1~Juan 4:1 - CHUYA QELLQA La Biblia en Quechua de Ayacucho 2012

¹ Kuyasqallaykuna, amayá Diospa espiritunpa huntasqanmi kani niqkunapiqa creeychikchu, aswanqa allintayá qatipaykuychik Diospa otaq Satanaspa kasqanta yachanaykichikpaq. Achkallañam kay pachapi pantachikuq profetakuna rikuriramunku.

Quechua Ayacucho Bible 1987

¹ Kuyasqallaykuna, amayá “Diospa yachachisqanmi kani” niqkunataqa llapallantachu creeychik, aswanqa allintayá pruebaychik Diospa otaq *f**Satanaspa yachachisqan kasqanta yachanaykichikpaq. Achkallañam kay pachapi rikurimuchkanku “Diosmanta willakuqmi kani” niq llulla runakuna.

Chuya Qellqa 1992

¹ Kuyasqallaykuna, amayá Diospa espiritunpa huntasqanmi kani niqkunapiqa creeychikchu, aswanqa allintayá qatipaykuychik Diospa otaq Satanaspa kasqanta yachanaykichikpaq. Achkallañam kay pachapi pantachikuq profetakuna rikuriramunku.

1~Juan 4:1 Iomraidhean Croise

1~Reyes 13:18

Ichaqa chay yuyaqña profetam llullakuspan nirqa: Ñoqapas qam hina profetam kani. Tayta Diospa angelninmi niwarqa wasiyman pusaspay mikuchinaypaq hinaspa yakuta tomachinaypaq, nispa.

Proverbios 14:15

Mana yuyayniyuq runaqa imataña nisqankutapas chiqappaqmi hapirun, yachayniyuq runam ichaqa allinta tanteakuykuspan imatapas ruwan.

Jeremías 14:14

Hinaptinmi Tayta Diosñataq niwarqa: Paykunaqa sutiypi profetizaspan-kupas llullakuchkankum, paykunataqa manam kachamurqanichu nitaqmi rimapayarqanichu. Paykunaqa yanqa revelaciontam, yanqa visionkunatam, sonqonkumanta yanqakuna hurqos-qankutam profetizachkanku.

Jeremías 23:16

Tukuy Atiyniyuq Tayta Diosmi kaynata nin: Chay profetakunapa rimasqantaqa ama kasuychikchu, paykunaqa llullallatam willasuchkankichik, kikinkupa tanteasqallankutam rimapayasuchkankichik, mana rimasqaykunatam paykunaqa nisuchkankichik.

Jeremías 5:31

Profetakunam llullata profetizanku, sacerdotekunam munayninkuman hina kamachikunku, runaykunañataqmi paykunaman hapipakunku. Ichaqa, ¿imatataq tukupay punchaw chayamuptin ruwankichik?

Marcos 13:21

Chaynaqa, sichum pipas nisunkichik: “Qawaychik, kaypim Cristo kachkan”, otaq “Wakpim Cristo kachkan” nispa, hinaptinqa amam creenkichikchu.

Lucas 12:57

Kikillaykichikqa, ¿manachu allin arregloman hina imatapas allichawaqchik?

Lucas 21:8

Jesusñataqmi nirqa: Pipas pantachisunaykichikmantayá allinta cuidakuychik. Achkaqmi sutiypi hamunqaku: “Ñoqam kani Cristo, ñam tiempoqa chayaramunña”, nispan-ku. Ichaqa amam paykunataqa kasunkichikchu.

Hechos 17:11

Chay Berea llaqtapi kaq judiokunaqa Tesalonicapi kaqkunamantapas allin yuyayniyuq runakunam karqaku. Paykunam kusikuyllawanña Diospa palabranta uyarispanku Chuya Qellqata sapa punchaw allinta qatiparqaku, cheqap kasqanta otaq mana cheqap kasqanta yachanankupaq.

