1~Pedro 2:12 - CHUYA QELLQA La Biblia en Quechua de Ayacucho 2012

¹² Diosta mana reqsiqkunapa qayllanpiyá allinta kawsaychik, chaynapim hucha ruwaqmanta hina contraykichikpi rimachkaspankupas allin ruwasqaykichikta qawaspanku, Diospa cuenta mañaq hamusqan punchawpi payta yupaychanqaku.

Quechua Ayacucho Bible 1987

¹² Dios mana adoraqkunapa qayllanpipas allintayá kawsaychik, chaynapim hucha ruraqmanta hina contraykichikpi rimachkaspankupas allin rurasqaykichikta qawaspanku Diosta alabanqaku cuenta mañaq kutimuptin.

Chuya Qellqa 1992

¹² Diosta mana reqsiqkunapa qayllanpiyá allinta kawsaychik, chaynapim hucha ruwaqmanta hina contraykichikpi rimachkaspankupas allin ruwasqaykichikta qawaspanku, Diospa cuenta mañaq hamusqan punchawpi payta yupaychanqaku.

1~Pedro 2:12 Iomraidhean Croise

Isaías 10:3

¿Imatataq castigo punchawpi ruwankichik? ¿Karumantaraq sasachakuy hamususqaykichik punchawpi, pimantaq yanapasunaykichikpaq hapipakunkichik? ¿Maypitaq qori-qollqekichikta saqenkichik?

Daniel 6:4

Chayraykum kamachikuqmasinkunapas hinaspa lliw gobernadorkunapas Danielpa pantasqanta maskarqaku chayman hina acusanankupaq, ichaqa manam ima pantaytapas tarirqakuchu; Danielqa imatapas yachaywanmi ruwarqa.

Mateo 10:25

Discipulo-paqqa yachachiqnin hinalla kayninmi allinqa, criadopaqpas allinqa patronnin hina kayninmi. Sichum ñoqatapuni Beelzebuwan sutichawachkaspankuqa aswanraqchiki qamkunataqa.

Mateo 5:11

Mayna kusisqam kankichik ñoqa-rayku kamisuptikichik, ñakarichi-suptikichik hinaspa contraykichikpi llullakunata rimaptinkuqa.

Mateo 5:16

Chaynayá qamkunapas runakunapa qayllanpi achkiychik, chaynapi allin ruwasqaykichikta qawaspanku hanaq pachapi kaq Taytaykichikta yupaychanankupaq.

Mateo 9:8

Chayta qaway-kuspankum llapa runakuna mancharikurqaku, hinaspam runakunaman atiy qosqanmanta Diosta yupaycharqaku.

Lucas 1:68

Israelpa Diosninyá qapaqchasqa kachun, payqa llaqtanta salvaykunanpaqmi hamurqa.

Lucas 19:44

Pasaypaq tuñichisqam kanki, runaykikunatapas lliwtam wañuchinqaku. Rumikikunapas manam chullapas perqasqaqa puchunqachu, salvaqniki Diosta mana reqsikusqaykirayku, nispan.

Lucas 6:22

Mayna kusisqam kankichik runapa Churinrayku, cheqnisqa, qarqosqa, kamisqa hinaspa sutikichiktapas mana kaqpaq hapiptinkuqa.

Juan 13:31

Judas lloqsiruptinmi Jesús nirqa: Kunanmi hatunchasqa kanqa runapa Churinqa, paypitaqmi Diospa hatunchakuyninpas qawachikunqa.

Hechos 15:14

Simón Pedrom willawarqanchik mana judío kaqkunamanpas Dios watukuykusqanta, chaynapi paykunamantapas runankunata akllaykunanpaq.

Hechos 24:13

Acusawasqankumantaqa manam paykunaqa pruebasunkimanchu.

Hechos 25:7

Pablo hamuruptinmi, Jerusalén llaqtamanta riq judiokuna asuykurqaku, hinaspam tukuy imamanta acusarqaku, ichaqa manam mayqanmantapas cheqap kasqantaqa qawachiyta atirqakuchu.

Hechos 28:22

Ichaqa imam piensasqaykitam uyariyta munaniku, ñoqaykuqa yachanikum tukuy hinastinpi iñiqkunapa contranpi rimasqankuta, nispanku.

Romanos 12:17

Mana allin ruwasuqnikichiktaqa ama chayna mana allinwanqa kutichikuychikchu. Llapa runakunapa qayllanpiqa allin kaqta ruwaychik.

Romanos 13:13

Hinaspa achkiypi purichkaq hina kawsasun: Ama mikukuyllapichu, sinkakuyllapichu, hukwan-hukwan tupakuyllapichu, liryanakuyllapichu nitaq envidianakuyllapichu.

Romanos 14:18

Kaynatapuni pipas Cristota servispa Diospa munasqanta ruwaptinmi runakunapas allinpaq hapinku.

Romanos 15:9

Chaynataqmi Cristoqa hamurqa Diosninchikpa kuyapayakuyninmanta mana judío kaqkunapas yupaychanankupaq. Chuya Qellqapim kaynata nin: “Chayraykum llapa nacionkuna ukupi yupaychasqayki, sutikimantapas takisaqmi”, nispa.

1~Corintios 14:25

Chaynapim sonqonpi pakasqakunapas yachasqa kanqa, hinaptinmi qonqorakuykuspan Diosta yupaychanqa: Cheqaptapunim Diosqa qamkunawan kasqa, nispan.

