.

Marcos 10:29

Chaymi Jesusñataq nirqa: Cheqaptapunim nikichik, pipas ñoqa-rayku hinaspa allin noticiarayku wasinta, wawqe-paninkunata, turi-ñañankunata, taytanta, mamanta, warminta, churin-kunata, chakrankunata saqeqqa,

Marcos 8:35

Pipas vidanta salvay munaqqa chinkarunqam, ñoqarayku hinaspa evangeliorayku wañuqmi ichaqa vidanta salvanqa.

Juan 14:1

Amayá songoykichikqa hukmanyachunchu. Diospiyá creeychik, creeychiktaqyá ñoqapipas.

Juan 14:27

Hawkayaytam saqekichik, hawkayayniytam qoykichik, kay hawkayay qosqayqa manam runakunapa qosqan hinachu. Amayá hukmanyaychikchu nitaq manchakuychikpaschu.

Hechos 9:16

Ñoqam payman qawachisaq ñoqarayku imaynam llumpay ñakarinanta.

2~Corintios 12:10

Chayraykum kusisqa kani mana kallpayuq kaspaypas, kamisqa kaspaypas, mana imayuq kaspaypas, ñakarichisqa kaspaypas hinaspa sasachakuykunapi kaspaypas. Mana kallpayuq kachkaspaypas aswan kallpayuqraqmi rikuriykuni.

Filipenses 1:29

Diosmi qamkunaman qosurqankichik Cristopi hapipakuyta chaynataq payrayku ñakariytapas.

Santiago 1:12

Mayna kusisqam sasachakuykuna hamuptin pacienciakuq runaqa. Payqa chay sasachakuykunata venceruspanmi wiñay kawsay coronata chaskinqa. Chaytam Dios prometekurqa haykam kuyaqninkunaman qonanpaq.

Santiago 5:11

Ñoqanchikqa ñakarispa pacienciakuqkunataqa kusi-kuyniyuqpaqmi hapinchik. Uyarirqan-kichikmi Job sutiyuq runapa pacien-cianmanta, yachankichiktaqmi ñaka-riyninkuna tukuruptin Señorqa paywan imam ruwasqanmantapas, Señorqa kuyapayakuqmi hinaspa llakipayakuqmi.

1~Pedro 3:6

Imaynam Sarapas Abrahamta kasukuq, hinaspam payta “señorniy” niq. Qamkunapas chaynata ruwaspaykichikqa paypa wawankuna hinam kankichik, manam imatapas manchakunkichikchu.