1~Pedro 2:25 - CHUYA QELLQA La Biblia en Quechua de Ayacucho 2012

²⁵ Qamkunaqa chullaruq ovejakuna hinam karqankichik, kunanmi ichaqa Cristomanña kutirikunkichik, paymi allin michiq hina almaykichikta michichkan.

Quechua Ayacucho Bible 1987

²⁵ Qamkunaqa karqankichik chullasqa ovejakuna hinam, kunanmi ichaqa Cristomanña kutirikunkichik. Paymi allin michiq hina almaykichikta michichkan.

Chuya Qellqa 1992

²⁵ Qamkunaqa chullaruq ovejakuna hinam karqankichik, kunanmi ichaqa Cristomanña kutirikunkichik, paymi allin michiq hina almaykichikta michichkan.

1~Pedro 2:25 Iomraidhean Croise

Isaías 13:14

Chaymi qatikachasqa luwichu hina, mana michiqniyuq oveja hina, sapakama ayllunkuman ayqenqaku, sapakamam allpankuman lluptinqaku.

Isaías 40:11

Ovejankunata michinanpaqmi hamunqa, uñachankunatam marqayninpi apanqa, chayllaraq wachakuq ovejakunatam allillamanta pusanqa.

Isaías 53:5

Mana kasukusqanchikmantam tuksipasqa karqa, huchanchikkunaraykum chamchapasqa karqa, hawkayayta qowananchikpaqmi ñakarichisqa karqa, heridasqa kasqanwanmi hampisqa karqanchik.

Isaías 53:6

Ovejakuna hinam chinkarurqanchik, sapakamam munasqanchikman pasakurqanchik, ichaqa Tayta Diosmi huchanchikta payman qepiykachirqa.

Jeremías 23:2

Chayraykum llaqtay michiqkunata Israelpa yupaychasqan Tayta Dios kaynata nin: Qamkunam ovejaykunata cheqerachispa ayqerachinkichik. Manam nanachikurqankichikchu. Chayraykum mana allinkuna ruwasqaykichikmanta castigasqaykichik. Ñoqa Tayta Diosmi chaynata nini.

Ezequiel 34:6

Orqokunapim, alto mo-qokunapim cheqeruspa llutanpi purillachkanku, tukuy hinastinman cheqesqam kach-kanku, manam pipas maskaqninku kanchu, nitaqmi tapuyllapas tapukunkuchu.

Ezequiel 37:24

Serviqniy Davidmi paykunapa reynin kanqa, payllaña llapankupa michiqnin kaptinmi decretoykunaman hina kawsaspa kamachikuyniykunata kasukunqaku.

Zacarías 13:7

Tukuy Atiyniyuq Tayta Diosmi kaynata nin: Espada, michiqniypa contranpi hatariy, yanapaqniypa contranpi hoqarikuy, michiqta wañuchiptikim llapa ovejakuna cheqenqa. Ñoqañataqmi uñachakunapa contranpi makiyta hoqarisaq, nispa.

Mateo 18:12

¿Imaynataq rikchakapusunkichik? ¿Manachum huk runapa pachak ovejankunamanta huknin chinkaruptin, isqon chunka isqonniyuqta orqopi saqeykuspan chinkaruqta maskamun?

Mateo 9:36

Chaymi achkallaña runakunata qawaykuspan paykunamanta llakipayarikurqa, mana michiqniyuq wischusqa ovejakuna hina cheqesqa kasqankumanta.

Hechos 20:28

Chaynaqa, cuidakuychikyá, cuidaychiktaqyá iñiqkunatapas, paykunata michinaykichikpaqmi Chuya Espíritu qamkunata akllasurqankichik, paykunaqa Señorninchik Jesucristopa yawarninwan rantisqanmi.

Hebreos 13:20

Hawkayay qokuq Diosyá, yawar-ninwan wiñaypaq musoq pactota ruwaq otaq ovejakunapa hatun michiqnin Señorninchik Jesucristo kawsarichiq Diosyá

Hebreos 3:1

Wawqe-panillaykuna, qamkunaqa kachkankichik Diospaq sapaq-chasqam chaynataq hanaq pachapi huñunasqa kanaykichikpaq qayasqam, chaynaqa Diospa kachamusqan sacerdotekunapa kamachiqnin chaskisqanchik Jesucristopiyá yuyaymanaychik.

Hebreos 5:2

Sumo sacerdoteqa Diosta mana kasukuqkunamanta hinaspa huchapi kaq runamasinkunamantam llakipayarikun, paypas runa kayninpi pantaruq kasqanrayku.

1~Pedro 3:20

Paykunam ñawpaq tiempokunapi mana kasukurqakuchu, arcata Noé ruwanankama pacienciawan Dios suyachkaptinpas. Arcapiqa pusaq runakunallam yakupi wañunankumanta salvakurqaku.

1~Pedro 5:4

Chaynapim, michiqkunapa Kamachiqnin hamuptinqa, kancharichkaq mana tukuq coronata chaskinkichik.