1~Juan 4:9 - CHUYA QELLQA La Biblia en Quechua de Ayacucho 2012

⁹ Dios-ninchikmi sapallan Churinta kay pachaman kachamurqa payrayku wiñay kawsayniyuq kananchikpaq, chaynatam Diosninchikqa kuyawasqanchikta qawachiwarqanchik.

Quechua Ayacucho Bible 1987

⁹ Diosninchikmi sapallan Churinta kay pachaman kachamurqa payrayku wiñay kawsayniyoq kananchikpaq, chaynatamá Diosninchikqa kuyawasqanchikta qawachiwarqanchik.

Chuya Qellqa 1992

⁹ Diosninchikmi sapallan Churinta kay pachaman kachamurqa payrayku wiñay kawsayniyuq kananchikpaq, chaynatam Diosninchikqa kuyawasqanchikta qawachiwarqanchik.

1~Juan 4:9 Iomraidhean Croise

Génesis 22:2

Chaymi Dios nirqa: Moriah lawman riy kuyasqayki sapallan churiki Isaacta pusarikuspa, chaypi payta kañaspa ofrecemuway, ñoqam nisqayki mayqan orqopim ruwanaykitapas, nispa.

Marcos 12:6

Chaynapim kuyasqan sapallan churillanña puchururqa, hinaptinmi paytaña kacharqa: “Churiytaqa respetanqakum” nispan.

Lucas 4:18

“Tayta Diospa Espiritunmi ñoqapi kachkan, Tayta Diosmi sapaqchawaspan kamachiwarqa, wakchakunaman allin noticiata willakamunaypaq, llakisqa sonqoyuqkunata sanoyachimunaypaq, presokuna kacharisqa kanankupaq willamunaypaq, ñawsakunata ñawinta kichamunaypaq, ñakarichisqakunata libramunaypaq,

Juan 10:10

Suwaqa hamun suwakuqmi, wañuchiqmi hinaspa purmachiqmi. Ñoqam ichaqa hamurqani kawsanaykichikpaq hinaspa kawsaypa huntasqan kanaykichikpaq.

Juan 14:6

Jesusñataqmi nirqa: Ñoqam kani ñan, cheqap kaqpas chaynataq kawsay qokuqpas. Taytaymanqa manam pipas chayanmanchu mana ñoqantakamaqa.

Juan 3:16

Diosqa ancha-anchatam runakunata kuyarqa, chaymi sapallan Churinta qomurqa, pipas paypi iñiqqa mana wañunanpaq, aswanqa wiñay kawsayniyuq kananpaq.

Juan 3:18

Diospa Churinpi iñiqqa manam condenasqachu kanqa, mana iñiqmi ichaqa Diospa sapallan Churinpi mana iñisqanrayku condenasqaña kachkan.

Juan 5:23

chaynapi Taytata yupaychasqankuta hina Churitapas yupay-chanankupaq. Churita mana yupaychaqqa manam kachamuqnin Taytatapas yupay-chanchu.

Juan 6:29

Jesusñataqmi nirqa: Diospa munasqan ruwayqa paypa kachamusqanpi iñiymi, nispa.

Juan 6:51

Ñoqam kani hanaq pachamanta hamuq kawsay qokuq tanta, pipas chay tantata mikuqqa wiñaypaqmi kawsanqa. Ñoqapa qosqay tantaqa aychaymi, chaytaqa llapa runakuna kawsananpaqmi qosaq.

Juan 6:57

Imaynam kachamuwaqniy Taytay kawsan, ñoqapas paypim kawsani, chaynam aychay mikuqpas ñoqapi kawsanqa.

Juan 8:29

Kachamuwaqniyqa ñoqawanmi kachkan, Taytaqa manam sapallaytachu saqeruwan, ñoqaqa paypa munasqantam tukuy tiempo ruwani, nispa.

Juan 8:42

Jesusñataqmi nirqa: Sichum Dios kanman taytaykichik hinaptinqa kuyawankichikmanchá. Ño-qaqa Diosmanta hamuspaymi kaypi kachkani, manam kikillaymantachu hamurqani aswanqa Diosmi kachamu-warqa.

Juan 9:3

Jesusñataqmi nirqa: Manam kikinpa huchanmantachu nitaqmi tayta-mamanpa huchanmantachu, aswanqa Diospa ruwasqankuna paypi qawachikunanpaqmi.

Romanos 8:32

Sichum Diosqa kikinpa Churintapunipas rantinchikpi wañunanpaq qowachkaspanchikqa, ¿manachum Churintawan kuskata tukuy imatapas mana imallapaq qowasunchik?

Hebreos 1:5

¿Mayqannin angeltataq Diosqa nirqa: Qanmi Churiy kanki, kunanmi ñoqa Taytayki kani, nispa? Nirqataqmi: Ñoqam paypaq Taytan kasaq. Payña-taqmi ñoqapaq Churiy kanqa, nispapas.

1~Juan 3:16

Kaywanmi yachanchik imaynam kuyakuy kasqanta, Jesucristom vidanta qorqa ñoqanchikrayku, chaynam ñoqanchikpas runamasinchikrayku vidanchikta qonanchik.

1~Juan 4:10

Cheqap kuyakuyqa kaynam: Manam ñoqanchikchu Diostaqa kuyarqanchik, aswanqa paymi ñoqanchikta kuyawaspanchik sapallan Churinta kachamurqa rantinchikpi wañunanpaq, chaynapi huchanchikkuna pampachasqa kananpaq.

1~Juan 4:16

Chaynapim Diospa kuyawasqanchikta creenchik hinaspa yachanchik. Diosqa llumpay kuyakuqmi, pipas kuyakuypi takyaqqa Diospim takyan, Diospas paypitaqmi takyan.

1~Juan 5:11

Diospa nisqanqa kaymi: Diosmi wiñay kawsayta qowarqanchik, chay wiñay kawsayqa tarikun Churin Jesucristollapim.

1~Juan 5:13

Diospa Churinpi iñikuqkunamanmi kaykunata qellqamuykichik, chaynapi wiñay kawsayniyuqña kasqay-kichikta yachanaykichikpaq.