1~Pedro 1:5 - CHUYA QELLQA La Biblia en Quechua de Ayacucho 2012

⁵ Qamkunaqa Diospi iñiyniyuq kasqaykichikraykum, payqa atiyninwan waqaychasunkichik salvación haypanaykichikpaq, chayqa allichasqañam kachkan tukupay punchawpi reqsisqa kananpaq.

Quechua Ayacucho Bible 1987

⁵ Qamkunaqa Diospi iñiyniyoqmi kankichik chaymi atiyninwan waqaychasunkichik salvasunaykichikpaq. Chaytaqariki Diosmi alistarqaña puchukay tiempokunapi reqsichinanpaq.

Chuya Qellqa 1992

⁵ Qamkunaqa Diospi iñiyniyuq kasqaykichikraykum, payqa atiyninwan waqaychasunkichik salvación haypanaykichikpaq, chayqa allichasqañam kachkan tukupay punchawpi reqsisqa kananpaq.

1~Pedro 1:5 Iomraidhean Croise

Jobwan Sutichasqa Libro 19:25

Ñoqaqa yachanim Salvawaqniypa kawsasqanta, payqa wañuyta venceruspanmi mana huchayuq kasqayta niykuwanqa.

Proverbios 2:8

Allin kawsakuqkunatam waqaychan, payman hapipakuqkunatam waqaychan.

Isaías 45:17

Tayta Diosmi ichaqa Israel llaqtanta wiñaypaq salvanqa, manañam penqaypaqñachu kankichik, nitaqmi pipas usuchisunkichikñachu.

Isaías 51:6

Cielokunata qawariychik, kay pachatapas qawariychik; cielokunapas qosni hinallam chinkarunqa, kay pachapas mawka pacha hinallam tukurunqa, runankunapas lliwmi puchukarunqa. Salvacionniymi ichaqa wiña-wiñaypaq takyanqa, allinkuna ruwasqayqa mana tukuqmi kanqa.

Isaías 54:17

Contraykipi armakuna ruwasqankupas manam imanasunkichu, juzgadopi acusasuqnikikunatapas upallachinkim. Tukuy chaykunam serviqniykunapa herencian kanqa, ñoqawanmi tukuy imapi vencenqaku. Tayta Diosmi chaynata nin.

Isaías 66:22

Ñoqa Tayta Diosmi nini: Imaynam musoqmanta unanchasqay hanaq pachapas chaynataq allpa pachapas wiñaypaq takyanqa, chaynam miraynikikunawan sutikipas takyanqa.

Jeremías 23:4

Paykunata michinanpaqmi michiqkunata churasaq, chaynapi manaña manchakunankupaq nitaq hukllapas chinkananpaq. Ñoqa Tayta Diosmi chaynata nini.

Jeremías 32:40

Paykunawanmi wiñaypaq pactota ruwasaq, hinaspaymi prometekusaq tukuy tiempo allinllata ruwanaypaq. Sonqonkumanmi manchakuyta churasaq, ñoqamanta mana haykapipas rakikuwanankupaq.

Juan 12:48

Pipas ñoqata wischupakuwaspa palabraykunata ma-na chaskiqpaqqa ñam juzgaqnin kach-kanña, ñoqapa palabraykunam paytaqa tukupay punchawpi juzganqa.

Juan 17:15

Mañakuykiqa manam kay pachamanta hurqonaykipaqchu aswanqa diablomanta waqaychanaykipaqmi.

Juan 4:14

Ñoqapa yaku qosqay tomaqmi ichaqa manaña haykapipas yakunayachikunqachu. Chay yaku qosqayqa runapim pukyu hina rikurirunqa, chay pukyum toqyamuspan wiñay kawsayta qonqa, nispa.

Juan 5:24

Cheqaptapunim nikichik, pipas palabraykunata uyarispa kachamuwaqniyta creeqqa wiñay kawsayniyuqmi, payqa manam condenasqañachu kanqa, aswanqa wañuymantam kawsaymanña pasarun.

Romanos 11:20

Arí, mana iñisqankuraykum kuchusqa karqaku, qamñataqmi ichaqa iñisqaykirayku paypa rantinpi allinta sayachkanki. Chaynaqa, Diospa qayllanpiqa ama hatun tukuychikchu aswanqa manchakuqyá kaychik.

Romanos 8:18

Yachasqayman hinaqa, kunan tiempo ñakarisqanchikqa, manam imallapipas rikchakunchu hamuq punchawkunapi kancharichkaq kawsayta kikin Diospa qowananchikwanqa.

1~Corintios 1:21

Kay pachapi runakunaqa kikinkupa yachayninwanmi Diosta mana reqsirqakuchu, hinaptinmi Diosqa hatun yachayniyuq kaspa iñiqkunata salvayta munarqa Cristomanta allin noticiata willachispan, chaynatam kay pachapi runakunapaq ruwarqa, kay allin noticia mana valeqpaq rikchakuchkaptinpas.

