1~Juan 5:3 - CHUYA QELLQA La Biblia en Quechua de Ayacucho 2012

³ Diosta kuyayqa kamachikuyninkuna kasukuymi, kamachikuyninkunaqa manam sasa apaychu,

Quechua Ayacucho Bible 1987

³ Diosta kuyaspanchikqa kamachikuyninkunatapas kasukunchikmi, kamachikuyninkunaqa manam llumpay sasachu.

Chuya Qellqa 1992

³ Diosta kuyayqa kamachikuyninkuna kasukuymi, kamachikuyninkunaqa manam sasa apaychu,

1~Juan 5:3 Iomraidhean Croise

2~Reyes 18:6

Tayta Diosman hapipakuspanmi mana rakikurqachu, aswanqa Moisesman Tayta Diospa qosqan kamachikuykunatam kasukurqa.

Éxodo 20:6

Kamachikuyniyta kasukuspa kuyawaqniy runatam ichaqa waranqantin mirayninkama kuyasaq.

Proverbios 3:17

ñanninkunapas mayna sumaqmi, chayninta puriyqa hawkayaypi kawsakuymi.

Daniel 9:4

Tayta Diosta mañakuspaymi huchaykumanta kaynata willakurqani: Hatu-hatun manchakuypaq Señor Diosnilláy, kasuqnikikunawan pacto ruwasqaykita cumpliqmi kanki, kamachikuynikikuna kasukuqta kuyapayaykuqmi kanki.

Miqueas 6:8

Yaw runa, Tayta Diosmi allin kaqkunata reqsichisurqanki, ¿imatataq qanmanta Pay mañasunki? Allin arreglo ruwaq kanaykita, llakipayakuq kuyanaykita, Diosnikipa qayllanpi uchuychakunaykitam.

Mateo 23:4

Paykunaqa sasa kaqkunatam llasaq qepita qepichichkaq hina runakunaman kamachinku, ichaqa manam chulla dedollankuwanpas kuyuchiyta munankuchu.

Juan 14:15

Kuyawaspaykichikqa kamachikuyniykunatayá kasukuychik.

Juan 15:10

Sichum kamachikuyniykunata kasukuspaqa kuyakuyniypiyá takyaychik, imaynam ñoqapas Taytaypa kamachikuyninkunata kasukuspay paypa kuyakuyninpi takyasqayta hina.

Juan 15:14

Sichum kamachisqayta ruwaspaykichikqa amistadniykunam kankichik.

Romanos 7:12

Chaywanpas Diospa qosqan leyqa chuyam. Kamachikuykunapas chuyam, mana pantayniyuq hinaspa allinpunim.

Romanos 7:22

Sonqoypiqa Diospa ley-ninpim kusikuni;

Deuteronomio 5:10

Kamachikuyniyta kasukuspa kuyawaqniy runatam ichaqa waranqantin mirayninkama kuyapayasaq.

Deuteronomio 7:9

Señornikichik Tayta Diospa cheqap Dios kasqantayá reqsiychik. Payqa kuyaqninkunawanqa chaynataq kamachikuyninkuna kasukuqkunawanqa waranqantin miraykamapas kuyapayarispa pacto ruwasqanta cumpliqmi.

Hebreos 8:10

Chay punchawkuna pasaruptinmi Israel miraykunawan pactota ruwasaq. Ñoqa Señormi kaynata nini: Leyniykunatam yuyayninkuman churasaq, sonqonkupim qellqasaq, paykunapaqmi Diosninku kasaq, paykunañataqmi llaqtay kanqa.

1~Juan 2:3

Kamachikuyninkunata kasukuspam yachanchik Dios reqsisqanchikta.

2~Juan 1:6

Kuyanakuyqa Diospa kamachikuyninkunaman hina kawsakuymi, ñawpaq-mantaraq uyarisqaykipi hinapas kama-chiwarqanchikqa kuyanakuspa kawsa-nanchikpaqmi.