1~Juan 4:17 - CHUYA QELLQA La Biblia en Quechua de Ayacucho 2012

¹⁷ Chaynatam ñoqanchikpi qawachikun Diospa kuyakuynin, juicio punchawpi confianzawan kananchikpaq, imaynam Jesucristo chaynam ñoqanchikpas kay pachapi kanchik.

Quechua Ayacucho Bible 1987

¹⁷ Dios hina kuyakuqña kaspanchikmi juicio punchawpiqa manaña imamantapas manchakusunchu. Kay pachapiqa kawsachkanchik Jesucristo hinam.

Chuya Qellqa 1992

¹⁷ Chaynatam ñoqanchikpi qawachikun Diospa kuyakuynin, juicio punchawpi confianzawan kananchikpaq, imaynam Jesucristo chaynam ñoqanchikpas kay pachapi kanchik.

1~Juan 4:17 Iomraidhean Croise

Mateo 10:15

Cheqaptapunim nikichik, chay llaqtaqa juicio punchawpim Sodoma hinaspa Gomorra llaqtakunamantapas aswan castigasqa kanqa.

Mateo 10:25

Discipulo-paqqa yachachiqnin hinalla kayninmi allinqa, criadopaqpas allinqa patronnin hina kayninmi. Sichum ñoqatapuni Beelzebuwan sutichawachkaspankuqa aswanraqchiki qamkunataqa.

Mateo 11:22

Chayraykum juicio punchawpiqa Tiro llaqtamantapas chaynataq Sidón llaqtamantapas aswan castigasqa kankichik.

Mateo 11:24

Chayraykum juicio punchawpiqa Sodoma chaynataq Gomorra llaqtakunamantapas aswan castigasqa kanki, nispan.

Mateo 12:36

Nikichikmi, juicio punchawpim tukuy mana allinkuna rimasqaykichikmanta llapallaykichik cuentata qonkichik.

Juan 15:20

Palabraykunatayá yuya-riychik: Sirvienteqa manam patron-ninmanta aswan munayniyuqchu. Ño-qata qatikachawachkaspankuqa qam-kunatapas qatikachasunkichikmi; pala-braykunata kasukuptikichikqa qamkunapa nisqaykichiktapas kasukunqakum.

Juan 17:22

Hatunchawasqaykiman hi-nam ñoqapas paykunata hatuncharqani, chaynapi qanwan huklla kasqanchikpi hina paykunapas huklla kanankupaq.

Romanos 8:29

Diosqa ñawpaqmantaraq reqsisqankunatam Churinman rikchakuqña kanankupaq akllaykurqa, chaynapi Churin Cristoqa llapallanchikpa piwi wawqenchik kananpaq.

Hebreos 9:27

Diospa citasqanman hinaqa huk kutillatam runakunaqa wañunqa, chaypa qepantañataqmi juicio hamunqa,

Santiago 2:13

Pipas runamasin mana llakipayaqtaqa juicio punchawpim paytapas Cristo mana llakipayanqachu, runamasin llakipayaqtam ichaqa llakipayanqa.

Santiago 2:22

Qawaychikyá, Abrahamqa iñiynintam ruwayninwan qawachikurqa, hinaptinmi iñiyninqa aswan allin qawasqa karqa ruwayninkunawan.

2~Pedro 2:9

Señorqa yachanmi, sasachakuykunamanta serviqninkuna libraytaqa, mana allin runakunatañataqmi ñakarichisparaq juicio punchawpaq waqaychachkan.

2~Pedro 3:7

Kunan kaq cielokunawan kay pachaqa, Diospa rimarisqanman hinam juicio punchawpi ninawan tukusqa kananpaq waqaychasqa kachkan, chaypitaqmi huchasapa runakunapas chinkachisqa kanqaku.

1~Juan 2:28

Churillaykuna, kunanqa Jesucris-topiyá takyaychik chaynapi pay kutimuptin penqakuymanta ama ayqenanchikpaq.

1~Juan 2:5

Diospa palabrankunata kasukuspa waqaychaqpiqa Diospa kuyakuyninmi cheqapta qawachikun, chayraykum yachanchik Dioswan huklla kasqanchikta.

1~Juan 2:6

“Dioswanmi hukllaña kachkani” niqqa Jesucristopa kawsasqanman hinam purinan.

1~Juan 3:1

Qawariychik, mayna-maynatam Dios Taytaqa kuyawanchik, Diospa churinwan sutichasqa kananchikpaq. Chayraykum kay pachapi runakunaqa mana reqsiwanchikchu, Diosta mana reqsisqankurayku.

1~Juan 3:3

Pipas paypi confiakuspan suyaqqa huchankunamantam chuyanchakun, imaynam Jesucristopas mana huchayuq kasqanman hina.

1~Juan 3:7

Churillaykuna, amayá piwanpas engañachikuychikchu, pipas allin ruwaqqa Jesucristo hina allin ruwaqmi.

1~Juan 4:12

Manam pipas Diostaqa hayka-pipas rikurqachu, sichum kuyanakup-tinchikqa, Diosqa ñoqanchikpim kachkan, chayna kaptinqa Diospa kuyakuyninmi ñoqanchikpi cheqap-ta qawachikun.