1~Pedro 2:16 - CHUYA QELLQA La Biblia en Quechua de Ayacucho 2012

¹⁶ Libre kaq runakuna hinayá kawsaychik, amataqyá libre kasqaykichikman hinaqa mana allinkunataqa ruwaychikchu, aswanqa Diosta serviq runakuna hinayá kawsaychik.

Quechua Ayacucho Bible 1987

¹⁶ Kawsaychikqa libre kaq runakuna hinayá. Amataqyá libre kasqaykichikman hinaqa mana allinkunataqa ruraychikchu, aswanqa Diosta serviq runakuna hinayá kawsaychik.

Chuya Qellqa 1992

¹⁶ Libre kaq runakuna hinayá kawsaychik, amataqyá libre kasqaykichikman hinaqa mana allinkunataqa ruwaychikchu, aswanqa Diosta serviq runakuna hinayá kawsaychik.

1~Pedro 2:16 Iomraidhean Croise

Mateo 23:13

¡Iskay uya fariseokuna hinaspa Diospa leynin yachachiqkuna, imaynaraq kankichik! Qamkunaqa Diospa munaychakuyninman yaykuqkunatam harkaypaq-harkachkankichik. Manam qamkunapas yaykuyta munankichikchu nitaqmi yaykuy munaqkunatapas yaykunankuta munankichikchu.

Juan 15:22

Sichum mana hamuymanchu karqa nitaq rimaymanchu karqa, hinap-tinqa mana huchayuqchá kanmanku karqa, kunanmi ichaqa manaña imapas huchankumantaqa ninankupaq kanñachu.

Romanos 6:18

Chaynapim huchapa munaychakuyninmanta librasqaña kaspaykichik, imatapas allinta ruwaspa Diospa serviqninkunaña rikurirunkichik.

Romanos 6:22

Huchamanta librakuruspam ichaqa Diospa sirvientenña rikurirunkichik, chayqa allinnikichikpaqmi hinaspa chuya kawsakuymi tukupayninñataqmi wiñay kawsayman apakun.

1~Corintios 7:22

Pipas esclavo kachkaspan Señorpa qayasqan kaspaqa libreñam Señorta servinanpaq, chaynataqmi libre kachkaptin Señor qayaptinqa Cristopa esclavonña rikurirun.

Gálatas 5:1

Cristom judiokunapa kamachikuyninkunamanta librawarqanchik. Chaynaqa, qaqa hina sayaspayá amaña yugoman watasqa esclavo hina kawsaymanqa kutiriychikchu.

Gálatas 5:13

Wawqe-panillaykuna, Diosqa libre kanaykichikpaqmi qayasurqankichik. Ichaqa libre kaynikichiktaqa amayá aychapa munasqanpaq hinachu hapiychik, aswanqa kuyakuywanyá huknikichikmanta huknikichikkama yanapanakuychik.

Efesios 6:6

Amayá qawasunallaykichikpaqchu serviychikqa, nitaq paykuna allinpaq hapisunallaykichikpaqchu, aswanqa Cristopa sirvientenkuna hinayá sonqomanta Diospa munasqanta ruwaychik.

Colosenses 3:24

Yachasqaykichikpi hinapas Señorninchikmantam tupasuqnikichik herenciataqa chaskinkichik. Qamkunaqa Señorninchik Cristotam servichkankichik.

1~Tesalonicenses 2:5

Yachasqaykichikpi hinapas qamkunataqa manam sumaqllataña rimaspachu alabarqaykiku, nitaqmi qollqeta kuyaspaykuchu rimapayarqaykikupas, Diospas chaytaqa yachanmi.

Santiago 1:25

Ichaqa librawaqninchik alli-allin ley uyarisqanta mana qonqaruspa chaypi yuyaymanaspa allinta takyaqqa chaynataq mana qonqaspa kasukuqqa mayna kusisqam kanqa tukuy ima ruwasqanpipas.

Santiago 2:12

Librawaqninchik leypa nisqanman hinam Cristo juzgawasunchik, chaynaqa allintayá rimaychik hinaspa ruwaychikpas.

2~Pedro 2:19

Kikin-kupuni mana allinkunapa esclavon kachkaspankupas, libre kaytaraqmi prometenku. Pipas vencechikuqqa ven-ceqninpa munaychakusqanmi riku-rirun.

Judas 1:4

Wakin ru-nakunam mana musyachikuspalla yaykuramunku, paykunapa condenasqa kanankumantaqa Qellqapas ñawpaqmantaraqmi nirqaña. Paykunaqa Diostapas manam yupaychankuchu, Diosninchikpa kuyakuyninpi kawsaytapas qanra vidapi purikuymanñam tikrarunku. Paykunaqa munaychakuq sapallan Señorninchik Jesucristotapas negankum.