1~Pedro 3:1 - CHUYA QELLQA La Biblia en Quechua de Ayacucho 2012

¹ Warmikuna, qamkunapas qosaykichiktayá kasuychik, chaynapim Diospa palabranpi mana iñiq qosakunapas mana rimapayachkasqalla allin kawsasqaykichikta qawaspa iñikunqaku.

Quechua Ayacucho Bible 1987

¹ Warmikuna, qamkunapas qosaykichiktayá kasuychik, chaynapim Diospa palabranpi mana iñiq qosakunapas mana rimapayachkasqalla allin kawsasqaykichikwan iñikunqaku.

Chuya Qellqa 1992

¹ Warmikuna, qamkunapas qosaykichiktayá kasuychik, chaynapim Diospa palabranpi mana iñiq qosakunapas mana rimapayachkasqalla allin kawsasqaykichikta qawaspa iñikunqaku.

1~Pedro 3:1 Iomraidhean Croise

Génesis 3:16

Warmitañataqmi nirqa: Wiksayakuptikim nanaynikikunata mirachisaq, llumpay nanaywanmi wachakunki. Munakuynikim qosaykipaq kanqa, payñataqmi qampi munaychakunqa, nispa.

Proverbios 11:30

Allin kawsakuypa rurunqa kawsaymi, alma ganaqmi ichaqa allin yachayniyuq.

Proverbios 18:19

Piñachisqa runaqa cercosqa llaqta hina mana yaykuy atinam, piñanakuyqa wawqentintapas rejillayuq punku hinam rakinan.

Mateo 18:15

Sichum runamasiki contraykipi huchallikuruptinqa, rispayki sapallanpi rimapayaykamuy. Pantasqanta reqsikuptinqa paywanmi allinyanakurunki.

Romanos 10:16

Ichaqa manam llapallankuchu allin noticiata kasukunku. Isaiasmi nirqa: Señorlláy, ¿pitaq willakusqaykutaqa creerqa? nispa.

Romanos 6:17

¡Ichaqa Diosmanyá gracias kachun! Ñawpaqtaqa huchapa esclavonmi karqankichik, kunanmi ichaqa yachachikuykuna chaskisqaykichikta tukuy sonqomanta kasukuchkankichik.

Romanos 7:2

Huk casada warmipas leyman hinaqa qosan kawsanankamallam payman sujetasqa. Qosan wañukuptinmi ichaqa chay leymanta libreña rikurirun.

1~Corintios 11:3

Ichaqa munanim kay yachanaykichikta: Cristoqa llapa qaripa umanmi, qariñataqmi warminpa uman Diosñataqmi Cristopa uman.

1~Corintios 14:34

Warmikunaqa mana rimanankuchu huñunakuypiqa upallallam kananku, Diospa leyninpi kamachikusqanman hinam kasukunanku.

1~Corintios 7:16

Yaw warmi, ¿yaqachu qosaykita salvaruwaq? Yaw qari, ¿yaqachu warmikita salvaruwaq?.

Efesios 5:33

Chaynaqa, kikikichikta hinayá warmikichiktapas sapakama kuyaychik, warmiñataqyá qosanta kasukuchun.

Colosenses 3:18

Casada warmikuna, Señorman iñisqaykichikraykuyá qosaykichikta kasukuychik.

Colosenses 4:5

Mana iñiq runakunapa qayllanpipas yachaywanyá kawsaychik, tiempoykichiktapas ama usuchispa.

2~Tesalonicenses 1:8

Hinaspam Dios mana reqsiqkunatawan Señorninchik Jesusmanta allin noticia mana kasukuqkunata castiganqa.

Hebreos 11:8

Iñiyllawanmi Abrahampas, Dios qayaykuptin kasukurqa, hinaspam llaqtanmanta lloqsirqa herencia chaskinan allpaman, chaymi lloqsirqa mana maymanpas rinanta yachastin.

Hebreos 5:9

Chaykunawan qespichisqa karuspanmi llapallan kasuqnin runakunapaq wiñaypaq salvaqnin rikurirun.

1~Pedro 1:22

Kunanqa Espirituntakama cheqap kaqta kasukuspam, almaykichiktapas chuyancharunkichikña wawqe-panin-chikkunawan kuyanakunaykichikpaq. Chaynaqa, qamkunapurayá chuya sonqoykichikwan hinaspa tukuy kallpaykichikwan kuyanakuychik.

1~Pedro 3:2

Respetowan allin kawsasqaykichikta qawaspankum iñikunqaku.

1~Pedro 3:7

Qosakuna, qamkunapas warmiki-chikwanyá allinta kawsaychik, yachay-wanyá paykunawanqa kawsaychik, chaylla pakiruq vasota hinayá cuidaychik, hanaq pachapi herencia chaskiqmasikichikta hinayá nanachikuychik, chaynapi mañakusqaykichikta Dios uyarisunaykichikpaq.

1~Pedro 4:17

Ñam chayaramunña Diospi iñiqkunata juzganan punchaw, ñoqanchikwan juicio qallariptinqa, ¿imaynaraq kanqa Diospa allin notician mana kasukuqkunaqa?