1~Juan 3:2 - CHUYA QELLQA La Biblia en Quechua de Ayacucho 2012

² Kuyasqay wawqe-panikuna, Diospa churinñam kan-chik, aswanqa manaraqmi yachanchikchu imaynam kananchikmantaqa. Yachanchikmi ichaqa Jesucristo rikurimuptin payman rikchakuq kananchikta, paytam rikuykusun imaynam kasqanman hina.

Quechua Ayacucho Bible 1987

² Kuyasqallaykuna, Diospa churinñam kanchik, aswanqa manaraqmi yachanchikchu imaynam kananchikmantaqa. Yachanchikmi ichaqa Jesucristo rikurimuptin payman rikchakuq kananchikta, paytamá rikuykusun imaynam kasqanman hina.

Chuya Qellqa 1992

² Kuyasqay wawqe-panikuna, Diospa churinñam kanchik, aswanqa manaraqmi yachanchikchu imaynam kananchikmantaqa. Yachanchikmi ichaqa Jesucristo rikurimuptin payman rikchakuq kananchikta, paytam rikuykusun imaynam kasqanman hina.

1~Juan 3:2 Iomraidhean Croise

Jobwan Sutichasqa Libro 19:26

Kay aychayña lliw wichiriruptinpas, kikiypunim Diosta rikuykusaq.

Isaías 56:5

hinaptinqa paykunamanmi churikuna qonaymantapas aswan allin kaqkunata qosaq, temploypa perqankunapim sutinkuta qellqachisaq, mana chinkaq wiñaypaq takyaq sutitam qosaq.

Malaquías 3:2

Ichaqa, ¿pitaq aguantayta atinman paypa hamunan punchawta? ¿Pitaq pay chayamuptin sayayta atinman? Payqa chuyanchawananchikpaqmi nina hina chayamunqa; jabón hinam huchanchikmanta mayllawasun.

Mateo 5:8

Mayna kusisqam chuya sonqoyuqkunaqa, paykunam Diosta rikunqaku.

Lucas 17:30

Chaynapunim kanqa runapa Churin rikuriykamuptinpas.

Lucas 20:36

Pay-kunaqa manam wañunqakuñachu, angelkuna hinañam kanqaku, kawsarimusqankuraykum Diospa churinkunaña kanqaku.

Juan 1:12

Haykam payta chaskispa iñiqninkunamanmi ichaqa atiyta qorqa Diospa churinña kanankupaq.

Juan 11:52

Jesusqa wañunan karqa manam paykunapa rantillanpichu aswanqa Diospa cheqesqa churinkunata hukllaman huñunanpaqwanmi.

Juan 17:24

Taytáy, qanmi qowarqanki paykunata chaymi munani paykunapas ñoqapa kasqaypi kanankuta, chaynapi hatunchawasqaykita qawanankupaq. Manaraqpas kay pacha unanchasqa kachkaptinmi qamqa kuyawarqankiña.

Romanos 8:16

Kikin Espiritum willan espiritunchik-man Diospa churinña kasqanchikta.

Romanos 8:18

Yachasqayman hinaqa, kunan tiempo ñakarisqanchikqa, manam imallapipas rikchakunchu hamuq punchawkunapi kancharichkaq kawsayta kikin Diospa qowananchikwanqa.

Romanos 8:19

Tukuy ima unan-chasqa kaqkunam sinchi munakuywan suyachkanku churinkunaña kasqanchikta Dios reqsichinanta.

Romanos 8:29

Diosqa ñawpaqmantaraq reqsisqankunatam Churinman rikchakuqña kanankupaq akllaykurqa, chaynapi Churin Cristoqa llapallanchikpa piwi wawqenchik kananpaq.

1~Corintios 13:12

Kunanqa espejopi hinam chinka-chinkallata qawachkanchik, ichaqa huk punchawmi imam kaqta rikusunchik. Kunanqa reqsini wakillantam, chay punchawmi ichaqa tukuy imata reqsisaq imaynam ñoqata Dios reqsiwasqanta hina.

