1~Juan 5:16 - CHUYA QELLQA La Biblia en Quechua de Ayacucho 2012

¹⁶ Sichum pipas rikunman wañuyman mana apakuq huchapi iñiqmasin kasqanta, hinaspaqa paypaqmi Diosta mañapunan, sichum chay huchallikusqan wañuyman mana apakuq kaptinqa Diosmi kawsachinqa. Kantaqmi wañuyman apakuq huchapas, chayna huchapi kaqpaqqa manam mañapuychikyá nikichikchu.

Quechua Ayacucho Bible 1987

¹⁶ Sichum pipas yachanman wañuyman mana apakuq huchapi iñiqmasin kasqanta hinaspaqa paypaqyá mañapuchun, sichum chay huchallikusqan wañuyman mana apakuq kaptinqa Diosmi kawsachinqa. Arí, kanmi wañuyman apakuq huchapas. Chayna huchallikuqpaqqa manam nikichikchu mañapunaykichikpaq.

Chuya Qellqa 1992

¹⁶ Sichum pipas rikunman wañuyman mana apakuq huchapi iñiqmasin kasqanta, hinaspaqa paypaqmi Diosta mañapunan, sichum chay huchallikusqan wañuyman mana apakuq kaptinqa Diosmi kawsachinqa. Kantaqmi wañuyman apakuq huchapas, chayna huchapi kaqpaqqa manam mañapuychikyá nikichikchu.

1~Juan 5:16 Iomraidhean Croise

Génesis 20:17

Abrahammi Diosta mañakurqa, chaymi Abimelecta, warminta chaynataq criadankunatapas sanoyachirqa, hinaptinmi chayraq wawayuq kayta atirqaku.

Génesis 20:7

Chaynaqa, kunanyá chay warmita qosanman kutichipuy, payqa profetaymi, mañapusunkim mana wañunaykipaq. Mana kutichipuspaykiqa llapallan runaykikunapiwanmi wañunki, nispa.

Éxodo 34:9

hinaspam nirqa: Señorlláy, cheqaptapuni kuyawaspaykiqa ñoqaykuwanyá riy. Señorlláy, llaqtaykiqa rumi sonqo runakunam, mana allin ruwasqaykutawan huchaykuta pampachaykuspayá runaykikunapaqña chaskiykullawayku, nispa.

Jeremías 11:14

Chaynaqa, Jeremías, amaña kay runakunarayku mañakuwaychu, nitaq qayakamuwaychu. Sasachakuypi kaspanku mañakuwaptinkupas manam uyarisaqchu.

Jeremías 14:11

Tayta Diosmi kaynata niwarqa: Amaña kay runakunapaq mañaku-wayñachu.

Jeremías 7:16

Yaw, Jeremías, amañayá kay runakunapaqqa mañakuwayñachu nitaq qaparispa qayakamuwayñachu amaña ruegawaychu. Manam uyarisqaykichu.

Ezequiel 22:30

Paykuna ukupim huk runata maskarqani, kay nacionpa rantinpi perqa hina sayaykuspa qayllaypi mañakuwaptin mana tuñirachinaypaq, ichaqa manam tarirqanichu.

Números 12:13

Chaymi kaynata qaparispan Tayta Diosta Moisés mañakurqa: Diosnilláy, Mariata sanoyaykachinaykipaqmi mañakuyki, nispa.

Números 15:30

Israelpa miraynin kaspapas otaq huklaw llaqtayuq kaspapas yachastin huchallikuqqa ñoqa Tayta Diostam insultawachkan, chayna runaqa llaqtamanta chinkachisqam kanqa.

Lucas 12:10

Pipas runapa Churinpa contranpi rimaqqa pampachasqam kanqa, Chuya Espiritupa contranpi rimaqmi ichaqa mana pampachasqachu kanqa.

Juan 17:9

Ñoqaqa paykunapaqmi ruegakuyki, manam kay pachapi wakin runakunapaqwanchu, aswanqa qowasqallaykipaqmi, paykunaqa qampam.

2~Timoteo 4:14

Herrero Alejandrom tukuy mana allinkunata ruwawarqa, Señorninchikmi kutichipunqa imam ruwasqanman hina.

1~Juan 5:17

Tukuy mana allin ruwaykunaqa hucham, ichaqa kanmi wañuyman mana apakuq huchakuna.

1~Samuel 12:19

Hinaspankum llapallan runakuna Samuelta nirqaku: Ama hina kaspayki Tayta Diosta mañaykapuwayku ama wañuchiwanankupaq, cheqaptapunim llumpay huchasapallaña kachkaspapas reyta mañakusqaykuwan aswanraq huchallikuruniku, nispanku.

1~Samuel 2:25

Sichum pipas runamasinpa contranpi huchallikuptinqa Diosmi allinyanachinman. Ichaqa pipas Tayta Diospa contranpi huchallikuptinqa, ¿pitaq paywan allinyanachinman? nispa. Chaynata taytanku niptinpas paykunaqa manam kasukurqakuchu. Tayta Diosqa ñam tantearurqaña paykunata wañurachinanpaq.