1~Pedro 1:22 - CHUYA QELLQA La Biblia en Quechua de Ayacucho 2012

²² Kunanqa Espirituntakama cheqap kaqta kasukuspam, almaykichiktapas chuyancharunkichikña wawqe-panin-chikkunawan kuyanakunaykichikpaq. Chaynaqa, qamkunapurayá chuya sonqoykichikwan hinaspa tukuy kallpaykichikwan kuyanakuychik.

Quechua Ayacucho Bible 1987

²² Kunanqa cheqap willakuytaña kasukuspam almaykichiktapas limpiarunkichik huchamanta chaynapi cheqaptapuniña wawqe-paninchikkunawan kuyanakunaykichikpaq. Qamkunaqa limpio sonqollayá kuyanakuychik.

Chuya Qellqa 1992

²² Kunanqa Espirituntakama cheqap kaqta kasukuspam, almaykichiktapas chuyancharunkichikña wawqe-paninchikkunawan kuyanakunaykichikpaq. Chaynaqa, qamkunapurayá chuya sonqoykichikwan hinaspa tukuy kallpaykichikwan kuyanakuychik.

1~Pedro 1:22 Iomraidhean Croise

Juan 15:17

Kaytam kamachikichik: Huknikichikmanta huknikichikkamayá kuyanakuychik.

Juan 15:3

Qamkunaqa rimapayasqay palabraykunawanmi limpioña kachkankichik.

Juan 17:17

Cheqap kaynikiwanyá chuyanchay, palabraykiqa cheqapmi.

Juan 17:19

Paykunaraykum kikiypuni chuyanchakuni, chaynapi paykunapas cheqap palabraykiwan chuyanchakunankupaq.

Hechos 15:9

Diosqa manam ñoqanchikmanpas nitaq paykunamanpas sayapakunchu, aswanqa iñikuptinkum sonqonkuta chuyanchaykun.

Hechos 6:7

Diospa palabranta willakuptin-kum Jerusalén llaqtapi llapa iñiqkuna aswan-aswan mirarqaku. Judiokunamanta kaq sacerdotekunapas achkallañam Jesusman iñikurqaku.

Romanos 1:5

Diospa kuyakuyninman hinam apóstol kanaypaq Jesucristontakama akllasqa karqani, chaynapi llapallan nacionkuna Jesucristopi iñispanku payllataña kasukunankupaq.

Romanos 2:8

Kikillanpaq munaqkunatawan cheqap kaqkunata mana kasukuspa mana allinllapi puriqkunatam ichaqa piñakuywan castiganqa.

Romanos 8:13

Aychaman hinalla kawsaspaykichikqa wañunkichikmi; Chuya Espirituman hina aychapa ruwayninkunata wañuchispam ichaqa kawsankichik.

2~Corintios 6:6

Chaynataq chuyanchakuspayku, cheqap kaqta reqsispayku, pacienciakuspay-ku, sumaq sonqo kaspayku, Chuya Espirituyuq kaspayku, cheqapta kuyaspayku,

Gálatas 3:1

¡Yaw, Galacia lawpi kaq mana yuyayniyuqkuna! ¿Pitaq umacharusurqankichik cheqap kaqta mana kasukunaykichikpaq? Qamkunamanqa willarqaykikuñam Jesucristo chakatasqa kasqanmanta.

Gálatas 5:5

Ñoqanchikmi ichaqa Chuya Espiritupa yanapakuy-ninwan, mana huchayuqpaqña chaskisqa kananchikpaq iñiyllanchikwan suyachkanchik.

Gálatas 5:7

Qamkunaqa allintam kallpachkar-qankichik, hinaptinqa, ¿pitaq harka-rusurqankichik cheqap kaqta manaña kasukunaykichikpaqqa?

Efesios 4:3

Chuya Espiritupa yanapakuyninwanyá huk sonqolla kaychik, tukuy tiempopi hawkalla kawsanaykichikpaq.

Filipenses 1:9

Kaytam mañakuchkani, Diospa kuyakuynin qamkunapi aswan-aswan wiñananpaq chaynataq yachaytawan yuyayta qosunaykichikpaq,

1~Tesalonicenses 3:12

Señoryá huknikichikmanta huknikichikkama kuyanakuynikichikta llimparichichun, chaynallataq llapallan runakuna kuyanaykichikpaqpas, imaynam qamkunapaq kuyakuyniykuta hina.

2~Tesalonicenses 1:3

Wawqe-panillaykuna, qamkunamantam Diosman tukuy tiempo graciasta qonayku, chayqa allinmi, chaynataqa ruwanayku qamkunapa iñiynikichik wiñasqanraykum chaynataq sapakamapa kuyanakuynikichik mirasqanraykum.

2~Tesalonicenses 2:13

Señorpa kuyakusqan wawqe-panillaykuna, ñoqaykuqa tukuy tiempom qamkunamanta Diosman graciasta qonayku. Ñawpaqmantaraqmi Diosqa Espiritupa chuyanchakuyninwan akllasurqankichik, chaynapi cheqap kaqta chaskispa salvakunaykichikpaq.

1~Timoteo 1:3

Macedonia lawman rispay ruegakusqayman hinayá Éfeso llaqtapi qepaykuy wakinkunata kamachinaykipaq, chaynapi amaña sapaq yachachikuykunata yachachinankupaq.

1~Timoteo 1:5

Kay kamachikuykunaqa cheqaptapuni kuyanakunanchikpaqmi, chay kuyanakuyqa hamun, chuya sonqomanta, allin concienciayuqmanta hinaspa cheqap iñiyniyuqkunamantam.

