1~Juan 5:10 - CHUYA QELLQA La Biblia en Quechua de Ayacucho 2012

¹⁰ Pipas Diospa Churinman iñiqqa chay nisqantam tukuy sonqonwan chaskin. Pipas Diospa nisqanta mana creeqmi ichaqa Diosta llullapaq hapichkan.

Quechua Ayacucho Bible 1987

¹⁰ Pipas Diospa Churinman iñiqqa chay nisqantam tukuy sonqonwan chaskin. Pipas Diospa nisqanta mana creeqmi ichaqa Diosta llullapaq hapichkan.

Chuya Qellqa 1992

¹⁰ Pipas Diospa Churinman iñiqqa chay nisqantam tukuy sonqonwan chaskin. Pipas Diospa nisqanta mana creeqmi ichaqa Diosta llullapaq hapichkan.

1~Juan 5:10 Iomraidhean Croise

Jobwan Sutichasqa Libro 24:25

Mana chayna kaptinqa, ¿pitaq llullapaq kunan hapiwanman? Mana chayna kaptinqa ¿pitaq rimasqaykunata yanqachanman? nispa.

Proverbios 3:32

Tayta Diosmi millakun chayna runataqa, allin runatam ichaqa anchata kuyan.

Isaías 53:1

¿Pitaq willakusqaykuta cheqapmi nirqa? ¿Pimantaq atiyninta Tayta Dios rikuchirqa?

Jeremías 15:18

¿Imanasqataq kay nanayniyqa manaña tukuq? ¿Imanasqataq kay heridaykunaqa manaña hampiy atina? ¿Chakiruqlla yaku hinachu ñoqapaq rikurirunki? ¿Mana yakuyuq pukyu hinachu ñoqapaq rikurirunki? nispa.

Números 23:19

Diosqa manam runachu, manam payqa llullakunmanchu, tanteasqantapas manam yanqachanchu, imapas rimasqantaqa ruwanqapunim, imapas nisqantaqa cumplinqapunim.

Juan 3:16

Diosqa ancha-anchatam runakunata kuyarqa, chaymi sapallan Churinta qomurqa, pipas paypi iñiqqa mana wañunanpaq, aswanqa wiñay kawsayniyuq kananpaq.

Juan 3:18

Diospa Churinpi iñiqqa manam condenasqachu kanqa, mana iñiqmi ichaqa Diospa sapallan Churinpi mana iñisqanrayku condenasqaña kachkan.

Juan 3:33

Pipas willakusqanta chaskiqmi ichaqa Diospa rimasqanqa cheqap kasqanta willakun.

Juan 5:38

Manataqmi palabrantapas qamkunapiqa takyachinkichikchu, pim kamachimusqanpi mana creesqaykichikrayku.

Hechos 8:37

[Chaymi Felipeñataq nirqa: Tukuy sonqoykiwan iñiptikiqa allinmi, nispa. Hinaptinmi chay eunucoñataq nirqa: Creenim Jesucristoqa Diospa Churin kasqanta], nispa.

Romanos 8:16

Kikin Espiritum willan espiritunchik-man Diospa churinña kasqanchikta.

Gálatas 4:1

Kaytapas niymantaqmi: Pipas warmallaraq kaspanqa manaraqmi herenciataqa chaskinmanchu warmallaraq kasqanrayku. Payqa wasinpi esclavo hinallaraqmi kachkan dueñopuni kachkaspapas.

Gálatas 4:6

Churinkunaña kaptinchikmi, Diosqa Churinpa Espiritunta sonqonchikman kachamurqa, chay Espiritum rimachiwanchik “Abba Padre”, nispa.

Colosenses 3:3

Qamkunaqa huchapaqqa wañurunkichikñam, kawsaynikichikqa Cristopim pakasqa kachkan, chaytaqa Diosmi ruwarun.

Hebreos 3:12

Wawqe-panillaykuna, qamkuna ukupiqa amayá kachunchu rumi sonqo hinaspa mana iñiyniyuq runakunaqa, chaynapi kawsaq Diosmanta ama rakikunaykichikpaq.

2~Pedro 1:19

Kay uyarisqaykumantapas aswan hapipakunapaqqa profetakunapa qell-qasqanmi kapuwachkanchik. Allintam ruwankichik chay qellqasqankuta tuta-yaypi ratachkaq mecherota hina sumaq-ta qawaspaykichikqa, chaynatam ruwankichik pacha achikyamunan-kama hinaspa achikyaq chaska lloq-simuspan sonqoykichikta kanchari-munankama.

1~Juan 1:10

Sichum nisunchik: “Manam huchallikunichu” nispa, hinaspaqa Diostam llullapaq hapichkanchik, chaynapiqa palabranqa manam ñoqanchikpichu kachkan.

1~Juan 5:1

Jesusqa Cristo kasqanta creeqkunaqa Diospa churinñam, haykam taytan kuyaqkunaqa, taytanpa churinkunatapas kuyananmi.

Apocalipsis 12:17

Hinaptinmi Dragonqa warmipa contranpi piñakururqa, hinaspam chay warmipa mirayninpa contranpi peleaq pasarqa, chay miraykunaqa Diospa kamachikuynin kasukuqkunam hinaspa Jesuspi iñiqkunam karqaku.

Apocalipsis 2:17

Pipas uyarikuqqa, iñiqkunaman Espiritupa nisqanta uyarichun, venceq-manqa Diospa apachimusqan pakasqa maná sutiyuq mikuytam mikuchisaq hinaspam yuraq rumichata qosaq. Chay rumichapim musoq suti qellqasqa kanqa, chaytaqa manam pipas reqsinmanchu aswanqa chaskiqllanmi, nispa.

Apocalipsis 2:28

qosaqtaqmi achikyaq chaskakunatapas.