1~Pedro 2:24 - CHUYA QELLQA La Biblia en Quechua de Ayacucho 2012

²⁴ Kikin Cristom chakatasqa kaspan cuerponpi tukuy huchanchikkunata aparqa, chaynapi huchapaq wañusqaña kaspa allintaña kawsananchikpaq. Cristopa heridasqa kasqanwanmi sanoyayta haypankichik.

Quechua Ayacucho Bible 1987

²⁴ Cristom chakatasqa kaspan aparqa cuerponpi tukuy huchanchikkunata chaynapi huchanchikkunamanta wanakuspa allinña kawsananchikpaq. Sanoyachisqa kanaykichikpaqmi heridasqa karqa.

Chuya Qellqa 1992

²⁴ Kikin Cristom chakatasqa kaspan cuerponpi tukuy huchanchikkunata aparqa, chaynapi huchapaq wañusqaña kaspa allintaña kawsananchikpaq. Cristopa heridasqa kasqanwanmi sanoyayta haypankichik.

1~Pedro 2:24 Iomraidhean Croise

Génesis 22:6

Hinaspanmi Abrahamqa sacrificiopaq ninata, cuchillota aparikuspa rirqa, yantatañataqmi churin Isaacwan qepichirqa.

Éxodo 28:38

Chay letreroqa Aaronpa urkunpa hawanpim kanqa, chaynapim Aaronqa Israelpa mirayninkuna ñoqapaq sapaqchasqa ofrenda qosqankupi pantarusqanku huchankuta apanqa. Chay letrerom Aaronpa urkunpi tukuy tiempo kanqa chaynapi ñoqapa favorniyta haypanankupaq.

Proverbios 20:30

Azotepa nanayninqa mana allin runatam hampin, castigoqa runapa sonqontam chuyanchan.

Isaías 53:11

Ñakarisqanpa rurunta qawaspam sinchita kusikunqa; Tayta Diospa serviqninmi achkaqta mana huchayuqtaña ruwanqa, paykunapa mana allin ruwasqankutam apanqa.

Levítico 16:22

Huchanku apachkaq hinam chay chivato paykunapa llapallan mana allin ruwasqankuta chunniqman apanqa.

Levítico 22:9

Chaynaqa, kay kunasqaykunata kasukuchunku, chaynapi ama huchalli-kunankupaq hinaspa kay kunasqaykunata penqayman churaspa ama wañurunankupaq. Ñoqa Tayta Diosmi paykunataqa kikiypaq sapaqchani.

Malaquías 4:2

Kasuwaqniykunapaqmi ichaqa, inti qespimuchkaq hinaraq kuyakuyniy kancharimunqa, raprankunapim salvacionta apamusunkichik. Qamkunañataqmi kanchanmanta lloqsiq vacapa uñankuna hinaraq kusikuymanta pawaykachankichik.

Números 18:22

Israelpa mirayninkunamanta wakin runakunaqa amam carpamanqa asuykunqakuchu. Yaykuspankuqa huchallikuruspam wañurunmanku.

Números 7:15

chaynataq malta torotapas, carnerotapas hinaspa lliw kañanapaq watayuq carnerotapas,

Mateo 27:26

Hinaptinmi Barrabasta Pilato kachaykurqa, Jesustañataqmi azote-ruspan chakatanankupaq entregay-kurqa.

Mateo 5:20

Chayraykum nikichik, sichum Diospa kamachikuyninkuna yachachiqkunamantapas hinaspa fariseokunamantapas aswan allin kaqkunata mana ruwaspaykichikqa Diospa munaychakuyninmanqa manam yaykunkichikchu.

Mateo 8:17

Chaykunam pasakurqa profeta Isaiaspa kayna nisqan cumplikunanpaq. Kaynatam nirqa: “Paymi onqoyninchikkunata qepikuykurqa hinaspam nanayninchikkunata aparqa”, nispan.

Marcos 15:15

Chaymi Pilatoqa llapa runakunawan allinpi kananrayku Barrabasta carcelmanta kachaykachirqa, Jesustañataqmi azoterachispan chakatamunankupaq entregaykurqa.

Lucas 4:18

“Tayta Diospa Espiritunmi ñoqapi kachkan, Tayta Diosmi sapaqchawaspan kamachiwarqa, wakchakunaman allin noticiata willakamunaypaq, llakisqa sonqoyuqkunata sanoyachimunaypaq, presokuna kacharisqa kanankupaq willamunaypaq, ñawsakunata ñawinta kichamunaypaq, ñakarichisqakunata libramunaypaq,

Juan 1:29

Juanmi paqarinnintin punchaw rikururqa Jesusta paypa lawman hamuchkaqta, hinaspanmi nirqa: Qawaychik, paymi llapa runakunapa huchanta mayllaq Diospa Corderonqa.

Juan 19:1

Chaynata niptinkum Jesusta Pilato azoterqa.

Hechos 10:35

payqa may nacionmanta kaptinpas chaskinmi kasukuspa allin ruwaq runakunataqa.

Hechos 10:39

Judea lawpi hinaspa Jerusalén llaqtapi Jesucristopa ima ruwasqanmantaqa ñoqaykum testigo kaniku. Paytam cruzpi chakataruspanku wañurachirqaku.

Hechos 13:29

Paymanta Qellqapa tukuy nisqankuna cumplikuruptinmi, cruzmanta uraykachispa pamparurqaku.

Hechos 5:30

Qamkunam Jesusta chakataruspaykichik wañurachirqankichik, ichaqa ñawpaq taytaykichikkunapa Diosninmi kawsarirachimurqa.