2~Corintios 1:24

Ñoqaykuqa manam iñisqaykichikpi munaychakuytachu munachkaniku, munachkanikuqa kusisqa kanaykichikpaq yanapaykuytam, qamkunaqa qaqa hinañam iñisqaykichikpi sayachkankichik.

Gálatas 2:20

Jesucristowan kuskam chakatasqa kachkani, manam ñoqañachu kawsani, aswanqa Cristoñam ñoqapi kawsachkan, kay pachapi kawsaspayqa Diospa Churinman iñikuspallam kawsachkani, paymi kuyawaspan ñoqapa rantiypi wañupuwarqa.

Efesios 2:8

Kuyakuyninraykulla iñiptikichikmi Diosqa salvaykusurqankichik, chayqa manam qamkunamantachu aswanqa Diospa mana imallapaq qosusqaykichikmi.

Efesios 3:17

Chaynapim iñisqaykichikman hina Cristoqa sonqoykichikpi yachanqa, hinaptinmi sapichakusqa hinaspa allin cimientasqa hina kuyanakuypi takyankichik.

Filipenses 1:6

Yachanipunim, qamkunapi allinkuna qallariq Diosninchikqa Jesucristo kutimunankama chay qallarisqanta tukunanta.

Filipenses 4:7

Diosninchikmi hawkayayta qosunkichik, chaytaqa manam runaqa entiendeyta atinchu, chay hawkayaymi sonqoykichiktawan yuyaymanaynikichikta Jesucristopi waqaychanqa.

2~Timoteo 3:15

Qamqa warma kasqaykimantaraqmi Chuya Qellqapi yachachikuykunata yacharqanki, chaykunaqa yachaytam qosunki Cristo Jesuspi iñispa salvakunaykipaq.

Tito 2:13

Chaynataqa kawsananchik ancha munayniyuq Dios salvaqninchik Jesucristopa sumaqllaña kancharichkaq kutimunanta kusikuywan hinaspa confianzawan suyaspanchikmi.

Hebreos 6:12

Amayá qellaqa kaychikchu, aswanqa iñiywan hinaspa pacienciawanyá Diospa promesan chaskiqkunapa ruwasqanta hina ruwaychik.

Hebreos 9:28

chaynataqmi Cristopas huk kutillata achkaqpa huchankunata apaspan wañurqa. Huktawan kay pachaman kutimuspanqa manam hucha pampachaqñachu hamunqa, aswanqa suyaqninkunata salvananpaqñam.

1~Pedro 1:13

Chaynaqa, listolla kaspayá imam ruwanaykichikmanta sumaqta yuyaymanaychik, rikchan-rikchanllayá kaychik Jesucristo rikurimuptin Diospa kuyakuyninman hina imam qosunaykichikta tukuy sonqoykichikwan suyaspa.

1~Pedro 4:13

Aswanqa Cristopa ñakariqmasin kasqaykichikraykuyá kusikuychik, chaynapi hanaq pachamanta suma-sumaq kanchariyninta qawaspa aswanraq kusikunaykichikpaq.

1~Pedro 5:1

Kunanñataqmi qamkuna ukupi kaq ancianokunata rimapayamuni, ñoqapas paykuna hina ancianom kani, rikurqanitaqmi Jesucristopa ñakarisqankunatapas, ñoqapas pay-kunawan kuskam suma-sumaq riku-rimuq achkiyman yaykusaq.

2~Pedro 1:3

Diosmi atiyninwan tukuy ima munasqanchikta kawsananchikpaq hinaspa servinanchikpaq qowarqanchik. Chaytaqa qowarqanchik hatun atiyninwan sumaq sonqo kayninwan pim qayawaqninchikta reqsichiwananchikpaqmi.

1~Juan 3:2

Kuyasqay wawqe-panikuna, Diospa churinñam kan-chik, aswanqa manaraqmi yachanchikchu imaynam kananchikmantaqa. Yachanchikmi ichaqa Jesucristo rikurimuptin payman rikchakuq kananchikta, paytam rikuykusun imaynam kasqanman hina.

Judas 1:1

Jesucristo serviq hinaspa Jacobopa wawqen ñoqa Judasmi Dios Taytapa kuyasqankunaman hinaspa qayasqan-kunaman qellqamuykichik. Qamku-naqa Jesucristopa waqaychasqanmi kachkankichik.

Judas 1:24

Sapallan salvaqninchik Diosmi atiyninwan waqaychasunkichik huchaman mana wichiykunaykichikpaq, payllam mana huchayuqta qayllanman kusisqata chayachisunkichik.

1~Samuel 2:9

Payqa hapipakuqninkunatam waqaychan, mana allin runakunam ichaqa tutayaypi chinkanqaku, manam pipas vencenmanchu kikinpa kallpallanwanqa.