1~Corintios 15:49

Imaynam allpamanta ruwasqa runaman rikchakunchik, chaynataqmi hanaq pachapi kaqmanpas rikchakusunchik.

1~Corintios 2:9

Imaynam Qellqapa kayna nisqanman hina: “Diosmi kuyaqninkunapaq prepararqa, mana pipapas rikusqanta, mana pipapas uyarisqanta, mana pipapas piensasqanta”.

2~Corintios 3:18

Ñoqanchikpas uyanchik manaña velowan tapasqa kaptinmi Señorpa sumaqllaña kayninwan huk espejo hina achkirinchik. Ñoqanchikqa Cristomanñam aswan-aswan rikchakuchkanchik, paypa achkiriyninpas sapa kutim ñoqanchikpi kachkan. Chaytaqa Señormi ruwachkan. Payqa Espiritum.

2~Corintios 4:17

Ñakariykunaqa pisillam hinaspa pasaruqllam, chaymantañam chaskisunchik mana imawanpas tupachiy atina wiña-wiñaypaq hatun kaqkunata.

Gálatas 3:26

Jesucristoman iñikuspaqa llapallaykichikmi Diospa churinña kankichik.

Gálatas 4:6

Churinkunaña kaptinchikmi, Diosqa Churinpa Espiritunta sonqonchikman kachamurqa, chay Espiritum rimachiwanchik “Abba Padre”, nispa.

Filipenses 3:21

Paymi kay ñakariq cuerponchikta musoqyachinqa suma-sumaq kanchariq cuerponman rikchakuqtaña, chaytaqa ruwanqa tukuy imapa hawanpi munaychakuq atiyninwanmi.

Colosenses 3:4

Qamkunapa kawsaynikichikqa Cristom, pay rikurimuptinmi qamkunapas paywan kuska kancharichkaqña rikurimunkichik.

Hebreos 9:28

chaynataqmi Cristopas huk kutillata achkaqpa huchankunata apaspan wañurqa. Huktawan kay pachaman kutimuspanqa manam hucha pampachaqñachu hamunqa, aswanqa suyaqninkunata salvananpaqñam.

2~Pedro 1:4

Chaynintakamam ancha valorniyuq hatun promesankunata qowarqanchik, chaynapi Dioswan huklla kananchikpaq hinaspa kay pachapi mana allin ruway munasqanchikmanta ayqenanchikpaq.

1~Juan 2:28

Churillaykuna, kunanqa Jesucris-topiyá takyaychik chaynapi pay kutimuptin penqakuymanta ama ayqenanchikpaq.

1~Juan 2:7

Kuyasqay wawqe-panillaykuna, manam musoq kamachikuytachu qellqamuchkaykichikqa, aswanqa ñawpaqmantaraq chaskisqaykichik kamachikuykunallatam. Chay ñawpaq kamachikuyqa uyarisqaykichik Diospa palabranmi.

1~Juan 3:1

Qawariychik, mayna-maynatam Dios Taytaqa kuyawanchik, Diospa churinwan sutichasqa kananchikpaq. Chayraykum kay pachapi runakunaqa mana reqsiwanchikchu, Diosta mana reqsisqankurayku.

1~Juan 3:10

Suti reqsiyllam Diospa churinkunaqa, suti reqsiyllataqmi diablopa churinkunapas. Allin kaqkunata mana ruwaqqa hinaspa runamasinta mana kuyaqqa, manam Diospa churinchu.

1~Juan 3:21

Kuyasqallaykuna, sonqonchik mana acusawaptinchikqa Diospim confian-zanchik kachkan,

1~Juan 5:1

Jesusqa Cristo kasqanta creeqkunaqa Diospa churinñam, haykam taytan kuyaqkunaqa, taytanpa churinkunatapas kuyananmi.

Apocalipsis 2:28

qosaqtaqmi achikyaq chaskakunatapas.

Apocalipsis 22:4

Paykunaqa Diospa uyantam qawanqaku, urkunkupiñataqmi paypa sutin kanqa.