Romanos 6:11

Chaynaqa, qamkunapas huchapaq wañusqaña kasqaykichiktayá hapikuychik, ichaqa Señorninchik Cristo Jesuswan hukllaña kasqaykichikraykum Diosllapaqña kawsankichik.

Romanos 6:13

Amataqyá mana allinta ruwananpaqqa cuerpoykichiktapas huchamanqa qoychikchu, aswanyá qamkunaqa wañusqamanta kawsarimuq hinaña cuerpoykichikta Diosman qoychik, chaynapi paypa munasqantaña ruwananpaq.

Romanos 6:16

Qamkunaqa yachankichikmi, sichum pipas huk patronta kasunanpaq hinaspa esclavon kananpaq entregakun, hinaspaqa chay kasukusqan patronpa esclavonmi rikurirun. Chayqa kaynam: Pipas huchata kasuspaqa wañuymanmi rinqa, Diosta kasukuspam ichaqa allin ñanpi kawsakunqa.

Romanos 6:2

¡Manapunim! Huchapaq wañu-ruchkaspañaqa, ¿imaynataq huchapiraqqa kawsasun?

Romanos 6:22

Huchamanta librakuruspam ichaqa Diospa sirvientenña rikurirunkichik, chayqa allinnikichikpaqmi hinaspa chuya kawsakuymi tukupayninñataqmi wiñay kawsayman apakun.

Romanos 6:7

Pipas huchapaq wañuruspaqa huchamantam libreña rikurirun.

Romanos 7:6

Kunanmi ichaqa munaychakuwaqninchik leypaqqa wañurunchikña, chaynapim libreña kachkanchik, Espiritupa qowasqanchik musoq kawsakuypiña Diosta servinanchikpaq, manam ñawpaq qellqasqa leyman hinañachu.

1~Corintios 15:3

Tukuymanta llalliqtaqa chaskisqayman hinam yachachirqaykichik: Qellqapa nisqanman hinam Cristoqa huchanchikkunarayku wañurqa.

2~Corintios 6:17

Señorqa nintaqmi: “Paykuna ukumantayá lloqsiychik, paykunamantayá sapaqchakuychik, amayá millakuypaq kaqkunataqa hapiychikchu. Hinaptinqa qamkunataqa chaskisqaykichikmi.

Gálatas 3:13

Leypa ñakawasqanchikmantam Cristo librawarqanchik. Paymi ñoqanchikrayku ñakasqa karqa. Chuya Qellqapim kaynata nin: “Qerupi warkusqa wañuq runaqa ñakasqayá kachun”, nispa.

Efesios 5:9

Achkiypi kawsayqa sumaq sonqoyuq kaymi, allin kaqkuna ruwaymi, cheqapman hina kawsakuymi.

Filipenses 1:11

Jesu-cristom yanapasuchkankichik allin ruruchkaq sacha hina allinkunata rurunaykichikpaq, chaynapi Diosta yupaychaspa hatunchanaykichikpaq.

Colosenses 2:14

Diosmi leyman hina huchanchikrayku castigasqa kananchikmanta lliwta pagaykun, hinaspam Cristopa cruzpi wañusqanwan libraykuwanchik.

Colosenses 2:20

Cristowan wañuspaykichikqa runakunapa costumbrenkuna ruwaytaqa saqerunkichikñam, hinaspaqa, ¿imanasqa-má kay pachapi mana allin ruwaykunaman hinallaraq kawsaspaykichikqa,

Colosenses 3:3

Qamkunaqa huchapaqqa wañurunkichikñam, kawsaynikichikqa Cristopim pakasqa kachkan, chaytaqa Diosmi ruwarun.

Hebreos 10:10

Jesucristom wiñaypaq huk kutillata cuerponta sacrificiopi ofrecespan Diospa munasqanta ruwarurqa, chaynapim sapaqchasqaña kachkanchik.

Hebreos 10:5

Chayraykum kay pachaman Cristo hamuspan Diosta nirqa: “Sacrificiotawan ofrendataqa manam munarqankichu, aswanqa huk cuerpotam qoykuwarqanki.

Hebreos 12:13

Qewi-qewi ñannikichikta derechaychik, chaynapi wistukunapas ama huklawman pantarunankupaq, aswanqa sanoyanankupaq.

Hebreos 7:26

Payqa ñoqanchikpa allinninchikpaq Sumo sacerdotem, payqa chuyam, mana chikan huchayuqmi, mana qachayuqmi, huchasapakunamanta sapaqchasqam hinaspa cielokunapa hawanman churasqam kachkan.

Hebreos 9:28

chaynataqmi Cristopas huk kutillata achkaqpa huchankunata apaspan wañurqa. Huktawan kay pachaman kutimuspanqa manam hucha pampachaqñachu hamunqa, aswanqa suyaqninkunata salvananpaqñam.

Santiago 5:16

Huchaykichikta willanakuspayá Diosta mañakuychik, chaynapi sanoyanaykichikpaq. Justo runapa tukuy sonqonwan Dios mañakusqanqa llumpay atiyniyuqmi.

1~Juan 2:29

Jesucristoqa allinkuna ruwaq kasqanta yachaspaykichikqa, qamkunapas yachaychiktaqyá haykam allinkuna ruwaqkunaqa Jesucristomanta nacesqaña kasqankuta.

1~Juan 3:7

Churillaykuna, amayá piwanpas engañachikuychikchu, pipas allin ruwaqqa Jesucristo hina allin ruwaqmi.

Apocalipsis 22:2

Chay llaqtapa callenpa chawpinpiñataqmi mayupa kaylaw-waklawninpi kawsay qokuq sacha wiñasqa. Chay sachaqa killan-killanmi rurusqa watapi chunka iskayniyuq kutita, llaqenkunañataqmi kasqa kay pachapi llapallan runakuna hampikunankupaq.