1~Pedro 2:17 - CHUYA QELLQA La Biblia en Quechua de Ayacucho 2012

¹⁷ Llapallantayá respetaychik, llapa iñiqmasikichiktapas kuyaychik, Diostapas hatunchaychik, reytapas kasukuychik.

Quechua Ayacucho Bible 1987

¹⁷ Respetaychik llapallanta, kuyaychik iñiqmasikichikkunata, manchakuychik Diosta, respetaychiktaq reytapas.

Chuya Qellqa 1992

¹⁷ Llapallantayá respetaychik, llapa iñiqmasikichiktapas kuyaychik, Diostapas hatunchaychik, reytapas kasukuychik.

1~Pedro 2:17 Iomraidhean Croise

Génesis 20:11

Hinaptinmi Abraham nirqa: Arí kaytam piensarqani: “Kaypiqa manam Diosta manchakunkuchu, hinaspachá warmiyrayku wañurachiwanqaku” nispay.

Génesis 22:12

Angelñataqmi nirqa: Ama imanaychu chay warmata, ñam yachaniña Dios manchakusqaykita, kuyasqayki sapallan churiki kachkaptinpas manam negakurqankichu Diospaq ofreceyta, nispa.

Génesis 42:18

Kimsa punchawmantam paykunata José nirqa: Ñoqaqa Diostam kasukuni, kawsakuyta munaspaqa kaynata ruwaychik:

1~Crónicas 29:20

Chaymantam huñunasqa runakunata David nirqa: Kunanyá Tayta Diosta yupaychaychik, nispa. Hinaptinmi llapallan huñunasqa runakuna ñawpaq taytankupa yupaychasqan Tayta Diospa ñawpaqninpi hinaspa reypa ñawpaqninpi qonqoranpa kumuykuspa yupaycharqaku.

Éxodo 20:12

Tayta-mamaykitam respetanki, chaynapi ñoqa Tayta Diospa qonay allpapi unay wata kawsanaykipaq.

Proverbios 1:7

Yachaypa qallariyninqa Tayta Diosta kasukuymi; mana yachayniyuq runaqa yachaytawan yachachikuytam wischupakun.

Proverbios 23:17

Huchallikuq runataqa amayá envidiakuychu, aswanyá Tayta Diosta tukuy tiempo kasukuy;

Proverbios 24:21

Churilláy, Tayta Diosta hatunchay, reytapas kasukuytaq; mana kasukuqkunawanqa ama hukllawakuychu.

Eclesiastés 8:2

Reyta kasukuy, chaynatam Diospa qayllanpi jurarqanki.

Levítico 19:32

Yuyaqkunapa qayllanpiqa sayarispam paykunata respetankichik, Diosnikitapas kasukunkitaqmi. Ñoqaqa Tayta Diosmi kani.

Zacarías 11:14

Chaymantam “hukllawanakuywan” sutichasqa tawnaytapas hapiykuspay pakirurqani, chaynapim Israelwan Judá huklla kayninku pakisqa karqa.

Mateo 22:21

Paykunañataqmi nirqaku: Rey Cesarpam, nispanku. Hinaptinmi Jesusñataq nirqa: Cesarpa kaqtaqa paymanyá qoychik, Diospa kaqtañataq Diosman, nispa.

Juan 13:35

Sichum qamkunapura kuyanakuptikichikqa llapallan runakunam discipuloykuna kasqaykichikta yachanqaku.

Romanos 12:10

Wawqe-panintin hinayá huknikichikmanta huknikichikkama kuyanakuychik. Respetanakuspayá wakiqnikichikta imapipas aswan allinpaq hapiychik.

Romanos 13:7

Pimanpas paganaykichik kaptinqa pagaychikyá: Impuesto kaptin impuestota, tributo kaptin tributota, respetana kaptin respetota, hatunchana kaptin hatunchayta.

2~Corintios 7:1

Kuyasqay wawqe-panillaykuna, chayna promesakuna kachkaptinqa aychanchikpi hinaspa espiritunchikpi tukuy mana allinmantayá chuyanchakusun, Diosta kasukuspayá aswan-aswan payllapaqña sapaqchakusun.

Efesios 5:21

Diosta manchakuspaqa kasuna-kuychikyá.

Filipenses 2:3

Amayá cheqnikuspaqa nitaq hatun tukuspaqa imatapas ruwaychikchu, aswanqa uchuychakuspayá kikikichikmantapas aswan allinpaqraq wakinkunata hapiychik.

1~Timoteo 6:1

Esclavokunapas respetowan pa-tronninkuta allinpaq hapichunku, chaynapi Diospa sutinmanta hinaspa yachachisqanchikmanta ama hukmanta rimanankupaq.

Hebreos 13:1

Wawqe-panintin kuyanakuytaqa amayá saqeruychikchu.

1~Pedro 1:22

Kunanqa Espirituntakama cheqap kaqta kasukuspam, almaykichiktapas chuyancharunkichikña wawqe-panin-chikkunawan kuyanakunaykichikpaq. Chaynaqa, qamkunapurayá chuya sonqoykichikwan hinaspa tukuy kallpaykichikwan kuyanakuychik.

1~Pedro 2:13

Señorninchikraykuyá kasukuychik runakunamanta kaq autoridadkunata, reykunata, ancha munayniyuq kasqankurayku.

1~Pedro 5:5

Jovenkuna, qamkunapas ancianokunatayá kasukuychik. Llapaykichikyá uchuychakuspa kasunakuychik, Chuya Qellqam kaynata nin: “Diosqa hatun tukuqkunapa contranpim kachkan, uchuychakuqkunatam ichaqa kuyakuyninwan yanapan”, nispa.

1~Samuel 15:30

Saulñataqmi nirqa: Huchallikurunim ñoqaqa, ichaqa ama hina kaspaykiyá Israelpi ancianonkunapa qayllanpi, Israel runakunapa ñawpaqninpi reyta hinaraq hatunchaykuway. Chaynaqa, ñoqawanyá kutirisun Tayta Diosnikita yupaychamunaypaq, nispa.