1~Juan 4:11 - CHUYA QELLQA La Biblia en Quechua de Ayacucho 2012

¹¹ Kuyasqallaykuna, sichum Diosnin-chik kuyawachkaptinchikqa, ñoqan-chikpas chaynatam kuyanakunanchik.

Quechua Ayacucho Bible 1987

¹¹ Kuyasqallaykuna, sichum chaynata Diosninchik kuyawachkaptinchikqa ñoqanchikpas kuyanakuytam debenchik.

Chuya Qellqa 1992

¹¹ Kuyasqallaykuna, sichum Diosninchik kuyawachkaptinchikqa, ñoqanchikpas chaynatam kuyanakunanchik.

1~Juan 4:11 Iomraidhean Croise

Lucas 10:37

Hinaptinmi Diospa leynin yacha-chiqñataq nirqa: Paymanta llakipayarikuqmi, nispan. Chaymi Jesusñataq nirqa: Qampas chaynatayá ruwamuy, nispa.

Juan 13:34

Musoq kamachikuytam qoykichik, huknikichikmanta huknikichikkama kuyanakuychik. Imaynam ñoqa kuyaykichik chaynatayá qamkunapas huknikichikmanta huknikichikkama kuyanakuychik.

Efesios 4:31

Qamkunamantayá kaykunata wischuychik: Piñakuyta, rabiakuyta, cheqnikuyta, qaqchakuyta, insultanakuyta chaynataq tukuy mana allin ruwaytapas.

Colosenses 3:13

Huknikichikmanta huknikichikkamayá aguantanakuychik pipapas quejan kaptinqa pampachanakuykuychikyá, imaynam Señorpas pampachasusqaykichikman hinayá qamkunapas ruwaychik.

1~Juan 2:7

Kuyasqay wawqe-panillaykuna, manam musoq kamachikuytachu qellqamuchkaykichikqa, aswanqa ñawpaqmantaraq chaskisqaykichik kamachikuykunallatam. Chay ñawpaq kamachikuyqa uyarisqaykichik Diospa palabranmi.

1~Juan 3:11

Ñawpaqmantaraq yachachikuy uyarisqaykichikqa kaymi: Huknikichikmanta huknikichikkamayá kuyanakuychik.

1~Juan 3:23

Kamachiwanchikqa Churin Jesucristoman iñinanchikpaqmi hinaspa kuyanakunanchikpaqmi.

1~Juan 4:7

Kuyasqallaykuna, kuyanakusunchikyá, kuyakuyqa Diosmantam hamun. Pipas kuyakuqqa Diospa churinmi, payqa Diostam reqsin.

2~Juan 1:5

Señora, kunanñataqmi ruegakamuyki lliwchanchikyá kuyanakusun. Kay qellqamusqayqa manam musoq kamachikuychu, aswanqa ñawpaqmantaraq Diospa qowasqanchik kamachikuymi.