1~Timoteo 4:12

Jovenraq kasqaykiraykuqa ama piwanpas despreciachikuychu, aswanqa iñiqkunapa ejemployá kay: Rimaynikipi, allin kawsaynikipi, kuyakuynikipi, iñiynikipi chaynataq chuya sonqo kaynikipipas.

1~Timoteo 5:2

Mayor señorakunataqa amayá qaqchaychu, aswanqa kuyakuywanyá mamaykita hina rimapayaykuy, sipaskunatapas panikikunata hinayá respetowan rimapayay.

2~Timoteo 1:14

Ñoqanchikpi kawsaq Chuya Espiritupa yanapakuyninwanyá yachachisqayta allinta waqaychay.

Hebreos 11:8

Iñiyllawanmi Abrahampas, Dios qayaykuptin kasukurqa, hinaspam llaqtanmanta lloqsirqa herencia chaskinan allpaman, chaymi lloqsirqa mana maymanpas rinanta yachastin.

Hebreos 13:1

Wawqe-panintin kuyanakuytaqa amayá saqeruychikchu.

Hebreos 5:9

Chaykunawan qespichisqa karuspanmi llapallan kasuqnin runakunapaq wiñaypaq salvaqnin rikurirun.

Hebreos 6:10

Diosqa allin ruwaqmi, paypaq llamkasqaykichiktaqa manam qonqanqachu, manataqmi qonqanqachu payta kuyaspa wawqe-panikunatapas yanapaspa kuyasqaykichiktapas, arí, chaynatam kunanpas servichkankichik.

Hebreos 9:14

Chayna kaptinqa, ¡mayna atiyniyuqmi Cristopa yawarninqa! Wiñay kawsaq Chuya Espirituntakamam Cristoqa kikinmanta Diosman ofrecekurqa, pasaypaq mana huchayuq ofrenda hina. Yawarninmi sonqonchikta mayllan wañuyman apawaqninchik mana allin ruwaykunamanta, chaynapi kawsaq Diosta servinanchikpaq.

Santiago 1:21

Tukuy mana allin ruwaykunata hinaspa millay munapayaykunata saqespa, Diospa siminta llampu sonqowan chaskiychik. Paypa palabranqa almaykichikta salvaykunapaq atiyniyuqmi.

Santiago 4:8

Diosmanyá asuykuychik, paypas qamkunamanmi asuykamusunkichik. Huchasapakuna, mana allin ruwasqaykichikmantayá chuyanchakuychik, iskayrayaqkuna sonqoykichiktayá chu-yanchaychik.

1~Pedro 1:2

Qamkunataqa Dios Taytam yachayninman hina ñawpaqmantaraq akllasurqankichik. Espiritunwanmi chuyanchasurqankichik kasukuq kanaykichikpaq hinaspa Jesucristopa yawarninwan mayllasqa kanaykichikpaq. Diospa kuyakuyninwan hinaspa hawkayayninyá qamkunapi llimparichun.

1~Pedro 2:17

Llapallantayá respetaychik, llapa iñiqmasikichiktapas kuyaychik, Diostapas hatunchaychik, reytapas kasukuychik.

1~Pedro 3:1

Warmikuna, qamkunapas qosaykichiktayá kasuychik, chaynapim Diospa palabranpi mana iñiq qosakunapas mana rimapayachkasqalla allin kawsasqaykichikta qawaspa iñikunqaku.

1~Pedro 3:20

Paykunam ñawpaq tiempokunapi mana kasukurqakuchu, arcata Noé ruwanankama pacienciawan Dios suyachkaptinpas. Arcapiqa pusaq runakunallam yakupi wañunankumanta salvakurqaku.

1~Pedro 3:8

Chaynaqa, llapallaykichikyá huk sonqolla kawsaychik, llakipayanakuspa, kuyanakuspa hinaspa lliwpaq allin runa kaychik.

1~Pedro 4:17

Ñam chayaramunña Diospi iñiqkunata juzganan punchaw, ñoqanchikwan juicio qallariptinqa, ¿imaynaraq kanqa Diospa allin notician mana kasukuqkunaqa?

1~Pedro 4:8

Tukuy imamantapas llalliriqtaqa kuyanakuychik-yá, kuyanakuyqa maynaña huchatapas pampachaykunmi.

2~Pedro 1:7

Dios yupaychaymanñataq, wawqe-panintin kuyanakuyta; wawqe-panintin kuyanakuymanñataq, runamasin kuyayta.

1~Juan 3:11

Ñawpaqmantaraq yachachikuy uyarisqaykichikqa kaymi: Huknikichikmanta huknikichikkamayá kuyanakuychik.

1~Juan 3:23

Kamachiwanchikqa Churin Jesucristoman iñinanchikpaqmi hinaspa kuyanakunanchikpaqmi.

1~Juan 4:12

Manam pipas Diostaqa hayka-pipas rikurqachu, sichum kuyanakup-tinchikqa, Diosqa ñoqanchikpim kachkan, chayna kaptinqa Diospa kuyakuyninmi ñoqanchikpi cheqap-ta qawachikun.

1~Juan 4:20

Sichum pipas: “Diostaqa kuyanim” nichkaspan runamasintañataq cheqninman, chayna runaqa llullam. Rikuchkasqan runamasinta mana kuyaspaqa, ¿imay-nataq mana rikusqan Diostaqa kuyan-man?

1~Juan 4:7

Kuyasqallaykuna, kuyanakusunchikyá, kuyakuyqa Diosmantam hamun. Pipas kuyakuqqa Diospa churinmi, payqa Diostam reqsin.

Apocalipsis 2:4

Ichaqa kaymi contraykipi kachkan: Manañam puntata hinañachu kuyawanki.