Hechos 20:29

Yachanim, ñoqa pasakuptiyqa pantachikuqkuna hamunanta, paykunam yarqasqa atoqkuna hina, iñiqkunata chinkarachiyta munanqaku.

1~Corintios 12:10

wakinmanñataq milagrokuna ruwananpaq, wakinmanñataqmi pro-fetizananpaq, wakinmanñataq espiritukunata reqsinanpaq, wakinmanñataq mana reqsisqa rimaykunata rimananpaq, wakinmanñataq chay rimaykuna uya-risqanta interpretananpaq.

1~Corintios 14:29

Chaynataqyá profetakunapas iskay otaq kimsalla rimachunku wakinkunañataq allinta uyarispanku imam ninanta juzgachunku.

1~Tesalonicenses 5:20

Amataqyá profeciakunatapas despreciaychikchu.

1~Tesalonicenses 5:21

Tukuy ima profetizasqankutapas pruebaspayá allin kaqta waqaychaychik,

2~Tesalonicenses 2:2

Amayá chayllaqa piwanpas engaña-rachikuychikchu, amataqyá mancha-rikuychikchu “Señorpa kutimunan punchawqa chayaramunñam” nispa willasuptikichikpas. Willasunkichikqa Espiritupa atiyninwan rimachkaq hinaraqmi, sumaq palabrawanraqmi hinaspa cartaykutapas chaskichkaq hinaraqmi.

1~Timoteo 4:1

Cheqaptam Chuya Espirituqa willawanchik tukupay punchaw-kunapiqa wakinkunam iñiyninku-ta qepanchakunqaku hinaspa enga-ñakuq espiritutaña kasukuspanku, demoniokunapa yachachikuyninkunataña chaskispanku,

2~Timoteo 3:13

Mana allin runakuna hinaspa engañakuq runakunam ichaqa aswan-aswanraq mana allinman chayanqaku, pantachispankum paykunapas pantachisqa kanqaku.

2~Pedro 2:1

Israel ukupiqa karqataqmi pan-tachikuq profetakunapas, chaynam qamkuna ukupipas pantay yachachi-kuqkuna kanqa. Paykunam mana musyachikuspalla pantay yachachi-kuykunata yachachinqaku, salvaqnin Señortapas neganqakum, chayqa kanqa kikinkupa condenasqa kanan-kupaqmi.

1~Juan 2:18

Kuyasqay churillaykuna, ñam tukupay tiempopiña kachkanchik. Anticristopa hamunanmantaqa ñam uyarirqankichikña, chaymi kunanqa achkallaña anticristokuna rikuriramunku, chaynapim yachanchik tukupay tiempoña kasqanta.

1~Juan 2:7

Kuyasqay wawqe-panillaykuna, manam musoq kamachikuytachu qellqamuchkaykichikqa, aswanqa ñawpaqmantaraq chaskisqaykichik kamachikuykunallatam. Chay ñawpaq kamachikuyqa uyarisqaykichik Diospa palabranmi.

2~Juan 1:7

Achkaq pantachikuqkunam kay pachapi purichkanku, paykunaqa Jesucristopa runa kayninpi hamusqantapas negankum, chayna yachachiqkunaqa pantachikuqmi hinaspa anticristom.

3~Juan 1:11

Kuyasqay wawqelláy, qamqa amayá mana allin ruwasqantaqa qatipakuychu, aswanqa allin kaqtayá ruway. Allin ruwaqkunaqa Diospam, mana allin ruwaqkunam ichaqa Diosta mana reqsinkuchu.

Apocalipsis 2:2

Ñoqaqa yachanim imam ruwasqaykita, yachanitaqmi llumpay llamkasqaykitawan hinaspa pacienciayuq kasqaykitapas. Yachanitaqmi mana allin ruwaqkunata mana aguantay atisqaykitapas. “Apostolmi kani” niqkunatapas allinta qatipaykuspaykim llulla kasqankuta hayparurqanki.