2~Corintios 1:12

Kaywanmi kusisqa kachkaniku, ñoqaykuqa kay pachapipas chaynataq qayllaykichikpipas allintam kawsarqaniku. Diosmi yanapawarqaku mana engañakuspa payllapaqña kawsanaykupaq, chaynataqa kawsarqaniku manam yachayniyuq kasqaykuraykuchu.

2~Corintios 13:7

Diostam mañakuchkaniku mana allin kaqkunata ama ruwanaykichikpaq, chaytaqa munachkaniku manam chaskisqa kasqaykuta yachanaykichikpaqchu, aswanqa allin kaqkunata ruwanaykichikpaqmi, ñoqaykuta Dios manaña chaskiwaptinkupas.

2~Corintios 8:21

Allin ruwaytam munachkaniku Señorpa qayllanpipas chaynataq runakunapa qayllanpipas.

Efesios 2:3

Ñawpaqtaqa lliwmi ñoqanchikpas kawsarqanchik mana allin piensasqanchikkunaman hina munasqallanchikpi purikuspa hinaspa aychapa munasqallanta ruwaspa, chayraykum llapa runakunawan kuska castigopaqña karqanchik.

Efesios 4:22

Huchaman aysaqnikichikmanta karunchakuspayá amaña ñawpaq kawsaynikichikpi hinañachu puriychik, chayna kawsayqa pantachisuspaykichikmi mana allinllata munachisunkichik.

Filipenses 1:27

Jesucristomanta allin noticia uyarisqaykichikman hinayá vidaykichik kachun. Watukamuspay otaq maypiña kaspaypas qamkunaman-tam uyariyta munani huk sonqolla qaqa hina sayaspa vencesqaykichikmanta, iñisqaykichik allin noticiata willaku-naykichikpaq kallpanchakusqaykichik-manta hinaspa

Filipenses 4:8

Wawqe-panillaykuna, tukuykunay-paqmi nimuykichik, kaykunapiyá yuyaymanaychik: Cheqap kaqpi, respetanapaq kaqpi, allin ruwaypi, mana huchallikuypi, allin rimaypi, imapas allin alabanapaq kaqpi.

1~Tesalonicenses 4:12

Chaynapi Diosta mana reqsiqkunapas respetasunaykichikpaq chaynataq imapas mana pisipusunaykichikpaq.

1~Timoteo 2:2

Mañakunaykichiktaqmi lliw reykunapaqwan kamachikuqkunapaqpas, chaynapi allinlla, hawkalla, allin sonqoyuq hinaspa allinpaq qawasqa kawsananchikpaq.

1~Timoteo 4:12

Jovenraq kasqaykiraykuqa ama piwanpas despreciachikuychu, aswanqa iñiqkunapa ejemployá kay: Rimaynikipi, allin kawsaynikipi, kuyakuynikipi, iñiynikipi chaynataq chuya sonqo kaynikipipas.

1~Timoteo 5:10

Payqa wawankuna allin uywasqanwanmi, visitakuna allin chaskisqanwanmi, iñiqmasinkunapa chakin mayllaykusqanwanmi, ñakariqkunata yanapasqanwanmi hinaspa tukuy imapas allinkuna ruwasqanwanmi reqsichikuna.

Hebreos 13:18

Ñoqaykupaqyá Diosta maña-kuychik, ñoqaykupa sonqoykuqa hawkallam kachkan, tukuy kawsayniykupipas hawkalla kaytataqmi munaniku.

Hebreos 13:5

Amayá qollqella maskaymanqa qoku-ruychikchu, aswanqa imam kapusuqnikichikwanyá contentakuychik. Diosmi nirqa: Manapunim qonqasqaykichu nitaqmi saqesqaykichu, nispa.

Santiago 3:13

Qamkuna ukupi yachayniyuq hinaspa allin entiendeq runa kaspaqa allin kawsakuyninwan hinaspa llampu sonqo kayninwanyá yachayniyuq kasqanta reqsichikuchun.

1~Pedro 2:15

Kaymi Diospa munayninqa: Allin kaqta ruwaspa, mana yachayniyuq runakunapa rimasqanta upallachiymi.

1~Pedro 3:16

Ichaqa llampu sonqowan hinaspa respetowan ruwaychik, Cristopi iñiqkuna hina allinta kawsaychik, chaynapi allin kawsasqaykichikmanta mana allin rimaqkuna kikinku penqaypi kanankupaq.

1~Pedro 4:11

Pipas rimaspaqa Diospa palabranman hinayá rimachun, pipas yanapaspaqa Diospa atiy qosqanman hinayá yana-pachun, tukuy ruwasqaykichikqa Jesu-cristopi Dios alabasqa kananpaqyá kachun. Diosqa atiyniyuq kasqanraykuyá wiña-wiñaypaq qapaqchasqa kachun. Amén.

2~Pedro 3:11

Sichum tukuy imakunapas chayna chinkachisqa kanan kachkaptinqa, ¿imanasqamá manaqa chuya sonqochu kawsachwan?

Rutwan Sutichasqa Libro 3:14

Boozpa haytananpi puñusqanmantam Rutqa manaraq runa reqsiy horata hatarirurqa; chaynataqa ruwarqa Boozpa: “Amam pipas yachanqachu eraman warmi hamusqanta, nisqanraykum”.